منتدى أصدقاء للأبد

بسم الله الرحمن الرحيم
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي


نتحدى الفراق فى آخر سنوات الدراسة ----- حقا كلمة شكر واجبة لصاحبة الفكرة د. مروة رمضان ------ المؤسسون / الفرقة الرابعة كلية الآداب جامعة الزقازيق
 
الرئيسيةالرئيسية  س .و .جس .و .ج  بحـثبحـث  التسجيلالتسجيل  دخولدخول  

شاطر | 
 

 علاقة الحب بتفشل ليــه ؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
بـنـدق
Adminstrator
Adminstrator
avatar

عدد المساهمات : 376
تاريخ التسجيل : 04/05/2009
العمر : 29
الموقع : الأرض المباركة ( مــصــر ســابــقـا )

مُساهمةموضوع: علاقة الحب بتفشل ليــه ؟؟   2009-06-24, 2:24 am

كام مرة سمعت فى التليفزيون او فى برنامج و المحاور فيه بيسأل الضيف : إيه مواصفات فتاة أحلامك ؟
اكيد كلنا سمعنا ده السؤال قيم جدا جدا و لكن عادة الاجابات ما تكون خالية من الدقة و الصواب و المصداقية
و انا مش بتكلم فى الموضوع ده عشان اقول ان الواحد لازم يحب واحدة تفصيل او يقعد طول حياته يدور على اللى فى دماغه
و مش هلاقى !!!!!
انا بناقش الموضوع من ناحية تانية خالص

انت أعجبت بواحدة ( بداية الاحساس بالحب ) لازم هنا اقيم على مقاييس أربعة و هم دينى و أهلى و مجتمعى و نفسى

1) الدين :
حدد القرآن و السنة فى أكثر من موضع مواصفات الزوجة كل صفات المرأة المسلمة تتجمع فى كلمة واحدة
أن تكون متقية الله عز وجل فاذا كانت كذلك راعت زوجها و أهله و أبنائها رعاية تامة و حفظت للزوج حقوقه كاملة


2) الأهل :
وهذه مشكلة العصر أن يحب الشاب أو تحب الفتاة انسان و بعد سنوات عديدة من الحب الحقيقى لا تكتمل القصة بسسب رفض الأهل الذى هو فى بعض الأحيان صادق .....
لأنهم يحسبون الأمور بشكل مختلف قليلا عنا لأنهم قد تربوا على أشياء مختلفة و تقاليد مغايرة و ينظروا لحب على أنه مضيعة للوقت و تفاهة و.....ألى آخره
و منهم من يكيل الشخص بالمال فقط و منهم من يكيله بالعلم فقط ومنهم من يكيله بالنسب و الاصل فقط
ومنهم من يكيله بسمعته فقط ومنهم من يكيله بالدين فقط وهكذا إلى اخر تلك الانواع من الناس
والحقيقة أنه حين نفكر فى الشخص و نقرر إذا كان سيرضى الاهل أم لا ( وهو أمر تتوقف عليه استمرارية العلاقة من عدمها )
نقرر على كل تلك الاسس معا الدين مع المال مع العلم مع النسب و الاصل مع السمعة مع مستوى التفكير
هذا تقريبا كل ما يفكر به الأهل


3) المجتمع :
الاهل جزء من المجتمع فتقريبا معظم ما قلناه فى الاهل ينطبق على المجتمع لأن الاهل يسعون لرضا المجتمع


4) النفس :
و هذا هو ما يعتيره البعض المقياس الوحيد للحب و يقولون بأن الحب وحده يكفى و ان كذا و كذا و تلك الشعارات
و يتناسون أنهم انفسهم ركن من أركان الحب
و رضا النفس عن المحبوبة يأتى من معرفة شخصيتها بالاحتكاك المباشر المهذب أو الغير مباشر
وتقييم هل يستطيع الطرف الثانى أن يربى الأبناء و يراعك و يرعى البيت و يعلم الاخلاق و الأصول و على دراية بواجبات الزوجية أم لا


كتبت الموضوع ده مش عن تجربة واحدة لا ده عن تجااااااااارب شخصية او تجارب عشتها مع أشخاص قريبة منى
و عايز كل اللى يقرأ الموضوع يقولى رأيه فى الكلام ده


و بانتظار تعليقاتكم و انتقادكم التى تدفعنى دوما للأفضل


_________________
مـــوقــعى
الرجوع الى أعلى الصفحة اذهب الى الأسفل
http://www.bondokhere.blogspot.com
lovelysmile
Adminstrator
Adminstrator
avatar

عدد المساهمات : 321
تاريخ التسجيل : 04/05/2009
العمر : 29

مُساهمةموضوع: رد: علاقة الحب بتفشل ليــه ؟؟   2009-06-24, 3:11 am

انا شايف ان الكلام معقول جدا
وده بيحصل وكلنا شفناه وبنشوفه
او عل الاقل بنسمع عنه
لان لما الواحد بيحب
بيحب بقلبه بس
وده مش صح
لازم يكون للعقل مكان

موضوع جامد جدا جدا يابندق

_________________
الرجوع الى أعلى الصفحة اذهب الى الأسفل
مى فرغلى
Moderator
Moderator
avatar

عدد المساهمات : 249
تاريخ التسجيل : 06/05/2009
العمر : 29

مُساهمةموضوع: رد: علاقة الحب بتفشل ليــه ؟؟   2009-06-24, 4:36 am

بجد يا بندق موضوع جميل جدا

وانا رأييى ان العلاقة ما بين الاتنين لازم تكون بالعقل والقلب

والعقل اولهم طبعا عشان نقدر نعمل توازن بين الاربع حاجات اللى انت قولت عليهم

الدين والاهل والمجتمع والنفس
الرجوع الى أعلى الصفحة اذهب الى الأسفل
sadlysmile
Moderator
Moderator
avatar

عدد المساهمات : 568
تاريخ التسجيل : 05/06/2009
العمر : 27
الموقع : http://4everfriends.all-up.com

مُساهمةموضوع: رد: علاقة الحب بتفشل ليــه ؟؟   2009-06-24, 5:24 am

اولا موضوع رائع يا احمد
وتسلم ايدك

وفعلا يا احمد احنا بنندفع
بقلبنا ف اى علاقة حب
ومش بنفكر مع اننا لو فكرنا
بالعقل من الاول مش كنا بدانا فيها
واسالنى انا مجربة كل دة
وقرارات القلب بتبقى غلط بنسبة كبيرة
وعارف لو حكمنا الاتنين هناخد قرارات
صح بنسبة 100%
ولازم نحط قدمنا ااربع حاجات اللى قولت عليهم
قبل اى علاقة نخش فيها (الدين والمجتمع والاهل والنفس)

_________________


لما يا عمري جيت أسوة زماني نسيت يا سلام آه حبك دوا

بيكفيني يللي راح من عمري أنا حلك يا قلبي ارتاح و اتهنى بالهنا


ونعوووووووود بعد غيااااااااااااااااااب

rody&shams
الرجوع الى أعلى الصفحة اذهب الى الأسفل
بـنـدق
Adminstrator
Adminstrator
avatar

عدد المساهمات : 376
تاريخ التسجيل : 04/05/2009
العمر : 29
الموقع : الأرض المباركة ( مــصــر ســابــقـا )

مُساهمةموضوع: رد: علاقة الحب بتفشل ليــه ؟؟   2009-06-24, 1:09 pm

ميرسى يا سعادة الباشا المدير على الكلام الحلو ده

و ميرسى يا مى على مرورك و كلام الجميل

و ميرسى يا رضوى على كلامك و ردك



و المفروض اننا ندرس العلاقة من كل الجوانب و ده يتم فى مرحلة الاعجاب

اكيد مفيش حاجة اسمها حب من أول نظرة و كلام عمر الشريف و فاتن حمامة ده

و تشوفه فى الشارع فالبيض يقع فهو ينزل يلم القشر و عنيهم فى عنين بعض و الافلام دى

فيه فترة قبل الحب اللى هى بداية ما نحس فى الطرف التانى انه بيمثل لينا حاجة كبيرة

ساعتها لازم نحكم الاربع حاجات دول

لو صح نكمل و نسيب الاحساس يكبر

و لو غلط يبقى قضيت عليه م البداية و ما خسرتش بالعكس

و كمان ما تعبتش لأنك كنت لسه فى مرحلة الاعجاب


و ميرسى تانى ليكم كلكم

_________________
مـــوقــعى
الرجوع الى أعلى الصفحة اذهب الى الأسفل
http://www.bondokhere.blogspot.com
Shams
Manager
Manager
avatar

عدد المساهمات : 669
تاريخ التسجيل : 05/05/2009
العمر : 30

مُساهمةموضوع: رد: علاقة الحب بتفشل ليــه ؟؟   2009-06-24, 5:46 pm


عندك حق يا بندق لازم نحكم الأربع حاجات دول
بس الكلام لا يدركه من لم يمر بجرح
ولو كل واحد هيفكر ف الحاجات دى قبل ما يبدأ علاقة يبقى مش هنشوف فشل ف أى علاقة

_________________

حبيبى يا ملاك.. يامهنينى بهواك .. شو هـ الدنيا بلاك .. حبيبى يا ملاك .... والله ملاك







rody&shams
الرجوع الى أعلى الصفحة اذهب الى الأسفل
http://shams.blogaraby.com/
JEMY MARTIN
Manager
Manager
avatar

عدد المساهمات : 317
تاريخ التسجيل : 04/05/2009
العمر : 29

مُساهمةموضوع: رد: علاقة الحب بتفشل ليــه ؟؟   2009-06-24, 6:54 pm

كلامك صح مليون المية يا بندق
ولازم كلنا قبل م نبدء ف اى قصة لازم
نحط الاعتبارات الاربعة اساس ف العلاقة دى
وطبعا لازم نحكم العقل الاول وبعدين القلب قبل م نفكر ف اى علاقة
ولكن اسمحلى اقولك ان معظمنا بيقول الكلام ده ولكن ف الاول والاخر مجرد كلام
يعنى اول م بيتشد لوحده او هى تتشد لحد بننسى حتة التفكير بالعقل دى ومابيسيطرش علينا الا القلب بس

والدليل على كده معظم العلاقات اللى ربنا مابيقدرش انها تكمل على خير
دى وجهة نظرى وطبعا فيه ناس كتيرة مختلفه معايا فيها بس ده اللى انا شايف
ه
الرجوع الى أعلى الصفحة اذهب الى الأسفل
 
علاقة الحب بتفشل ليــه ؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى أصدقاء للأبد  :: الركن المميز :: إفتح قلبك-
انتقل الى: