فى شىء فعلا اسمه حب ؟؟؟؟؟؟ بجد 3 اسئله حيرتنى جدا

التوبيك ده ياجماعة بعد ازنكو اسمحولى انى اتكلم فيه

وياريت كل واحد يجاوب فيه

على الاسئله دى وبصراحة

الاسئله دى مهما نفكر فيها عمرنا ماحنتفق فى اجابه

على اجابه واحدة

لان كل واحد ليه وجهة نظر خاصة بيه

الاسئله دى حيرتنى كتير جدا جدا وعاوز اسمع ارائكم فيها لو

سمحتولى

1- يعنى ايه حــــــب؟؟؟؟؟؟

2- هو فى اصلا حاجة اسمها حب؟؟؟؟؟؟؟

3- لو فى حب يبقة لازم فى تضحيه اى نوع يكون من التضحيه

والحدود اللى ممكن تكون فى

التضحيات؟؟؟؟

عاوز بجد اشوف اراء مختلفة

وكل واحد يقولى رايه بصراحة

شكرا على سعة الصدر

انا برايى المتواضع جدا اعتقد ان الحب ماهو الا ارتياح لشخص معين مش اكتر من كدة وده اجابه على سؤالى الاول
اما اجابتى على سؤالى التانى فهو ان مفيش حاجة اسمها حب
اما اجابتى على السؤال التالت وببساطه مفيش اجابه لان مفيش اصلا حاجة اسمها حب يبقة مفيش تضحيه وشكرا

1- يعنى ايه حــــــب؟؟؟؟؟؟

الحب ده كيان ..... بيجمع بين روحين قلب و عقل
كيان بكل ما تحمل الكلمة من معنى
بشر و اقتصاد و ثقافة و مشاعر و عقلانية و فلسفة
دولة .... بيحكمها العقل بقوانين القلب
و شعبها اتنين بس هما الاتنين اللى بيحبوا بعض
و مطلوب منهم يخططوا للدولة دى صح عشان تقدر تدافع عن نفسها
و تفضل طول العمر قوية
يندرج تحت بند الحب مفاهيم كتير اعتقد كلنا عارفينها
أهم حاجة عاوز أقولها ان على قدر قوة الحب على قدر قوة التعبير
يعنى ممكن واحدة تكون بتحبك و عمرها ما بينت حاجة
بالعكس دى بتحاول بكل الطرق انها ما تبينش حاجة
لكن انت بتعرف برده لأن الحب ما بيستخباش
ما تسألش عرفت ازاى ... عرفت عشان هى حبها وصل لقلبك و عقلك
فلازم لما يتقابلوا الطرفين من قبل ما يقولوا اى كلمة الاتنين حاسين بحب بعضهم
و الاتنين حاسين الشوق و الحنين اللى فى قلب كل واحد فيهم للتانى

2- هو فى اصلا حاجة اسمها حب؟؟؟؟؟؟؟

طبعا فيه حب ..... لو بصينا حوالينا هنلاقيه فى كل حاجة
مش بس فى البشر ... هتلاقيه فى الارانب .. فى العصافير ... فى كل مخلوق له روح

3- لو فى حب يبقة لازم فى تضحيه اى نوع يكون من التضحيه

والحدود اللى ممكن تكون فى

التضحيات؟؟؟؟

طبعا لازم يكون فيه تضحيات .... مفيش حب من غير تضحيات
و حدود التضحيات هى حدود الطرف التانى فى التضحية
بمعنى إيه ؟؟
ان الحب ميزان الكفتين لازم يكونوا قد بعض
ممكن تكون أكتر شوية عن الراجل فى المسؤولية
و اكتر شوية عند المرأة فى المشاعر
لكن التضحية لازم يكون قد بعضه
على قد ما هو بيضحى هى بتضحى
غير كدة مفيش حدود للتضحية
كل تضحية بيبقى هدفها بقاء الحب
و بقاء الحب لو الحب ده بجد يستاهل أى تضحية أيا كانت

حلو الموضوع يا ماهر بجد و أسئلة فعلا جميلة
و منور المنتدى يا غالى

maher كتب:: التوبيك ده ياجماعة بعد ازنكو اسمحولى انى اتكلم فيه

وياريت كل واحد يجاوب فيه

على الاسئله دى وبصراحة

الاسئله دى مهما نفكر فيها عمرنا ماحنتفق فى اجابه

على اجابه واحدة

لان كل واحد ليه وجهة نظر خاصة بيه

الاسئله دى حيرتنى كتير جدا جدا وعاوز اسمع ارائكم فيها لو

سمحتولى

1-يعنى ايه حــــــب؟؟؟؟؟؟
إحساس متبادل بين إتنين يجعلهم يحسون بالسعادة والأمان وهو رابط قوى بينهم
يجعل منهم إنسان واحد يفهم بعضهم البعض دون الحاجة للكلام

2- هو فى اصلا حاجة اسمها حب؟؟؟؟؟؟؟

أكيد طبعا

3- لو فى حب يبقة لازم فى تضحيه اى نوع يكون من التضحيه

والحدود اللى ممكن تكون فى

التضحيات؟؟؟؟

أه لا زم يكون فيه تضحية
ولو كان الحبيبين بيحبوا بعض بدون النظر الى مصلحة ولا ينظرون الا الى الحب فقط فالتضحية ليس لها حدود من كلا الطرفين

عاوز بجد اشوف اراء مختلفة

وكل واحد يقولى رايه بصراحة

شكرا على سعة الصدر

أنا اللى عايز أوضح حاجة
إن فى حب وده حقيقة مفيهاش جدال
ولكن الشيىء اللى فية الجدال هو
هل انت اخترت الإنسان المناسب اللى يستاهل الحب ده
ولا لا
لأنك لو مخترتش الإنسان المناسب هتكون التضحية من طرف واحد
وهيتحول الحب الى ذل وظلم

طبعا فى حب

واكبر دليل على كده اننا بنتكلم عن الحب وبنفضل بالساعات نسمع اغنية عن الحب

بس لما يحصل لينا اى مشكلة بنقول لا مفيش حب ولا اخلاص

مش بنقلب على الحب الا لما يحصلنا مشكلة منه

احنا اللى بنكبرالحلم بالحب

والحب موجوود بلا شك

وشكرا ليك ع التوبيك

اعتقد انهم قالو كل الكلام اللي الواحد ممكن يقوله
وزي ماقالت مي لو الحب مش موجود اسااسا ماكنش الناس قدعت تتكلم عنه
الحاجات الكتير دي اكيد موجود واكيد اي حد هو اللي يقدر يحكم انه هايعيشه صح ولا لا
وده بداية من اختيار الانسان او الانسانه اللي هايرتبط بيها وانه لازم يكون صادق مع نفسه ومعاها عشان يقدرو يكملو صح

بجد احييك على الموضوع بجد حلو اوى اوى
واحب ارد على اسئلتك يا ماهر

يعنى ايه حــــــب؟؟؟؟؟؟

الحب كل احساس جميل بنحس بيه اتجاه اى الناس اذا كان حبيب او اخ او صديق او حتى الام والاب
الحب دة احساس يملك الحبيب او الحبيبه احساس لايمكن حد يوصفه احساس غريب صعب يتوصف
ب حبه كلام الحب دة اجمل نعمة من نعم ربنا علينا بس نفهمه صح
الحب دة شوق وحنين وامتلاك وقلب يحس بجد وصراحة
الحب هو دقة القلب اللى تسمعها من غير كلام
الحب دة مش عارفة اقول عليه اية ؟
مفيش كلام يوصفه

2- هو فى اصلا حاجة اسمها حب؟؟؟؟؟؟؟

طبعا ف حاجة اسمها حب بين الاب والام والااخوات والحبيب والحبيبه
اما دقة القلب لما تشوف حبيبك دى اية
لهفتك على اللى بتحبة دة اية
ابتسامه حبيبك دة اية
الام والاب والابن والابنه بينهم حب فطرى
الحب دة انواع
بس طبعا موجود

3- لو فى حب يبقة لازم فى تضحيه اى نوع يكون من التضحيه

والحدود اللى ممكن تكون فى

التضحيات؟؟؟؟

الحب ف تضحيات وتضحيات كتيرة جدا منها انك تعمل المستحيل انك تسعد حبيبك
تستحمله ف الحلو والمر وتحافظ علية ف غيابة ووجودة
ممكن تموت علشان خاطره وممكن تضحى بمستقبلك علشانه
بس بالعقل مش كل حاجة يبقى قلبك فيها الحكم
ولازم يبقى ف حدود ف الحب زى ما قولت
علشان مش صح نعيش حكم قلبك وعقلك تعيش مستريح
متخليش حد فيهم يطغى على التانى فكر بعقلك وحس بقلبك

ومعلش طولت عليكم بقى بس مهما قولت مش هيكفى عن الحب

» اسئله للبنات فقط!