منتدى أصدقاء للأبد

بسم الله الرحمن الرحيم
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
أحمد ونور ( الحلقه السابعة ) Icon_bounce شكرا أحمد ونور ( الحلقه السابعة ) Icon_bounce
ادارة المنتدي
منتدى أصدقاء للأبد

بسم الله الرحمن الرحيم
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
أحمد ونور ( الحلقه السابعة ) Icon_bounce شكرا أحمد ونور ( الحلقه السابعة ) Icon_bounce
ادارة المنتدي
منتدى أصدقاء للأبد
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


نتحدى الفراق فى آخر سنوات الدراسة ----- حقا كلمة شكر واجبة لصاحبة الفكرة د. مروة رمضان ------ المؤسسون / الفرقة الرابعة كلية الآداب جامعة الزقازيق
 
الرئيسيةالرئيسية  أحدث الصورأحدث الصور  التسجيلالتسجيل  دخولدخول  

 

 أحمد ونور ( الحلقه السابعة )

اذهب الى الأسفل 
+3
MosTaFa AmiN
JEMY MARTIN
lovelysmile
7 مشترك
كاتب الموضوعرسالة
lovelysmile
Adminstrator
Adminstrator
lovelysmile


عدد المساهمات : 321
تاريخ التسجيل : 04/05/2009
العمر : 35

أحمد ونور ( الحلقه السابعة ) Empty
مُساهمةموضوع: أحمد ونور ( الحلقه السابعة )   أحمد ونور ( الحلقه السابعة ) Icon_minitime12009-06-25, 7:17 am

بعد ماحمد كلم الحج هريدي واطمن منه علي احواله واحوال الحاجه واخواته كانت نور رجعت من السوبر ماركت


نور: ايه يا احمد سلمتلى على الحج هريدى

أحمد : اه طبعا طبعا يا نور

أحمد: ياااااه يا نور لو شفتى بلدنااااااا حته من شرم كده

نور : نفسى اروح معاك يا احمد مرة واشوفها واشوف الحج هريدى ومامتك وكل اخواتك

أحمد : بينه وبين نفسه ((متشوفيش وحش))


حمد : اااه يا نور نفسى تشوفى ابويا العمده وهو قاعد فى الزريبه أخ قصدى وهو بيبص على الناس اللى شغاله فى الزريبه

أحمد : وأد ايه يا نور ابويا مهتم بنظافه الزريبه أخ قصدى البلد كلتها


نور: اكيد طبعا لازم يتعب مش عمده طب احكيلى عن اخواتك يا احمد

أحمد : عندى يا ستى أخين وأخت

نور: واسمهم ايه يا احمد

أحمد : عواد وعبعال والبنت اسمها صابحه

نور: وسنهم اد ايه؟؟

أحمد : عواد ده حرامى أد الدنيا

نور: حرااااامى !!!!


أحمد : لأ يا شيخه بهزر معاكى
دا عواد عنده خمستااااشر سنه ولسه فى ابتدائى اصل بيحب الدراسه جوى تصورى

نور : وعبعال ؟؟؟؟

أحمد : عبعااااااال يا عينى على عبعال ...
عبعال ده تديله من فوق اكل يديكى روايح جميله جوي جوي برفان اف مستورد

نور: هههههههههههههههههههههههههه

أحمد : لا دا عبعال فظيع تصورى
عبعال فى مرة كنا بنتعشا فا أمى كانت عاملالنا بيض ومش وكان فى المش دود وكان عبعال بجاله يومين مكالش
لحمه راح واكل الدود وساااب المش

نور: يوميين مكاالش لحمه !!!!
ههههههههههههههههه

أحمد : لأ وايه وبعد ما أكل الدود والبيض دخل بيت الراحه
فضلت يا نور البلد كلتها 7 أيام تعانى من سد فظييييع فى المجارى

نور: هههههههههههههههههههههههه يع يع

أحمد : مقولكيش بجا على صابحه

نور: لألأ كفااااااايه لحد كده

أحمد : لا كله إلا صابحه .. صابحه وهى صابحه


وفجأة واحمد بيتكلم مع نور راح طابب عليه واحد بلدياته من البلد واحمد بقى مرعوب ليشوفوا ويجى يسلم عليه

ويفضحه قدام نور

وفعلا ده اللى حصل وبلدياته شافه وراح رايحله علطوووووووووووول

أحمد وشه جااااااب 100 لووووون وخااااااف ليتفضح قدام نور وتعرف ان ابوه ولا عمده ولا حاجه

ورااااااااح دااااخل بلديتناااااا على احمد


ودخل بلديتنا على احمد

صميده : أحمد بلدياتى حبيبى ازيك يا صاحبى عامل ايه

أحمد : ازيك انت يا عواد

بينه وبين نفسه (( الله يخرب بيتك ايه اللى جابك دلوجتى يا صميده يا غلس )).!؟

صميده : ( عواد ) مين انت مش فاكرنى ولا ايه يا احمد

أحمد : لالا طبعا ازاى يا حمدان فاكرك وانا اقدر انساك

صميده : حمدان مين يا احمد انا صميده ابن عمك الحج شعبان بتاع البليله

أحمد : ااااااه يا جدع وانا اقدر انساك برده ايه اللى انت بتجوله ده وايه اللى جايبك هنا يا حمار قصدى يا صميده

بينه وبين نفسه (( تيجو من بلدكوا وتقرفونا هنا )).!؟


صميده : طب والله يا احمد انت كنت واحشنى جوى جوى

فاكر يا احمد ايام زمان اما كنا .......؟

وراح احمد قاطع كلامه

أحمد : اااه طبعا طبعا فاكر يا صميده وانا اقدر انسى


بينه وبين نفسه (( اه يا ابن الدزمه هتفضحنى جدام نور ))..؟


صميده : فاكر اما كنا بنروح نلعب مع البهايم فى زريبه العمده اللى كان شغال فيها ابوك الحج هريدى

أحمد : هههههههههههههههههه دا انت بجى دمك شربات وزى السكر يا صمصم

صميده : ولا فاكر اما كنا بنروح الترعه اللى كنا كل يوم نروح ناخوض بلنصات فيها

أحمد : هههههههههههههههه يخرب بيت شيطانك يا جدع

بينه وبين نفسه (( عليا الطلاج شويه وهولع فيك يا ابن الدزمه )) ..؟


صميده : ياااااااه كانت ايام

أحمد: ااااااااه (( الله لا يرجعها ))..؟


نور طبعا قاعده بتحاول تفهم اى حاجه بس مش قادرة واقعه من الضحك وفى نفس الوقت مستغربه


صميده : انما مجولتليش يا احمد انت هنا بتعمل ايه

أحمد : بشم هوااااا اصل الجو حر جوى جوى هناك فى مصر

صميده : طب ما انت فى مصر برده يا احمد ولا انت حد ضحك عليك وفهمك انك مسافر بلاد بره


أحمد : يااااااه عليك يا صميده مش بقولك دمك بجى زى السكر .. قصدى على القاهرة يا خاااااافيف

صميده : اييييييييه ده وبجيت قاعد فى القاهرة كمان ؟

أحمد : وفيها ايه يعنى ياخويا ولا هما كاتبين عليها ممنوع دخول الحيوانات

نور : ههههههههههههههههههههههههههههههه

صميده : لا لا يا ابن عمى مجصوتش طبعا

أحمد : لا يا سيدى ولا تجصد

بينه وبين نفسه (( ايوه كده ادب معاه خناجه علشان يغووور ابن الدزمه ده )).؟

صميده : انت زعلت ولا ايه

أحمد : لا يا سيدى وهزعلى من حمار زيك ليه قصدى وهزعل منك ليه

صميده : طب حجك عليا

أحمد : انما مجولتليش يا سى صميده انت هنا بتعمل ايه ؟

صميده : انا يا ابن عمى شغاااااااااال فى مطعم فى فندق اسمه تروبيكالا

نور : هههههههههههههههههههههههه اسمه تروبيكانا

أحمد : وكمان مش عارف اسم الفندق اللى انت شغال فيه جتك نيله عليك

صميده : ولا يهمك يا جمر . اللى انتى تجوليه هو الصح

وبعدين مش تعرفنا يا احمد على المزمازيل اللى معاك

أحمد: لا يا سيدى مش هعرفك وبعدين انت مالك

صميده: كده يا ابن عمى ماشى ولا يهمك عادى انما انت مجولتليش عبعال اخوك عامل ايه مع البلد وعمل ايه فى الازمه اللى كان بيسببها للبلد كلها كل ما يدخل الحمام اصل بجالى كتير منزلتش البلد

نور: هههههههههههههههههههههههههههههه

أحمد: يالهوووووووى على تجل دمك يا صميده

انت ياض جايب الغلاسه دى منين ؟

أحمد : اييووووه صميده اهو .. الحج يا صميده اظاهر كده فى حد بينده عليك هناك وبيجول المدير عايزك

صميده: يالهووى المدير عايزنى يجى فى مصيبه حصلت

هجيلكوا تانى
الرجوع الى أعلى الصفحة اذهب الى الأسفل
lovelysmile
Adminstrator
Adminstrator
lovelysmile


عدد المساهمات : 321
تاريخ التسجيل : 04/05/2009
العمر : 35

أحمد ونور ( الحلقه السابعة ) Empty
مُساهمةموضوع: رد: أحمد ونور ( الحلقه السابعة )   أحمد ونور ( الحلقه السابعة ) Icon_minitime12009-06-25, 7:54 am

نور : ههههههههههههههه مقولتليش مين ده يا احمد


أحمد : ده ؟ داااا صميده ابو الغلاسه والرخامه والرزاله كلهاااااااااا

نور: هههههههههههه لا ما هو باين عليه وبعدين هو الكلام اللى بيقوله ده حقيقى

أحمد : يا سيتى متحوطيش فى بالك بجولك دا صميييييييده

أحمد : الله يخرب بيته مخلناش نعرف نتكلم مع بعض

نور: لا عادى يا احمد ولا يهمك بس انا زعلانه ان خلاص قربنا نرجع

أحمد : وانا كمان والله يا نور

نور: طب انت هتعمل ايه دلوقتى يا احمد ؟

أحمد : انا جعاااااااااان

نور: هههههههههههه انت على طول كده يا احمد اكل اكل على طول

أحمد : يا باااااى عليكى وعلى جرك هو مش انتى جولتى انهم عاملين الاكل ابون بوفيه

نور: ههههههههههههههههههههه ايه ( ابون ) ؟ هههههههههه اسمه اوبن بوفيه

أحمد : يااااااااااه على رزالتك انتى كمان هتعملى زى صميده ولا ايه بتيجى انتى فى الحاجات التافهه وتتكلمى

نور : ههههههه خلاص معلش

أحمد: طب ايه تيجى تاكلى معايا

نور بكسوف راحه قايلاله اوكى

أحمد : وبتجولى مش جعانه يالهوى عليكى تلاجيجى هتروحى هتعتدى على البوفيه كلها

نور : دا انا برده اللى كل شويه بقول انا جعان انا جعاااااااان


وراح احمد ونور اللى الابون بوفيه علشان ياكلوا

وياريتهم ماراحو


أحمد : عايزك يا بت يا نور تاكلى وتملى بطنك على الأخر جبل ما الوكل يخلص

نور : ههههههههههه يخلص ايه بس ياأحمد وبعدين البوفيه مفهوش حد كتير بياكل معانا

أجمد : برده يا نور انتى متضمنيش الاحتياط واجب بجولك ايه

ناولينى كده الفرخه اللى ناحيتك هناك دى وطبج المحشى اللى جنبيها بالمرة

نور : طيب بس انا اول مرة اشوفك جعان اوى كده


أحمد : لألأ اتعودى على كده خلاص دا احنا فاضل يوم ونرجع دا انا مش بعيد ابات فى الابون بوفيه بتاعكوا ده فلازم املا بطنى على الاخر


نور: ههههههههههههه طب ما انت اكيد هتجوع تانى يا ابنى اما ترجع


أحمد : ياباااااااااااااااى عليكى يا نور اسكتى بجى خلينى اعرف اتمزج بالفرخايه الجميله دى
دا انا اخر مرة كلت فيها فراخ اما كنت فى الشجه اللى انا جاعد فيها فى مصر وكانت كمان عملهالى الوليه المايصه جارتى بس كانت ماسخه زيها

نور : ماااشى اتفضل كل انا مش هضايقك تانى

وطبعا كده هما كانوا خدوا الاكل وقعدوا فى المطعم بتاع البوفيه على التربيزة يعنى


أحمد : متزعليييش... بس انا جعان وهنكمل كلامنا بعد ما اخلص يا جمر

نور: طب كل برااحه محدش بيجررررررى وراااك

أحمد : حااااضر ... كده كويس ؟ طب خدى ورك الفرخه دى منى ليكى

نور : لالالا شكرا مش ينفع خالص فراخ مع سمك فليه

أحمد : مع اييييييييييه ؟ سمك فاااااليه ؟

نور: ايه يا احمد متعرفش السمك الفليه مش الفاليه

اللى هو بيكون من غير شوك

أحمد : إيوه إيوه عرفته خلاص اللى بيعوم فى الإحواض بتاعت السمك ده

نور: ههههههههه يااربى ... ايوه هو يا احمد كل بقى

أحمد : طب خدى اى حاجه منى اجبرى بخاطرى يا نور طب اجولك خدى يا سيتى الطبج بتاع السلطه ده وجومى امليه سلطه وتعالى

نور: نعم نعم نعم ؟؟؟؟ من عينى يا أحمد

أحمد : تسلم عيونك يا جمر انت

وبعد ما راحت تجيبله السلطه يكلم نفسه
(( اومال ايه نعم نعم نعم دى اللى قالتها دى زى حاضر مثلا عندها ولا
ايه ))

المهم وهما قاعدين كان بياكل على الطربيزة اللى جنبيهم واحد من الجامعه برده معاهم واسمه ميدو ..... بس اييه قاعد معاه اربع بنات وشغالين بقى ايه ضحك ومقضينها خاااالص

والواد ايه من الشباب الجامد جدا جدا واللى بيجيبوا من الاخر

نور: ايه ده يا احمد ده ميدو اهو

أحمد : يكونشى عادل امام يعنى ؟
ميشو مين ؟

نور : ميدو يا احمد بقولك ميدو الولد اللى معانا فى الجامعه

احمد : طب اهلا وسهلا اجوم ابوسهولك يعنى ولا اعمل ايه ؟

نور: طب انا هقوم اسلم عليه واقوله على حاجه كنت عايزاها منه

أحمد : نعم يا ست الجمورة تجومى تسلمى علييييه لييييييييييه ؟ يكونش حد جالك انك جاعده مع سوسن ؟

نور : ههههههههه لأ والله مش قصدى بس اصلا كنت عايزة منه رقم الموبيل بتاع اخته علشان كنت عايزاها فى حاجه

أحمد : ااااااااااه وبعدين ايه اللى عامله فى شعره ده وايه النضارة اللى قد ودان الفيل اللى لابسها على عينه دى

ودى يا ترى حفظ نظر ولا لابسها كده يتمرجع بيها جدام البنات

نور : دا استيل مووووت يا احمد وعسوووول اوى اوى

أحمد : طب ما تجومى تاخديلك كده بوستين على الماشى منه

نور: لأ انا بقولك يعنى انه استيل مش اكتر وبجد انا دلوقتى عايزة رقم اخته اعمل ايه وكل ما اشوفه انسى اخده فا دلوقتى فرصه وانا فاكره

أحمد : طب من الاحسن انك تندهيلوا وهو يجى احسن

نور: طيب اوك فكره برده

نور: ميدووو ميدووووو

ميدو : ايه ده نور ازييييك يا بنتى


وراح قايم من على الطربيزة وراح رايح عند طرابيزتهم

لما نشوف بقي ايه اللي هايحصل بين ميدو واحمد لما نشوف ردودكم وتوقعاتكم



الرجوع الى أعلى الصفحة اذهب الى الأسفل
JEMY MARTIN
Manager
Manager
JEMY MARTIN


عدد المساهمات : 317
تاريخ التسجيل : 04/05/2009
العمر : 35

أحمد ونور ( الحلقه السابعة ) Empty
مُساهمةموضوع: رد: أحمد ونور ( الحلقه السابعة )   أحمد ونور ( الحلقه السابعة ) Icon_minitime12009-06-25, 8:09 am

تمام يا بوب
تسلم ايدك يا طاهر

بس مش عارف ليه بتتأخر علينا
عموما الحمد لله ان الغبى ده خلع قبل
م كان يفضحه ويوقعه ف شر اعماله شكله نهايتة سودااااااء
الرجوع الى أعلى الصفحة اذهب الى الأسفل
MosTaFa AmiN
Moderator
Moderator
MosTaFa AmiN


عدد المساهمات : 78
تاريخ التسجيل : 06/05/2009
العمر : 35

أحمد ونور ( الحلقه السابعة ) Empty
مُساهمةموضوع: رد: أحمد ونور ( الحلقه السابعة )   أحمد ونور ( الحلقه السابعة ) Icon_minitime12009-06-25, 10:09 am

تسلم ايدك يا صاحبى
بس بجد صدق اللى قال الكدب ملهوش رجلين
الرجوع الى أعلى الصفحة اذهب الى الأسفل
بـنـدق
Adminstrator
Adminstrator
بـنـدق


عدد المساهمات : 376
تاريخ التسجيل : 04/05/2009
العمر : 35
الموقع : الأرض المباركة ( مــصــر ســابــقـا )

أحمد ونور ( الحلقه السابعة ) Empty
مُساهمةموضوع: رد: أحمد ونور ( الحلقه السابعة )   أحمد ونور ( الحلقه السابعة ) Icon_minitime12009-06-25, 10:38 am

ولا رجلين و لا دماغ يا درش و الله

الكدب ملوش فايدة


عموما طبعا الريس حمادة بينزل كل حلقة أحلى م اللى قبلها

مستنين الحلقة الجاية يا معلمى
الرجوع الى أعلى الصفحة اذهب الى الأسفل
http://www.bondokhere.blogspot.com
Shams
Manager
Manager
Shams


عدد المساهمات : 669
تاريخ التسجيل : 05/05/2009
العمر : 36

أحمد ونور ( الحلقه السابعة ) Empty
مُساهمةموضوع: رد: أحمد ونور ( الحلقه السابعة )   أحمد ونور ( الحلقه السابعة ) Icon_minitime12009-06-25, 4:16 pm

تمام يا صحبى
وياريت متتأخرش علينا
الرجوع الى أعلى الصفحة اذهب الى الأسفل
http://shams.blogaraby.com/
مى فرغلى
Moderator
Moderator
مى فرغلى


عدد المساهمات : 249
تاريخ التسجيل : 06/05/2009
العمر : 35

أحمد ونور ( الحلقه السابعة ) Empty
مُساهمةموضوع: رد: أحمد ونور ( الحلقه السابعة )   أحمد ونور ( الحلقه السابعة ) Icon_minitime12009-06-25, 10:50 pm

تسلم ايدك يا محمد

حلقة جامدة ومتشوقين نعرف ايه اللى حصل بعد كده
الرجوع الى أعلى الصفحة اذهب الى الأسفل
sadlysmile
Moderator
Moderator
sadlysmile


عدد المساهمات : 568
تاريخ التسجيل : 05/06/2009
العمر : 34
الموقع : https://4everfriends.all-up.com

أحمد ونور ( الحلقه السابعة ) Empty
مُساهمةموضوع: رد: أحمد ونور ( الحلقه السابعة )   أحمد ونور ( الحلقه السابعة ) Icon_minitime12009-06-26, 9:30 am

تسلم يا محمد عالحلقة
ومش تتاخر علينا بقى يا عم
الرجوع الى أعلى الصفحة اذهب الى الأسفل
 
أحمد ونور ( الحلقه السابعة )
الرجوع الى أعلى الصفحة 
صفحة 1 من اصل 1
 مواضيع مماثلة
-
» أحمد ونور ( الحلقه 6)
» احمد ونور (الحلقة الرابعه)
» احمد ونور ( الحلقة الخامسه)
» غير حياتك ....( الحلقه الثانيه )
» قصيدة من أروع ما درست على يد د. أحمد صلاح

صلاحيات هذا المنتدى:لاتستطيع الرد على المواضيع في هذا المنتدى
منتدى أصدقاء للأبد  :: الركن المميز :: ساعة لقلبك-
انتقل الى: