اتفضل خد الجنسية المصرية

موضوع: اتفضل خد الجنسية المصرية 2009-05-13, 3:58 am

امتحان السفارة المصرية للحصول على الجنسية

صباح الفل حبايبي الأعزاء

يشترط لد***** الامتحان ان المتقدم يكون معاه كل أدواتهاللازمة :

قلم رصاص – أستيكة (تحسباً للأخطاء الكتيرة) -
اثبات شخصيتك (تذكرة اوتوبيس – مفتاح الشقة – كارت تليفون مينا تل – عملة مصرية - أي حاجة)
في حالة لو احتجت لورقة اجابة زيادة اطلب من المشرف مع مراعاة عدم كتابة اسمك عليها (ما هي مش فارقة هتنجح هتنجح)

السؤال الأول:اختار من بين الأقواس الكلام الصح
1- حنان ترك اتحجبت يعني... (لبست جزمة - لبست ساعة - لبست ايشارب)
2- اللي بنى هرم خوفو...... .(طلعت مصطفى - المقاولون العرب - مقاول أنفار - خوفو)
3- اللي بنى مصر كان في الأصل......( حلاق - نجار - تاجر مخدرات - صلاح - حلواني)
4- البرنامج اللي بيجي ع القناة الأولى كل يوم الساعة 7.00 صباحاً ومحدش بيتفرج عليه برنامج..صباح الخير ....... (يا ماما - يا بابا - يا خالو - يا ريس - يا مصر )
- بص في ورقتك يا حيواااان!
5 - مصر هى أمي نيلها جوا......(عبي - بطني - رجلي - جيبي - دمي )
6- رئيس مصر القادم السيد......(جمال مبارك - جمال مبارك – و حياة أمك جمال مبارك - كلما سبق )

السؤال الثاني:أكمل الجمل الآتية بكلام م الآخر

1- انتبه من فضلك السيارة ترجع إلى.... ...
2- ماما زمنها...........
3- من خلال تجاربك السابقة...البامبرز استيك منه.....
4- طلعت أدّب نزلت أدّب لقيت الدب بيأزز........
5- اسم والد اللاعب وائل جمعةالحاج......
- و لو بتشجع أي فرقة من الفرق الأجنبية 'ريالمدريد ولا برشلونة ' وحياة أمك ما إنت واخد أم الجنسية

السؤال الثالث:ضع علامة صح أو علامة غلط أمام الكلام الجاي

1- بابا فين؟؟ .بابا هنا..قوله مين؟؟ قوله عمو ( )
2- الشرطة دائما في خدمة الشعب ( )
3- أذان المغرب في رمضان بصوت طارق نور ( )
4- شاي الجوهرة حتةسكرة ( )
5- يحكم مصر النظام المكلى ( )

والله يا جيمى موضوع سخن
وعندك حق يا صاحبى

على فكرة متنساش تنزل موضوع تانى فيه حل الأسئلة الصعبة دى

JEMY MARTIN كتب:: امتحان السفارة المصرية للحصول على الجنسية

صباح الفل حبايبي الأعزاء

يشترط لدخـول الامتحان ان المتقدم يكون معاه كل أدواتهاللازمة :

السؤال الأول:اختار من بين الأقواس الكلام الصح
1- حنان ترك اتحجبت يعني... (لبست جزمة - لبست ساعة - لبست ايشارب)
2- اللي بنى هرم خوفو...... .(طلعت مصطفى - المقاولون العرب - مقاول أنفار - خوفو)
3- اللي بنى مصر كان في الأصل......( حلاق - نجار - تاجر مخدرات - صلاح - حلواني)
4- البرنامج اللي بيجي ع القناة الأولى كل يوم الساعة 7.00 صباحاً ومحدش بيتفرج عليه برنامج..صباح الخير ....... (يا ماما - يا بابا - يا خالو - يا ريس - يا مصر )
- بص في ورقتك يا حيواااان! حاضر
5 - مصر هى أمي نيلها جوا......(عبي - بطني - رجلي - جيبي - دمي )
6- رئيس مصر القادم السيد......(جمال مبارك - جمال مبارك – و حياة أمك جمال مبارك - كلما سبق )

السؤال الثاني:أكمل الجمل الآتية بكلام م الآخر

1- انتبه من فضلك السيارة ترجع إلى الهاوية
2- ماما زمنها ماتت
3- من خلال تجاربك السابقة...البامبرز استيك منه فيه
4- طلعت أدّب نزلت أدّب لقيت الدب بيأزز خص
5- اسم والد اللاعب وائل جمعةالحاج عبد السلام محى
- و لو بتشجع أي فرقة من الفرق الأجنبية 'ريالمدريد ولا برشلونة ' وحياة أمك ما إنت واخد أم الجنسية

السؤال الثالث:ضع علامة صح أو علامة غلط أمام الكلام الجاي

1- بابا فين؟؟ .بابا هنا..قوله مين؟؟ قوله عمو ( غلط ) عشان بابا ما كانش هنا ساعة ما كان عمو بيتصل
2- الشرطة دائما في خدمة الشعب ( صح ) من باب ان الأدب فضلوه عن العلم و الشرطة سيد من يأدب
3- أذان المغرب في رمضان بصوت طارق نور ( غلط ) بصوت تامر دياب
4- شاي الجوهرة حتة سكرة ( صح ) من باب توفير السكر عملوه شاى و سكر فى بعض 2 فى 1
5- يحكم مصر النظام المكلى ( غلط ) نظام الحكم فى مصر نظام الجملوكية

شوف كدة يا جمال

هنجح ؟؟؟؟

برااااافوووووو
نجحت بامتياز
بس عندك بعض الاخطاء
ولكن هنعديهااا
تعرف ليه؟؟
لانك اكيد ف مصر
والمعنى ف باطن الزيييييييييييييييييير

شوف كدة يا جمال

هنجح ؟؟؟؟

[/quote]

والله يا أحمد
أنا شايف إنك هتروح ف داهية قريب
ربنا يستر

قريب جدااااااااا يا شيرى
بس اوعى تبيع صاحبك
مع اول علقة تخلع
وتحصلنى

حلوة الاسئلة وصعبة جدا جدا
مفيش ليها مزكرات
علشان مش عارفة احلها
ميرسى يا جمالى على موضوعك الرائع دة

هههههههههههههههههه

علشان كدة بعد الامتحان ده لازم تنزل اغنيه يبقة انت اكيد ..اكيد..ف مصر

علشان كل حاجة تكون مظبوطه ولو اى حاجة حصلت انا مش معاكم ههههههه

بس هو فى اسئله صعبه شويتين وعاوز ينزلها ملزمه للحل مستنيها ضرورى

موضوعك من احسن المواضيع اللى شوفتها بجد ويارب استمرار دايما