من هنا للامتحانات..اي مساعده يا دفعه؟

مساء الخير يا جماعه
انا فكرت في الفكره دي في الوقت ده عشان الي عايز اي حاجه في المناهج
يقدر يطلبها من الاعضاء
واكيد طبعا لو الاعضاء يقدرو يقدمو اي مساعده
هيقدموها

وممكن ابدا انا

بخصوص قصيده Fire&Ice
في الادب الامريكي
الدكتور كان قال نحاول ندور على symbols
تانيه للفاير والآيس
ممكن نتشارك الموضع ده
ولو حد عايز اي مساعه في اي ماده يتفضل يقول

شـ كـ ر ا

يا امانى انتى كده فتحتي على نفسك فاتحة
وابقى قابليني لو اتقفلت
انتي قولتي اى مادة
طب اتفضلي قوليلنا نعمل ايه ف
stylistics
افيدينا لو عندك الافادة

كل فصل يا جمال تلخصو في صفحتين
عشان الدكتور هيجيب 4 اسئله وعايز اختصااار
وتحفظو
وتدخل تكتبو في الامتحان
ولو مش هينفع تلخص
اشتري مذكرات من مكتبه النور
فيها كل الاجزاء ما عدا اخر درسين
خليها عليك ولخصهم في السريع في السريع
واقلب واحد منهم لو قلبك جامد
ههههه
الدكتور محمد ما بيدققش اوي
اطمن

لا بجد افادك الله يا اماني
قال يعني انا ماكنتش اعرف الكلام ده
انى المفروض الخص ولو مالخصتش اشتري من نور ورق
وانا اللى كنت فاكرك هتشرحي وتقولي المهم
لا بجد افادك الله كمان مرة
مش قولتلك دى دفعة !!!!!

كنت فاكر يا جمال انها هتشرحلك

و تقولك المهم

و تمتحنلك و تنجحلك بالمرة

و الله يا أمانى بجد موضوع حلو أوى

و انا معاكى برده

اى حد عاوز حاجة فى أى مادة يطلبها فى الموضوع ده

و إن شاء الله نحاول نفيد بعض

اومااااااااااااااال انت وهى بتتكلموا من قلبكوا ليه كده ؟؟
وايه حاجة يا دفعة ؟؟ ولما نعوز حاجة تقولى ذاكر ولخص
دفعة الوااااااحد مايطلعش منهم بمصلحة
فعلا دفعة تشيرنوبل

هي دي المواضيع
موضوع جميل جدا بجد

بس انا مش فاهم جمال عايز ايه
او مش فاهم ايه
ماقالتلك لخص كل فصل في صفحتين
وخش ارزعهم في الورقه
ولو مش هما اللي مذاكرهم ارزعهم برضو
وعلي ضمانتي

والله شكلك كده
هتضيعنا بضمانتك دى
بس واضح كده انى انا
الفاشل الوحيد هنا

عيب ياجمال انت مش فاشل قوي
وبعدين انت جاي تعرف انك فاشل
في اخر امتحانات ليك ان شاء الله يعني
هو احنا صحيح مخبيين عليك بقالنا 4 سنين
بس دي الحقيقه

انت مش لوحدك يا جيمى
مش ممكن اسيبك لوحدك
أى حد يقولى من فضلكوا امتحان الشعر و الأدب الأمريكى
هيجى ازاى
شكرا و أفادكم الله

انا بقا يا جماعة همى الكبير هى مادة الشعر مش عارفة ليه مش عاوزة تخلص وبجد دى اكتر مادة مقلقة منها اما بالنسبة للاساليب اللى تاعبة جيمى فانا لسة مبصتش فيها اصلا بس هى عايزة حفظ وبس

وباقى المواد الحمد لله تمام

وربنا يوفقنا جميعا

بشويش يا جمال بس عشان الامتحانات قربت
ومش ناقصين توتر

اقتباس :

أى حد يقولى من فضلكوا امتحان الشعر و الأدب الأمريكى
هيجى ازاى
شكرا و أفادكم الله

امتحان الشعر ان شاء الله هييجي 3 اسئله اجباري
اول سؤال البحث
تكتبه في اربع صفحات
بس ممكن يجيب اقتتباسات عشان كده اعمل حسابك
والسؤالين التانيين
كل قصيده 4 براجرافات تقريبا
وما تنسوش النقطه الفنيه لكل شاعر عشان الدكتور قال عليها 50%من الدرجه

اما الادب الامريكي
برضه 3 اسئله اجباري
سؤال البحث طبعا برضه في اربع صفات
وسؤالين واحد عن القصص القصيره
وواحد عن القصايد

بس ما قلش هيجيب كوتيشن من المسرحيه ولا لأ
وواحده سالته السؤال ده
قالها بكل بساطه (توقعي اي حاجه)

ا

اقتباس :: نا بقا يا جماعة همى الكبير هى مادة الشعر مش عارفة ليه مش عاوزة تخلص وبجد دى اكتر مادة مقلقة

ايوه والله يا مي
ربنا يسهل فيها ان شاء
شدي حيلك

بس يا جماعه استفسار بسيط
هو انا سؤال في رأس الموضوع مش ولضح للدرجــــــــــــــــادي
Smile

اقتباس :: بخصوص قصيده Fire&Ice
في الادب الامريكي
الدكتور كان قال نحاول ندور على symbols
تانيه للفاير والآيس
ممكن نتشارك الموضع ده
ولو حد عايز اي مساعه في اي ماده يتفضل يقول

وشــــ كـــــ ر ا

السلام عليكم جميعا
انا بقه عاوزه افهم كل حاجه معلشي بقه خليها عليكم بالنبسه للشعر ياجماعه
انهي قصيده هي اللي كانت البحث وغير كده باقي الاسئله بتقولوا هيجيبها علي اساس استشهادات يعني انا احفظ القصيده ولا الاستشهاد انا اكتبه من عندي يعني ومعلش كمان ايه النقطة الفنيه دي ؟؟؟ موش هي اني اكتب عن الشاعر في صفحه

وثانيا الادب الامريكي
بردو سؤال البحث كان ايه؟؟؟

يعني بقه حد يرد عليا بليز؟؟؟
اصل بصراحه اكتر ماده مقلقه منها الشعر حاسه انه تقيل يعني الدكتور رضا لازم نعمله الف حساب موش بيعدي بالساهل

اولا انتي اخترتي اسهل مادتين موجودين علينا
ودى وجهة نظرى المتواضعة جدااااا
لان ببساطة كده
1_ الشعر
اول سؤال عن البحث وهو عن قصيدة
Andra Del Sarto
وده هتتكلمي شوية عن روبرت براوننج وزاى هو اثر ف مجتمعه
وتقولي نشئة ال dramatic monologue
وبعدين تشرحي القصيدة زي م هى متقسمه ف الشيت اللى معانا
تانى سؤال
هيكون قصيدتين من باقى القصايد اللى موجودة
بسسسسسسسسسسس

2 _ الادب الامريكى اسهل من الشعر

السؤال الاول
سؤال البحث وبتتكلمى شوية ف المقدمة ونبذه عن willy loaman

اما السؤال التانى
هيكون ف قصة من الشورت استوريز اللي موجوده ف الكتاب
هما موجود اتنين هيحيب واحده

السؤال الثالت
عندنا حوالى 4 قصايد هيجيب واحده نشرحها ونكتب عن صاحبها شوية

بس ادى المادتين اعتقد انهم ف منتهى السهولة

هذا والله الموفق
والسلام عليكم ورحمة الله وبركاته

وعليكم السلام ورحمة الله وبركاته

بالنسبه لسؤال الشعر البحث هاييجي في قصيدة Andrea Del SARTO

هانكتب فيه اربع صفحات ( ورقتين) بترتيب الاسئله الموجوده في الشيت كلها

وبالنسبه لسؤال الادب الامريكي هاييجي في مسرحية DEATH OS Salesman

وهانكتب فيه اربع صفحات برضه 30% عن ال tragic hero يعني صفحه

70% عن شخصية Will Loman يعني 3 صفحات

ده اللي انا اعرفه

وربنا يوفقك ويوفقنا

من الواضح برضه ان سؤالي مش واضح بالمرررره

هو ردك واضح وواضح قوي
بس هو ماحدش عنده اجابه
عشان كده ماحدش رد
لانه مش هايضيف جديد
بس انا بحاول والله
ولو وصلت هابعتلك اكيد