منتدى أصدقاء للأبد

بسم الله الرحمن الرحيم
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي


نتحدى الفراق فى آخر سنوات الدراسة ----- حقا كلمة شكر واجبة لصاحبة الفكرة د. مروة رمضان ------ المؤسسون / الفرقة الرابعة كلية الآداب جامعة الزقازيق
 
الرئيسيةالرئيسية  س .و .جس .و .ج  بحـثبحـث  التسجيلالتسجيل  دخولدخول  

شاطر | 
 

 عارفين ايه اكتر حاجه بتفرح الشاب المصري؟؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
AhMeD KHaLiL
Moderator
Moderator
avatar

عدد المساهمات : 172
تاريخ التسجيل : 04/05/2009
العمر : 28

مُساهمةموضوع: عارفين ايه اكتر حاجه بتفرح الشاب المصري؟؟؟   2009-05-17, 4:51 pm

لما ابوه يقوله على اي حاجه ,, برافو عليك ايوه كده..

-لما ابوه يفتخر بيه قدام اي حد " عارفين الزباله اللي كانت قدام باب البيت تحت؟؟؟ ابني اللي لمّها" !!!!

-لما يكون بيكلم بنت على النت وتقوله انت ظريف اوي

-لما يعرف ان النهارده جاي فيلم جديد على روتانا مشافوش قبل كده

-لما يعرف انه كسب حتي علبه سجاير في اي سحب

-لما يجيب قميص جديد وينزل بيه اول يوم ويحس ان الناس كلها بتتفرج -عليه ..

-لما يدخل امتحان الكليه يلاقيه جاي من الصفحتين اللي ذاكرهم امبارح

-لما يكون قاعد على شات ياهو ويلاقي بنت باعتالو ممكن نتعرف

-لما يحب يروح اي مكان ويلاقي الاتوبيس جه بسرعه !!! ودي مستحيله حبتين ..

-لما يلاقي الاتوبيس ده فاضي ..!!!!!!!!!!!! ودي اكتر استحاله من اللي قبلها ..

-لما يكون متاخر مع اصحابه على القهوه ومش عارف هيروح ازاي ويلاقي فجاه ميكروباص بينادي جيزه اول الهرم

-لما يكسب ماتش على البلاي ستيشن او فيفا 2007

يوم عيد ميلاده لما يلاقي اقرب بنت ليه بتقوله الساعه 12.01 "كل سنه وانت طيب"؟

-لما واحده تقوله على فكره انت صوتك حلو اوي

-لما يدي معاد لبنت ويروح يلاقيها وصلت قبله .. ودي بنفس استحاله مجي الاتوبيس فاضي..

-لما يجيله مسج على موبايله ويلاقيه حاجه غير (كلمني .. شكرا ..بالاضافه لمعلومه مهمه جدا كان هيلوص لو مكانتش جت في المسج على غرار اربط الحزام تنجو من الحوادث.. او دلوقتي كروت الشحن بقت بنفس السعر المكتوب عليها !!!!)

-لما الاهلي يكسب ..

-لما الزمالك يخسر ..

-لما يكسب اول فلوس من شغل ..

-لما حد يقرا حاجه هو كاتبها ويقوله عليها انها حلوه اوي ..

-لما يقول نكته لصحابه ويضحكو من قلبهم ..

-لما يحب اول مره ..

-لما يحرج بنت في الشارع ادام الناس بعد ما هزاته..

-لما يقنع باباه بحاجه عمره ما كان هيوافق عليها .. انه ينزل بالقميص على اللحم مثلا ..

-لما يروح يشتري حاجه ويفاصل فيها وياخدها بالتمن اللي هو عايزه مع انه عارف ان البياع كده كده كسبان...!!!

-لما فلوسه كلها تخلص ويكون مش عارف يجيب فلوس منين وفجاه يلبس الجاكيت اللي كان متشال من فتره يلاقي فيه عشرين جنيه !!!

-لما ينزل الحسين والازهر ويشوف البلد بالليل وهي في العصر الفاطمي ويلاقي الانتكخانه والاجزخانه وباب زويله وباب النصر وباب الخلق بشكلهم القاهري اللي بجد .. ولما يسافر اسكندريه يستجم بعد الامتحانات ولما ينجح في الامتحانات ولما امه تدعيله ولما ياكل اكله حلوه من عند بحه او ابو طارق او لما يكون عطشان ويلاقي كولدير ساقع اوي او لما يجيله مسج من حبيبته او لما يكسب واحد صاحبه في ماتش شطرنج طويل او لما يكون مخنوق ويلاقي صاحبه بيكلمه بيقوله ماتيجي ننزل ولما يقف على كوبري قصر النيل ويتفرج على لمعان صفحه المايه بسبب القمر او انوار شبابيك النيل هيلتون ...

-الشاب المصري بيكون مبسوط لما يحس ان ربنا كارمه ...


-الشاب المصري بينبسط من اقل حاجه رغم كل المشاكل اللي في البلد ..
الرجوع الى أعلى الصفحة اذهب الى الأسفل
Shams
Manager
Manager
avatar

عدد المساهمات : 669
تاريخ التسجيل : 05/05/2009
العمر : 30

مُساهمةموضوع: رد: عارفين ايه اكتر حاجه بتفرح الشاب المصري؟؟؟   2009-05-17, 5:04 pm

عندك حق يابنى الشباب المصرى بيتبسط من أى حاجه
حتى لو كانت بسيطة
الرجوع الى أعلى الصفحة اذهب الى الأسفل
http://shams.blogaraby.com/
مى فرغلى
Moderator
Moderator
avatar

عدد المساهمات : 249
تاريخ التسجيل : 06/05/2009
العمر : 29

مُساهمةموضوع: رد: عارفين ايه اكتر حاجه بتفرح الشاب المصري؟؟؟   2009-05-25, 2:28 am

هى فعلا حاجات بسيطة ممكن تفرح الشاب المصرى
بس احنا ممكن تكون ارادتنا اقوى من كده ونعمل حاجات مفيدة
الرجوع الى أعلى الصفحة اذهب الى الأسفل
بـنـدق
Adminstrator
Adminstrator
avatar

عدد المساهمات : 376
تاريخ التسجيل : 04/05/2009
العمر : 29
الموقع : الأرض المباركة ( مــصــر ســابــقـا )

مُساهمةموضوع: رد: عارفين ايه اكتر حاجه بتفرح الشاب المصري؟؟؟   2009-05-25, 6:55 pm

و الله يا ابو خليل موضوع جامد

الشباب بقوا أتفه من التفاهة نفسها

سابوا الدنيا و المشاكل و المواويل اللى البلد فيها

و تلاقيهم بيتكلموا فى الشات و الياهو و المفتش كورومبو و المصارعة

حاجة بقت تنقط

_________________
الرجوع الى أعلى الصفحة اذهب الى الأسفل
http://www.bondokhere.blogspot.com
sadlysmile
Moderator
Moderator
avatar

عدد المساهمات : 568
تاريخ التسجيل : 05/06/2009
العمر : 27
الموقع : http://4everfriends.all-up.com

مُساهمةموضوع: رد: عارفين ايه اكتر حاجه بتفرح الشاب المصري؟؟؟   2009-06-10, 4:54 am

وجهة نظر
بس ف شباب بجد ربنا يحميهم
وربنا يوفقهم
ميرسى يا ليلو عالموضوع

_________________


لما يا عمري جيت أسوة زماني نسيت يا سلام آه حبك دوا

بيكفيني يللي راح من عمري أنا حلك يا قلبي ارتاح و اتهنى بالهنا


ونعوووووووود بعد غيااااااااااااااااااب

rody&shams
الرجوع الى أعلى الصفحة اذهب الى الأسفل
AhMeD KHaLiL
Moderator
Moderator
avatar

عدد المساهمات : 172
تاريخ التسجيل : 04/05/2009
العمر : 28

مُساهمةموضوع: رد: عارفين ايه اكتر حاجه بتفرح الشاب المصري؟؟؟   2009-06-10, 6:07 am

متشكر يا جماعه اوي على مروركم وعلى ردودكم الجميله دي
ومنوريني كلكم
ويااااارب يهدينا جميعا
الرجوع الى أعلى الصفحة اذهب الى الأسفل
 
عارفين ايه اكتر حاجه بتفرح الشاب المصري؟؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى أصدقاء للأبد  :: الركن المميز :: ساعة لقلبك-
انتقل الى: