منتدى أصدقاء للأبد

بسم الله الرحمن الرحيم
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي


نتحدى الفراق فى آخر سنوات الدراسة ----- حقا كلمة شكر واجبة لصاحبة الفكرة د. مروة رمضان ------ المؤسسون / الفرقة الرابعة كلية الآداب جامعة الزقازيق
 
الرئيسيةالرئيسية  س .و .جس .و .ج  بحـثبحـث  التسجيلالتسجيل  دخولدخول  

شاطر | 
 

 حكايتى مع بنت الجيران، البنت زى القمر

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
HamaDa SiaM
Moderator
Moderator
avatar

عدد المساهمات : 63
تاريخ التسجيل : 11/05/2009
العمر : 29

مُساهمةموضوع: حكايتى مع بنت الجيران، البنت زى القمر   2009-06-11, 9:47 pm

الحكاية بتبدأ من حوالى سنتين....
العفش بينزل من على عربية النقل
...

و انا واقف فى البلكونة.. وبسأل امى (اللى كانت واقفة
تنشر الغسيل): هو فى حد هيسكن هنا ولا ايــه يامـا؟
قالتلى اه يا حبيبى دى الشقة اللى قصادنا
قلتلها ويا ترى عرسان جداد ولا عيلة وبتعزل؟

قالتلى والله يابنى مانا عارفة

قلتلها طيب.. يا خبر انهارده بفلوس.. بكرة يبقى بفلوس
اكتر
..

و بعد أسبوع
......
أمى واقفة بتنشر الغسيل بردو.. وانا واقف جنبها بردو..
وبتقولى: مش السكان الجداد وصلوا خلاص

قلتلها يا شيـــــخة
!
قالتلى: اه.. مرات الراجل عدت عليا انهارده وسلمت عليا
وعرفتنى بيهم
قلتلها: ايــه بقى عرسان جداد؟؟
قالتلى لا دول أسرة.. عندهم ولدين وبنت
قلتلها خير.. خير.. (والشر بيبظ من عينيا
)

و أثناء الحديث الشيق ده
..
طلعت مامت الولاد م البلكونه.. ولما شافت أمى هزت راسها -
بتسلم على امى يعنى -.. وطبعا أمى ردتلها الهزة - بترد السلام يعنى
-
و بعدين طلع ولد صغير ابتسم لنا اول ما شافنا
....
أصل البلكونة فى وش البلكونة , بس هم مركبين ستارة واحنا
مش مركبين ستارة... بس باين عليهم ناس طيبين اوى
...
المهم.. الأم ندهت لبنتها
...
الحقيقة انا كنت أول مرة فى حياتى أسمع الاسم اللى هى
ندهت به
..
أول مرة أعرف ان فى بنت اسمها كده أصلا
...

الام بتنده: يــــــا روفيدة (على وزن بثينة , بضم الراء
يعنى
)
اسم جامد مووووووت... عجبنى الاسم اوى... وبدعى ربنا تكون
رُفيدة حلوة زى اسمها
..
و طلعت روفيدة من ورا الستارة فـى حركة
Slow Motion من بتاعة الافلام..
و انا متنح تتنيحة سوده... روفيدة طلعت احلى من اسمها..
جميلة جمال لا يوصف... ناصعة البياض
..
مش قادر ارفع عينى من عليها.. مينفعش ارفع عينى من عليها
اصلا
...
فضلت متنح لحد ما شافتنا انا وامى
..
لما شافت امى ابتسمت لها
..

و لما شافتنى زى ما تكون شافت عفريت ودخلت على جوة جرى
...


و تمر الأيام
..
و مشكلتى ان البلكونة بتاعتنا تدخلها من اوضتى.. عشان كده
فى الرايحة والجاية ابص اشوف روفيده واقفة ولا لأ
..
ساعة ما الاقيها واقفة.. اطلع البلكونة
..
مرة اعمل نفسى بتكلم فى التليفون.. او بشم الهوا مثلا - مع
إن الدنيا تراب وعفرة

-
او بلعب عشر ضغط.. اى تلكيكة والسلام

الغريب انها كانت فى الاول لما تشوفنى تروح داخلة جرى على
جوة
..
لكن بعد فترة لاحظت انها مكانتش بتدخل اول ما تشوفنى..
وكانت بتفضل واقفة هى كمان
...
بقيت فى عز الشمس اقف.. لحد ما اعرق واجيب جاز.... فى عز
البرد واقف بتكتك م البرد
واقف بالساعات مدام روفيدة واقفة... ارمى نظرة..
ابتسامة.. أشاور
و كانت هى بتكتفى بالابتسام وعلامات الخجل
...

و ف يوم من ذوات الايام
..
بشاورلها.. شاورتلى
بقيت هطير م الفرحة.. روفيده شاورتلى يا جدعان
...
قعدت اطنطط ع السقف وأغنى وحياة قلبى وأفراحه
..
و هبا إيـه هبا أاه.. إن شاء الله هنظبط

امتى بقى اتكلم معاها ونهظر سوا
...

لحد ما جه اليوم
...
انا راجع م الكلية.. وعلى اول الشارع شفت أمى واقفة مع
مامت روفيده
..
و المفاجاة: روفيده واقفة معاهم
لقيت نفسى بجرى زى شخصيات الكرتون.. نصى التحتانى بيجرى
قبل نصى الفوقانى تشووووووووو
...
لحد ما بقيت عندهم.. عرقان طبعا وبنهج وحالتى حالة
...
نزلت عليهم زى الباراشوط
..
ازيك ياما.. ازيك يا طنط عاملين ايه
...
و بصيت لرٌفيدة.. كانت بصالى وبتضحك
..
كانت زى القمر اليوم ده.. ولابسة تى شيرت حمالات - اصل الجو
كان حر اوى اليوم ده

-
قلتلها: ازيك يا روفيده؟
!
و كان رد فعلها غير متوقع بالمررررة... كان صدمة حقيقية
بالنسبة لى
..
لقيتها بتمد ايديها وبتسلم عليا
...
و بتقولى: الحمد لله.. ازيك انت؟؟
!
رحت مسلم عليها
....
و قلتلها: الله يسلم قلبك يا روح قلبى
..
و رحت بايس ايديها
....
و رحت شايلها
...........
و قلتلها: انتى عندك كام سنة بقى؟؟


قالتلى عندى 3 سنين


رحت بايسها تانى وانا هطير م الفرحة وفضلنا نلعب ونضحك
ونهزر... لحد ما مامتها شالتها وطلعوا البيت
و من يومها وانا وروفيده اصحاب... كل ما تطلع البلكونه
نلعب ونهزر مع بعض
الرجوع الى أعلى الصفحة اذهب الى الأسفل
lovelysmile
Adminstrator
Adminstrator
avatar

عدد المساهمات : 321
تاريخ التسجيل : 04/05/2009
العمر : 29

مُساهمةموضوع: رد: حكايتى مع بنت الجيران، البنت زى القمر   2009-06-11, 9:56 pm


احلي اشتغاله والله يابو صيام
مره منك ره من ابو خليل بقينا ملطشه
نايس اشتغاله

_________________
الرجوع الى أعلى الصفحة اذهب الى الأسفل
Shams
Manager
Manager
avatar

عدد المساهمات : 669
تاريخ التسجيل : 05/05/2009
العمر : 30

مُساهمةموضوع: رد: حكايتى مع بنت الجيران، البنت زى القمر   2009-06-12, 1:31 am


ههههههههههههه
حلوه
انت مره وفهد مره
براحتكم ع الأخر

_________________

حبيبى يا ملاك.. يامهنينى بهواك .. شو هـ الدنيا بلاك .. حبيبى يا ملاك .... والله ملاك







rody&shams
الرجوع الى أعلى الصفحة اذهب الى الأسفل
http://shams.blogaraby.com/
sadlysmile
Moderator
Moderator
avatar

عدد المساهمات : 568
تاريخ التسجيل : 05/06/2009
العمر : 27
الموقع : http://4everfriends.all-up.com

مُساهمةموضوع: رد: حكايتى مع بنت الجيران، البنت زى القمر   2009-06-12, 2:20 am

بجد بجد انا صدقت
وكنت متابعة اوى
شكرا يا حماده على الاشتغالة
وبجد نايس اشتغاله Smile

_________________


لما يا عمري جيت أسوة زماني نسيت يا سلام آه حبك دوا

بيكفيني يللي راح من عمري أنا حلك يا قلبي ارتاح و اتهنى بالهنا


ونعوووووووود بعد غيااااااااااااااااااب

rody&shams
الرجوع الى أعلى الصفحة اذهب الى الأسفل
AhMeD KHaLiL
Moderator
Moderator
avatar

عدد المساهمات : 172
تاريخ التسجيل : 04/05/2009
العمر : 28

مُساهمةموضوع: رد: حكايتى مع بنت الجيران، البنت زى القمر   2009-06-13, 8:29 am

هو اللي هنعمله ف الناس هيطلع علينا ولا اييييييه؟؟؟؟
حلوه الاشتغاله يابوصيام
اشطه

_________________
:










FaHd
الرجوع الى أعلى الصفحة اذهب الى الأسفل
بـنـدق
Adminstrator
Adminstrator
avatar

عدد المساهمات : 376
تاريخ التسجيل : 04/05/2009
العمر : 29
الموقع : الأرض المباركة ( مــصــر ســابــقـا )

مُساهمةموضوع: رد: حكايتى مع بنت الجيران، البنت زى القمر   2009-06-13, 10:45 am

يا سلام عليك يا ابو صيام و انت بتشتغلنا

بس مش مهم المهم ان انت منورنا يا غالى



_________________
الرجوع الى أعلى الصفحة اذهب الى الأسفل
http://www.bondokhere.blogspot.com
 
حكايتى مع بنت الجيران، البنت زى القمر
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى أصدقاء للأبد  :: الركن المميز :: ساعة لقلبك-
انتقل الى: