منتدى أصدقاء للأبد

بسم الله الرحمن الرحيم
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي


نتحدى الفراق فى آخر سنوات الدراسة ----- حقا كلمة شكر واجبة لصاحبة الفكرة د. مروة رمضان ------ المؤسسون / الفرقة الرابعة كلية الآداب جامعة الزقازيق
 
الرئيسيةالرئيسية  س .و .جس .و .ج  بحـثبحـث  التسجيلالتسجيل  دخولدخول  

شاطر | 
 

 حسام البدرى مديرا فنيا للأهلى ... و لما لا ؟

استعرض الموضوع السابق استعرض الموضوع التالي اذهب الى الأسفل 

هل توافق على تعيين حسام البدرى مديرا فنيا للنادى الأهلى ؟
نعم، أوافق بشدة
25%
 25% [ 1 ]
نعم، من باب إعطاء الفرصة
50%
 50% [ 2 ]
لا ، الأهلى يحتاج اسم كبير
0%
 0% [ 0 ]
لا ، البدرى ليس كفء
25%
 25% [ 1 ]
مجموع عدد الأصوات : 4
 

كاتب الموضوعرسالة
بـنـدق
Adminstrator
Adminstrator
avatar

عدد المساهمات : 376
تاريخ التسجيل : 04/05/2009
العمر : 29
الموقع : الأرض المباركة ( مــصــر ســابــقـا )

مُساهمةموضوع: حسام البدرى مديرا فنيا للأهلى ... و لما لا ؟   2009-05-11, 1:20 am

بعد ما أكده النادى الأهلى اليوم أصبح ضروريا للإدارة الأهلاوية أن تبحث عن بديلا لمستر مانويل جوزية الرجل الذى أحببناه كثيرا و أحبنا كثيرا ...........
له ما له من بطولات و ألقاب و أرقام صعبة و صعبة جدا
و عليه ما عليه من هفوات و سقطات صغيرة و معدودة .
بعض النقاد يعاتبون جوزية على مستوى النادى الأهلى الحالى
و يحملوه المسؤولية عن الخروج المبكر من دورى الأبطال و لكنى أرى غير ذلك ....
نحن فى قارة و لسنا فى بلد
بها فرق تتغير و يتطور مستواها من عام إلى عام ....
فلم نسمع عن فريق أخذ بطولة قارية مرتين على التوالى
أو أخذها أربعة مرات فى سبع سنوات ...................
هذا يكفى جوزية و سنة الحياة التغير و الكرة غالب و مغلوب
و الرجل قضى معظم فترته و هو غالب
و نحن الآن نسن السكاكين له و هو مهزوم . ليس هذا موضوع الحديث

و لكن أردت التوضيح أنه حسبما ذكر المصدر من النادى الأهلى أن جوزية هو الذى تقدم باعتذار عن المسؤولية

و عدم قدرته لإكمال عقده لموسم مقبل هو الموسم الأخير فى العقد و إدارة الكرة وافقت على اعتذار جوزية .



هنا نقف ..................
لماذا لا يترك النادى الأهلى الدفة لابنه البار و المخلص / حسام البدرى و هو أحد الكوادر التدريبية الشابة؟
أليس حسام البدرى هو المدرب العام الذى خاص عدة مباريات مع الفريق أثناء تغيبات جوزية و قدم رؤية طيبة؟
أليس حسام البدرى هو الحاسم و المحبوب لدى اللاعبين ؟
و هو الأقدر على الوصول لهم و تعويضهم من الجانب النفسى
عن رحيل مستر مانويل جوزية؟
فلن يكون سهلا استخلاص الطاقات من هؤلاء الللاعبين خصوصا بعد رحيل جوزية
هم فى حاجة إلى شخص قريب منهم و يملأ فراغ جوزية العاطفى
و يسير أيضا بنفس فنياته
حسام البدرى يجلس إلى جوار جوزية منذ سنوات
فمن المؤكد تعلم الكثير و الكثير إلى جانب اطلاعه الشخصى و الثقافة
حسام البدرى المير الفنى المصرى الكفء المحبوب الحاسم الذى سيقتنع بكل لاعب
و كل لاعب سيقتنع به و سيبذل قصارى جهده
من أجل النادى و من أجل كابتن حسام فى هذه التجربة
فهذا الدافع قد يعوض الحب و التعلق بمستر جوزية
أعتقد أنه من الطبيعى أن يصدر قرار بتعيين حسام البدرى مدير فنيا
و لو لمنتصف الموسم القادم كى
نعطى فرصة لأبناء النادى لقيادته
كما أعطيناها لأوليفيرا و بونفرير و العديد و العديد من الأسماء
أم نحن نرغب فى الخواجة صاحب القبعة و لا يهم كفاءته؟

مجرد رأى

الرجوع الى أعلى الصفحة اذهب الى الأسفل
http://www.bondokhere.blogspot.com
lovelysmile
Adminstrator
Adminstrator
avatar

عدد المساهمات : 321
تاريخ التسجيل : 04/05/2009
العمر : 29

مُساهمةموضوع: رد: حسام البدرى مديرا فنيا للأهلى ... و لما لا ؟   2009-05-11, 2:30 am

مع احترامي ليك ياحمد وبعيدا عن اني زملكاوي
اعتقد ان اي مدرب مهما كانت قدراته سواء كان مصري او اجنبي
هاييجي بعد جوزيه هايتظلم لان جوزيه اسنفذ طاقا جميع الاعبين (مع الاعتراف بامكانيات جوزيه وتقديري ليه )
وهايبقي للازم يبني فريق من اول وجديد
ومع احترمي لحسام البدري خبراته حتي اللي شفنها في الماتشين
اللي لعبهم السنه اللي فاتت لما جوزيه سافر
ماتخليهوش يمسك فرقه من كبر الفرق في مصر والقاره والوطن العربي (بعد الزمالك طبعا خصوصا علي مستوي العرب وافريقيا)
ومن الحسن لو هاييجي مدرب يبقي اجنبي شاب له موخات تدريبيه
قوي الشخصيه يقدر يحكم كم النجوم اللي في النادي ويتعامل معاهم كويس
ومع الاعلام كمان
الرجوع الى أعلى الصفحة اذهب الى الأسفل
MosTaFa AmiN
Moderator
Moderator
avatar

عدد المساهمات : 78
تاريخ التسجيل : 06/05/2009
العمر : 29

مُساهمةموضوع: رد: حسام البدرى مديرا فنيا للأهلى ... و لما لا ؟   2009-05-11, 3:00 am

بالعكس يا حماده حسام البدرى اثبت نفسه فى الفتره اللى قاد فيها الاهلى الموسم اللى فات بدليل النتايج الكويسه اللى حققها صحيح هو مقدرش يفوز فى الماتشات كلها لكنه مخسرش, مع ان الفريق مكانش بيلعب بالاساسيين , لو كلنا نفتكر كانوا فى فترة راحه , ولعب بالاحتياطيين والناشئين ويكفى انه قدم لنا احمد عادل عبد المنعم اللى متهيالى انه لو خد الفرصه هيبقى افضل من رمزى صالح واللى اتالق فى حراسة المرمى بعد هروب الحضرى واصابة امير , من جانب تانى البدرى خبرته مش قليله , بالعكس خبرته عاليه جدا ده غير الدورات التدريبيه اللى هو واخدها, ويكفى ان المنتخب كان هيموت عليه عشان يمسكه مع حسن شحاته وقبله مع تارديللى , اما من ناحية اللاعبين فعلاقة حسام البدرى ممتازه جدا باللاعبين ده غير شخصيته القويه اللى تاهله لقيادة الحجم ده من النجوم وفوق كده كمان تعلق جماهير الاهلى بيه, ومن وجهة نظرى المتواضعه ان حسام البدرى لو خد الفرصه هيثبت نفسه جدا
الرجوع الى أعلى الصفحة اذهب الى الأسفل
JEMY MARTIN
Manager
Manager
avatar

عدد المساهمات : 317
تاريخ التسجيل : 04/05/2009
العمر : 29

مُساهمةموضوع: رد: حسام البدرى مديرا فنيا للأهلى ... و لما لا ؟   2009-05-11, 4:18 am

lovelysmile كتب:
اي مدرب مهما كانت قدراته سواء كان مصري او اجنبي
هاييجي بعد جوزيه هايتظلم لان جوزيه اسنفذ طاقا جميع الاعبين (مع الاعتراف بامكانيات جوزيه وتقديري ليه )
عندك حق يا حماده مع انك زمالكاااااااااوى بس فعلا اى مدري هيجى الاهلي كلنا هنقارن بينه وبين مانويل جوزية
وده طبعا هيكون ظلم جداااا بس اتمنى ان الادارة تلاقى الراجل المناسب لقيادة الكتيبة الحمراء من جديد
الرجوع الى أعلى الصفحة اذهب الى الأسفل
lovelysmile
Adminstrator
Adminstrator
avatar

عدد المساهمات : 321
تاريخ التسجيل : 04/05/2009
العمر : 29

مُساهمةموضوع: رد: حسام البدرى مديرا فنيا للأهلى ... و لما لا ؟   2009-05-12, 4:57 am

يامصطفي اولا حسام البدري ماكسبش في الماتشين اللي لعبهم مع الاهلي كمدير فني
وبعيدا عن انه كان بيلعب بالناشئين والاحتياطيين بس ماكنش ليه شكل في الملعب
وبعدين الدورات التدريببيه مش كفايه انه يمسك فريق بحجم الاهلي
وبعدين حسن شحاته مافكرش ياخده معاه لانه من الاول وهو مستقر مع شوقي غريب
ومنسجمين قوي مع بعض ده مش انتقاص من قدرات البدري اللي احنا مانقدرش نحكم عليها
لانه ماتحطش في تجربه كافيه انه يطلع اللي عنده ومش مناتشين نقدر نحكم انه كويس او وحش
فعلي الاقل ياخد الفرصه دي مع فريق تاني وبعديها نحكم عليه
لان جماهير الاهلي مش هاتستحمل الخساره وساعتها هايحطم نفسيا وفنيا

الرجوع الى أعلى الصفحة اذهب الى الأسفل
HamaDa SiaM
Moderator
Moderator
avatar

عدد المساهمات : 63
تاريخ التسجيل : 11/05/2009
العمر : 29

مُساهمةموضوع: رد: حسام البدرى مديرا فنيا للأهلى ... و لما لا ؟   2009-05-12, 7:16 am

lovelysmile كتب:

فعلي الاقل ياخد الفرصه دي مع فريق تاني وبعديها نحكم عليه
لان جماهير الاهلي مش هاتستحمل الخساره وساعتها هايحطم نفسيا وفنيا

انا مع حمادة فى النقطة دى ان البدرى لازم يثبت نفسه مع فريق
تانى قبل ما يثبت انه قادر يدرب فريق كبير زى الأهلى!!!!!!!!!!!!
الرجوع الى أعلى الصفحة اذهب الى الأسفل
MosTaFa AmiN
Moderator
Moderator
avatar

عدد المساهمات : 78
تاريخ التسجيل : 06/05/2009
العمر : 29

مُساهمةموضوع: رد: حسام البدرى مديرا فنيا للأهلى ... و لما لا ؟   2009-05-12, 7:50 pm

مع احترامى ليك يا حماده بس انا اختلف معاك فى النقطه دى
لو تفتكر ايام الكبوه اللى كان فيها الاهلى بعد رحيل جوزيه اول مره اتولى تدريب الفريق فتحى مبروك اللى قدر انه يجيب الكاس وكان ده لمدة شهر واحد بس وقدر انه يحقق نتايج كويسه
فما بالك بحسام البدرى اللى بقاله سنين ماسك الفريق مع جوزيه, ومتهيالى ان خبرة حسام البدرى اعلى من خبرة فتحى مبروك, وعلى فكره قبل تكوين الجهاز الفنى للمنتخب كان اتحاد الكره بيضغط على النادى الاهلى عشان حسام البدرى يتولى تدريب المنتخب مع تارديللى وبعده مع حسن شحاته وده انا متاكد منه


عدل سابقا من قبل MosTaFa AmiN في 2009-05-15, 2:09 am عدل 2 مرات
الرجوع الى أعلى الصفحة اذهب الى الأسفل
Shams
Manager
Manager
avatar

عدد المساهمات : 669
تاريخ التسجيل : 05/05/2009
العمر : 30

مُساهمةموضوع: رد: حسام البدرى مديرا فنيا للأهلى ... و لما لا ؟   2009-05-12, 8:18 pm



معلش يا جماعه ع المقاطعه
هو الأهلى هو اللى بيلبس أحمر ف الماتش


فاكر يا حماده إنت وبندق

الرجوع الى أعلى الصفحة اذهب الى الأسفل
http://shams.blogaraby.com/
lovelysmile
Adminstrator
Adminstrator
avatar

عدد المساهمات : 321
تاريخ التسجيل : 04/05/2009
العمر : 29

مُساهمةموضوع: رد: حسام البدرى مديرا فنيا للأهلى ... و لما لا ؟   2009-05-13, 12:40 am

ههههههههههههههه
فاكر ياشريف وهي دي حاجه تتنسي
ده انا الحج هنا كل مايشوف ماتش للاهلي يزلني
كله بسببك ربنا يسامحك



وبالنسبه لكلام مصطفي انت لو فكرت كويس
هاتلاقي كلامك تأكيد لكلامي
لان فتحي مبروك مدرب ليه خبره كبيره
علي مستوي الاندية او حتي ناشئي الاهلي
وبعدين لو هو حلو قوي كانو سابوه يكمل
واديك شفت محمد حلمي مع الزمالك
جاب الكاس برده ومشي راح الاوليمبي
س كمان ماجاش الزمالك غير لما اتأكدو انه
مدرب قدير انا شخصيا مقتنع بيه جدا
واعتقد انه هايكون مدير فني كويس
بس البدري لسه عليه بدري
الرجوع الى أعلى الصفحة اذهب الى الأسفل
بـنـدق
Adminstrator
Adminstrator
avatar

عدد المساهمات : 376
تاريخ التسجيل : 04/05/2009
العمر : 29
الموقع : الأرض المباركة ( مــصــر ســابــقـا )

مُساهمةموضوع: رد: حسام البدرى مديرا فنيا للأهلى ... و لما لا ؟   2009-05-14, 2:40 am

هو ده بالظبط اللى كنت أقصده

اننا نتناقش و كل واحد بعرض وجهة نظره

مبسوط جدا جدا من الحوار و شكله

و أكيد اللى هيقرا الموضوع هيستفيد من كل وجهات النظر دى

الرجوع الى أعلى الصفحة اذهب الى الأسفل
http://www.bondokhere.blogspot.com
الرمان الأحمر
Active friend
Active friend
avatar

عدد المساهمات : 71
تاريخ التسجيل : 03/06/2009
العمر : 30

مُساهمةموضوع: رد: حسام البدرى مديرا فنيا للأهلى ... و لما لا ؟   2009-06-03, 11:44 pm

والله يا جماعه بعائد بيع فلافيو اللى هو 21 مليون جنيه

والودائع اللى باجنيد فكها اللى هيا 30 مليون جنيه

يعنى فريق الكره فى خزينته حوالى خمسين مليون جنيه

نقدر نضم لاعيبه مميزه جدا زى عبد الله السعيد عن طريق مبادله وشريف عبد الفضيل واحمد ابو مصطفى والهانى سليمان وعبد العزيز توفيق ونصعد ناشئين مميزين زى عبد الله فاروق وهشام محمد ومصطفى طلعت ومصطفى شبيطه

وعموما اى مدرب صغير او لسه فى بدايته هيبقى احسن من سكيبيه دا اللى ناوين يبلونا بيه دا اعتزل كره وهو عنده 21 سنه وملعبش الا 14 متش رسمى فى حياته

دا احمد خليل لعب اكتر منه يا اخوانا lol!

وبعدين ال85 الف دولار بتوع جوزيه نقدر نجيب بيهم مدربين عالمين وليكن فان باستن او فرانك ريكارد

الله الأهلى الوطن
الرجوع الى أعلى الصفحة اذهب الى الأسفل
maher
New friend
New friend
avatar

عدد المساهمات : 46
تاريخ التسجيل : 30/05/2009
العمر : 27

مُساهمةموضوع: رد: حسام البدرى مديرا فنيا للأهلى ... و لما لا ؟   2009-06-04, 1:59 am

ياجماعة جوزيه ده من افشل المدربين اللى عرفتهم ممكن بقة تقولو علشان زملكاوى او مش زملكاوى
جوزيه ده كان لازم ينجح واحد طلب لبن العصفور وجبهولو
سياستو سياسه غبيه اصلا بيتعاقد مع كل نجم بيظهر فى فرقة ويقعدو جمبو بالتالى بيقضى على القوة الضاربه ف كل فريق
انتو بتقولو جوزيه عمل وعمل وعمل
وكلكو علشان اهلويه مبتفكروش تسبب ف ايه شوفو كام نجم كان ممكن يكون مستقبل لمصر وموتو كتير جدا
ومنهم محمد عبدالله وحسين على واحمد حسن دروجبا ونجم زى حسين ياسر والعجيزى احسن ناشىء فى مصر اقصد كان
وغيرو وغيرو وغيرو بلاش بقة مبررات مش ليها اهميه
خلى حد ينكر ان جوزيه كان حاطط جزمتو ف وش النادى كلو
الله يرحم التحكيم المصرى اللى كسب الاهلى كتير يكسبو يطلعو يقولو علشان الاعلام يقل اللاعيبه كبرت ومش كبرت واول مايخسر يقولك اجهاد
بصراحة انا بكره الاهلى اووووووووووووووووووووووووووووى وبكرة جوزيه اوى اوى اوى اوى
علشان كدة اعزرونى مش حشارك فى الاستفتاء دة لانى اصلا لا ابالى للفريق ده
او ميهمنيش اللى يهمنى انو يكون فريق فاشل
الرجوع الى أعلى الصفحة اذهب الى الأسفل
الرمان الأحمر
Active friend
Active friend
avatar

عدد المساهمات : 71
تاريخ التسجيل : 03/06/2009
العمر : 30

مُساهمةموضوع: رد: حسام البدرى مديرا فنيا للأهلى ... و لما لا ؟   2009-06-04, 7:31 am

بس يا ماهر هانى العجيزى اللى بتتكلم عليه دا الزمالك بعتله الاستغناء بتاعه عن طريق البريد

ومحمد عبد الله دا مرمى ع الدكه بقاله سنه عندكم ,, وجوزيه اداله فرص متقلش عن فرص فلافيو

ولا نسيت متش الصفاقصى فى تونس وماتش الاسماعيلى 0/3 وحسين ياسر ياترى عاوزه يلعب مكان مين

فلافيو ولا بركات ولا تريكا ؟؟ وحسين باقى مع الفريق ومش هيلعب بردوا حتى فى عدم وجود جوزيه

لانه اقل من بركات وتريكا ومش هيلعب الا لما حد فيهم يتصاب

وجوزيه طلع احمد ابو مسلم وحسام غالى واحمد بلال وحسام عاشور واسامه حسنى واحمد السيد وعماد متعب

واول من ادخل طريقه 4/3/3 فى مصر

وصاحب 19 بطوله فى خمس سنين

يعنى نص بطولات الزمالك الجديه فى 100 سنه

وانت بتكره الاهلى اوى عشان هو القطب الاوحد فى مصر

ازاى نقارن فريق عنده 106 بطوله بفريق عنده 50 ب55 بطوله ؟؟
الرجوع الى أعلى الصفحة اذهب الى الأسفل
maher
New friend
New friend
avatar

عدد المساهمات : 46
تاريخ التسجيل : 30/05/2009
العمر : 27

مُساهمةموضوع: رد: حسام البدرى مديرا فنيا للأهلى ... و لما لا ؟   2009-06-04, 8:22 pm

يعنى ايه اول من دخل طريقة 4\3\3 فى مصر

هو اخترعها يعنى ولاايه ممكن يكون اخترعها وزود لاعب عن باقى الفرق

وبعدين بتقولى ابو مسلم دا ابو مسلك ده قولى عمل ايه دا حتى مدخلش منتخب

ولا اسامه حسنى هههههههههه اللى قاعد ومبينزلش فى السنه نص ساعة على بعض

واحمد السيد مدافع مش ليه اى لازمــــــــــــــــــــــــــــــــــــــــــــــــــــــــــــــــــــــــــــه
وعماد متعب اهو ادعيلو يرجع بعد عمر طويـــــــــــــــــــــــــــــــــــــــــــــــــــــــــــــــــــــــــــــــل

وبعدين طالما حسين ياسر مستواه اقل من بركات ده ازاى احترف وكان ف يوم هيلعب لمانشستر واحترف وكان نجم فى البرتغال

نسيت سورى ان بركات وتريكه كانو ف برشلونه ههههههههههههههههه

انا فعلا بكره الاهلى جدا جدا جدا لحد اخر الدنيا ممكن تقول جدا

تعرف اسمو الجديد ايـــــــــــــــــــــــــــــــه(نادى الحزب الوسنــــــــــــــــــــــى) شوف كام ماتش ولا دورى اتاخد بالتحكيم وشوف وشوف واخرها ريشه الواطى ده طالع بعد الدورى ما راح يقولك جون تريكة فاول هههههههههههههههههههههه الله يرحم الاهلويه بجد


انا كنت كاتب موضوع بعيد عن التعصب بس انا بقة بقول نعم للتعصب وبايدو كمان لان الاهلى ده فرقة مش ليها لازمة

نسيت صحيح ممكن تقولى حسين على ده مش كان فى سنة من احسن اللاعيبه ف مصر وقالو انو حيفيد المنتخب ودلوقتى الله يرحمو جوزيه منو لله موتو
الرجوع الى أعلى الصفحة اذهب الى الأسفل
بـنـدق
Adminstrator
Adminstrator
avatar

عدد المساهمات : 376
تاريخ التسجيل : 04/05/2009
العمر : 29
الموقع : الأرض المباركة ( مــصــر ســابــقـا )

مُساهمةموضوع: رد: حسام البدرى مديرا فنيا للأهلى ... و لما لا ؟   2009-06-05, 3:37 am

يا جماعة مش كدة

الموضوع قلب تهريج

و ما ينفعش الكلام

ياريت بس بلاش الكلام الكبير و الجامد ده

كل واحد يعرض وجهة نظره و اللى بيقرا الموضوع هيشوفها

انما نتريق و نشتم و الكلام ده

بيتهيألى احنا أكبر من كدة يا ماهر و اكبر من كدة يا هشام

_________________
الرجوع الى أعلى الصفحة اذهب الى الأسفل
http://www.bondokhere.blogspot.com
maher
New friend
New friend
avatar

عدد المساهمات : 46
تاريخ التسجيل : 30/05/2009
العمر : 27

مُساهمةموضوع: رد: حسام البدرى مديرا فنيا للأهلى ... و لما لا ؟   2009-06-05, 3:44 am

الا يابندق انا مش شتمت انا مقدرش اغلط ف هشام اصلا
بس انا بعرض وجهة نظرى وهو بيعرض وجهة نظرو
احنا مختلفين نع بعض اه بس بعيد عن الكورة هو اخويا الكبير طبعا واسف لو كان حد فهم كلامى غلط

انا اسف يابندق واسف ياهشام بس بجد كلامو استفزنى
الرجوع الى أعلى الصفحة اذهب الى الأسفل
بـنـدق
Adminstrator
Adminstrator
avatar

عدد المساهمات : 376
تاريخ التسجيل : 04/05/2009
العمر : 29
الموقع : الأرض المباركة ( مــصــر ســابــقـا )

مُساهمةموضوع: رد: حسام البدرى مديرا فنيا للأهلى ... و لما لا ؟   2009-06-05, 6:42 am

بص يا ماهر

مفيش داعى لأنا بكره الاهلى و الكلام ده

و مفيش داعى من هشام يقول المقارنة ما تنفعش بين الأهلى و الزمالك

يعنى بلاش العصبية

و انا عارف انها نرفزة صغننة

بس عشان الموضوع ما يتطورش

احنا لسه بنقول يا عم ماهر مش عاوزين تعصب

_________________
الرجوع الى أعلى الصفحة اذهب الى الأسفل
http://www.bondokhere.blogspot.com
الرمان الأحمر
Active friend
Active friend
avatar

عدد المساهمات : 71
تاريخ التسجيل : 03/06/2009
العمر : 30

مُساهمةموضوع: رد: حسام البدرى مديرا فنيا للأهلى ... و لما لا ؟   2009-06-05, 7:03 am

وهو انا اتكلمت يا احمد بيه انا بقول حقائق وماهر بيتكلم كلام عاطفى وملوش اى سند

احمد ابو مسلم دا دخل قايمه احسن 11 لاعب فى كاس العالم للشباب

واحمد السيد مقدرش اتكلم عليه , تقدر تسال جمال حمزه

وعماد متعب بردوا اوسا ممكن يجاوبك هو ومدحت عبد الهادى

وحسين ياسر مقدرش اهاجمه لانه بينتمى لكيان الاهلى وحسين لعب فى اكاديميه نادى مانشستر سيتى يعنى كان سنه 14 سنه

وكتير زيه لعبوا فى الاكاديميه دى دودى الجباس لاعب المصرى كان فى نيوكاسيل لغايه سن 18

وكان لاعب احتياطى فى بوافيستا متزيل ترتيب الدورى البرتغالى وسعر لم يتعدى ال800 يورو

واتباع لحل مشاكل النادى الماليه

وجوزيه اوى من لعب ب4/3/3 فى مصر زى ما هديكوتى اول من لعب ب3/5/2 فى مصر وللمعلوميه لو مكنتش عندك

كل فرق مصر قبل هديكوتى كانت بتلعب ب5/3/2 خمسه مساكين ومنهم اتنين بيعرفوا يمشوا كوره كدا على قدهم بيلعبووهم بكات ومكنش بيبقى ليهم اى ادوار هجوميه اللهم الا مصطفى عبده واينو الكبير

وجوزيه اول من لعب بخطة بدايه 4/3/3 وكان بيعتمد على رضا شحاته وحسام غالى وخالد بيبو فى محور الارتكاز وطبعا واضح من اسماء الللاعيبه قد ايه كانت طريقه هجوميه

وانا بردوا مصر ان كلامى كله واقعى ومبنى على حقائق مش كلام هوائى ووثنيه ووطينه وريشه وكلام غريب

قشطه يا ماهر حبيبى واخو حبيبى انت
الرجوع الى أعلى الصفحة اذهب الى الأسفل
lovelysmile
Adminstrator
Adminstrator
avatar

عدد المساهمات : 321
تاريخ التسجيل : 04/05/2009
العمر : 29

مُساهمةموضوع: رد: حسام البدرى مديرا فنيا للأهلى ... و لما لا ؟   2009-06-05, 7:31 am

ياجماعه انا مش عارف انتم خدتو الموضوع كده ليه احنا كنا بنتكلم ببساطه وكل واحد بيطرح وجهة نظر منطقيه مع احترامه لمشاعر واهتمامات الاخر يعني ماينعش اغلط في الزمالك وانا عارف ان اللي قدامي زملكاوي او اسعلاوي واحد بس كمان ماينفعش اغلط في الاهلي لان الاهلي رضينا او مارضيناش فريق كبير وماحدش كمان يقدر يختلف علي جوزية اختلفنا او اتفقنا مع بعض النقاط ولكنه في الاول والاخر مدرب ناجح وناجح باكتساح كمان ودي حاجه تحسبله ماهو ناس معاها لاعيبه ومش بتعرف تعمل حاجه وادينا شايفين جوارديلولا بيعمل ايه مع البارسا بلاعيبه كانت هي هي مه ريكارد كل مجرب ليه بصمه وبصمة جوزية واضحه وكفايه البطولات واختياره كأحسن مدرب برتغالي لعام 2009
احنا مش في موضوع جوزيه احنا بنتكلم هل البدري سنفع مدير فني للاهلي ولا لأ وليه؟
وشكرا
الرجوع الى أعلى الصفحة اذهب الى الأسفل
الرمان الأحمر
Active friend
Active friend
avatar

عدد المساهمات : 71
تاريخ التسجيل : 03/06/2009
العمر : 30

مُساهمةموضوع: رد: حسام البدرى مديرا فنيا للأهلى ... و لما لا ؟   2009-06-05, 7:46 am

يا بتااع الكيميا يا متركب انت يا حماده lol!
الرجوع الى أعلى الصفحة اذهب الى الأسفل
maher
New friend
New friend
avatar

عدد المساهمات : 46
تاريخ التسجيل : 30/05/2009
العمر : 27

مُساهمةموضوع: رد: حسام البدرى مديرا فنيا للأهلى ... و لما لا ؟   2009-06-05, 11:26 pm

ياجماعة لو سمحت احنا بعيد عن الكورة اسمحولى نكون صحاب واخوات لكن بليز لحد الكورة والزمالك سورى بجد

مقدرش اشوف حد بيغلط فيه ومش ارد

كل واحد ليه انتماء خاص وبليز لو كل واحد بقة يتكلم يبقة يتكلم عن الفرقة اللى بينتمى ليها

للاحترام ومش اكتر بلاش حد يتكلم عن الزمالك لانى مش حقدر اسكت

لانى فعلا ودى حقيقة انا متعصب كروى ودى حاجة مقدرش اغيرها

وشكرا على سعة الصدر
الرجوع الى أعلى الصفحة اذهب الى الأسفل
moon.light
Moderator
Moderator


عدد المساهمات : 130
تاريخ التسجيل : 29/05/2009
العمر : 29

مُساهمةموضوع: رد: حسام البدرى مديرا فنيا للأهلى ... و لما لا ؟   2009-06-15, 9:27 am

لا اله الا الله الحمد لله

انى دخلت بعد الخناقه ديه

حسام البدرى مش ينفع مدير فنى مع احترامى الكبير

علشان ملوش خبره تعامل مع المباريات كمسئول وحيد
ومش هيعرف يتعامل مع الاعيبه الى عندنا ديه

اى مدرب مصرى ميقدرش يتعامل مع نجوم

ولو فكرنا فى مدرب مصرى انا برشح طلعت يوسف بجد مدرب ملوش حل
كفايه انه بيختار فريق لسه طالع من مظاليم وشوف عمل ايه مع الاهلى والزمالك والاسماعيلى

ولا كان هو عامل ايه مع الجيش بجد اخر دماغ

وفى الاول والاخر جيه فينجادا وربنا يستر
الرجوع الى أعلى الصفحة اذهب الى الأسفل
 
حسام البدرى مديرا فنيا للأهلى ... و لما لا ؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى أصدقاء للأبد  :: الرأى و الرأى الآخر :: OFFSIDE-
انتقل الى: