طول عمرى معترف باللى للمرأة وحقها اللى هى نالته وأخدت زياده عنه
بس للأسف إستغلت الموضوع ده بطريقة غلط
هو فين حقها اللى خدته وزياده ده
دى بتعمل اللى عليها واكتر وفى الاخر حقها بيتنسى
ولو خدت حقها هيكون بنجاحها ومجهودها مش شفقه من حد
وبعدين هتستغله غلط ازاى يعنى
لا مش من وجهة نظر وبس لا ده من شئ سايد ف المجتمع المصرى بالذات
مانا قولت اننا مبنتكلمش من فراغ لأن كلامنا كله عن اشياء سايده فى المجتمع
بس نظرة الانسان للأشياء دى هى اللى بتسبب اختلاف وجهات النظر
من كلامك انك قابلتى عنصر واحد بس وممكن يكون نجاحه صدفه
لا مقابلتش عنصر واحد ولا حاجه بس انا بضربلك مثل ومثل مش بعيد عنى
انما انا قابلت ناس كتير كده وانا متاكده انك لو دورت حواليك هتلاقى كتير منهم
وبعدين هو لما المرأه تنجح يكون نجاحها صدفه
ولو فشلت هيكون ده العادى ؟؟ ... وطبعا العكس للرجل
ده منطق كله ظلم
بس عموما مفيش نجاح بييجى بالصدفه سواء بقى كان راجل او ست
ولو فرضنا انه جه بالصدفه هيتهد فى ثوانى لانه مش مبنى على اساس صح
أما غياب الوعى ده بيكون عند اتنين بس هما الأطفال عشان لسه مش قابلوا ناس كتير ومش مروا بتجارب
والنوع التانى هما البنات عشان مش مجبرين انهم يخوضوا أى معركة ضد الظروف أو تحمل المسؤلية
أو إلتزامات من أى نوع واللى إيده ف الميه مش زى اللى إيده ف النار
لا غياب الوعى ده بيكون سببه الاساسى هو التربيه الغلط وبعدها قلة التجارب
ولو البنت عندها غياب وعى عشان مش مجبره تخوض معارك يبقى ده عذرها
انما الشباب عذره ايه ؟
الشباب اللى انتى بتتكلمى عليه ده ممكن يكون ف مرحلة قبل الجامعه لكن مستحيل يكون فى شاب دخل الجامعه ومر بإحساس إنه بدأ يقرب من وقت هيبدأ فيه إنه يتحمل المسؤليه ويواجه عقبات وتحديات أعتقد إنها ف مصر بالذات صعبة جدا ويكون الشاب مستهتر
انزل الشارع واتفرج وانت هتعرف انا بتكلم عن مين
أما من ناحية انهم مش بيحققوا نجاح ف أى حاجة ده مش بيدل إنه مستهتر لأن إحنا ف وقت وفى مجتمع لو عملت إيه مش هتقدر تحقق اللى انت عايزه وده مش عيب فيك لا ده لأنك أكيد ف مصر
لا اللى بيكافح وبيحاول يبقى حاجه كويسه ومبقاش
ده انا عمرى ماقدر اتكلم عليه لأن كلنا مدركين الظروف اللى الشباب بيمر بيها
انما انا بتكلم على اللى حتى مبيحاولش وعايش فى الدنيا تايه وهيفوق متأخر اوى
ولو نجحت يبقى الظروف كانت ف صالحك وده قلما يحصل
وتقول ايه ع اللى الظروف بتكون ف صالحه ومبيستغلهاش
وبدل مايتمسك بالفرصه بإيديه وسنانه تلاقيه بيتحجج بحاجات ملهاش معنى
مهو ده بردو استهتار
يا إما معاك ظهر تتسند عليه
لا ف دى معاك حق .. مبقاش فى اكتر من الكوسه فى بلدنا
لا كده فيه غلطة صغيره
مش قله من الشباب المكافح لا ده شباب عمل اللى ميتعملش بس الظروف الحالية مش كانت ف صالحه وهو زيادة عن كده يلاقى ان اللى كان واقف جنبه اتخلى عنه
بتبقى صعبه جدا عليه
بردو هقولك تانى ان مش كل الشباب بيعمل اللى ميتعملش
ده فى ناس بتتكلم عن الظروف من غير ما تجرب اساسا
او ممكن يحاول محاوله صغيره عشان يرضى اللى حواليه
ولو فشل يبقى الاسم انه كده عمل اللى عليه وياعينى الظروف هى اللى دمرته
وهو فى الاساس ولا عمل اى حاجه ويمكن لو كان بذل مجهود شويه كان ربنا وفقه
واللى كان واقف جنبه ده مش هيقدر يساعده لو هو مش بيساعد نفسه ومش عايز يتحرك
وبالتالى تبقى كفه أتقل من التانيه
لا صدقنى الوحش بقى كتير من الناحيتين
ودى النوعيه السايده اليومين دول
والغالبة ف الوقت الحال
صح .. النوعيه السايده مننا ومنكوا
شكرا 
الرئيسية
2009-08-27, 3:28 am
