هل تغير عيوب من تحب

موضوع: هل تغير عيوب من تحب 2009-06-10, 9:32 pm

الجميع يحب ومن كل قلبه وبصدق وإخلاص ... كلنا نحب ولكن هل نحب الحب أم نحب صاحب
هذا الحب ؟؟
عندما نحب نلغى عقولنا عن التفكير وقت طويلا ويحل مكانه القلب بلا منازع فبعد
إحساس قلبنا بخفقانه يتوقف العقل عن التفكير ويحب بكل ما يملك من قوة المشاعر
والإحساس المرهف ..
ويكبر الحب بداخلنا يوم بعد يوم ويكبر مكانة هذا القلب فى أعماقنا حتى يصبح مثل
الدم فى الشريان لا يمكن فصله ابدا ....

وتمر الأيام ونتعود على هذا الإحساس بالحب والصدق والصراحة
ولكن حان وقت العقل ليعود لمكانه الطبيعى فى الحياة كى نفكر فكلنا نعلم أن بعد كلمة
بحبك أو أحبك والمصارحة بها يأتى بعدها كماً هائل من الأسئلة والاستفسارات وفى
إنتظار الإجابة عنها ...
يأتى بعدها العقل فى التفكير وماذا بعد ذلك ؟؟

- ماذا بعد المصارحة من الطرفين بهذا الحب الذى جمعهما على
الصدق والترابط والإخلاص ؟؟

الإنسان لا يخلى من العيوب وأيضا المميزات ولكن سنقف عند
العيوب لأن المميزات دائما تأتى جميلة وفى مصلحتنا وأيضا تكون عامل أساسى فى
التقرب إلى بعضنا ولكن !!!!!

- ما هى العيوب التى لا تستطيع أن تتلاشها ؟ وكيف ستحلها أن
وجدتها أمامك فيمن تحبه ؟؟

- هناك عيوب من الصعب أن يصححها الأخرين فى بعض الناس وقد
يكون هذا الإنسان هو من نحبه فهل نتخلى عنه ؟؟؟ وأنت على يقين أنه هذا طبعه لا
يستطع تغيره بالرغم من أن هذا الطبع يحرجك ويضايقك كثيرا ؟

موضوع: رد: هل تغير عيوب من تحب 2009-06-10, 9:42 pm

موضوع هاااااااااااااايل يا محمد
وانا عن نفسي هحاول اغير من عيوب اللي قدامي
على قد ما اقدر واحاول اغير من نفسي كمان لانه زي منت قلت
مفيش حد خالي من العيوب
وتسلم ايديك عالتوبيك

موضوع: رد: هل تغير عيوب من تحب 2009-06-10, 9:51 pm

موضوع جميل كالعادة يا حمادة
وبعدين الحب الحقيقى الصادق يقدر يغير أى عيوب مهما كانت يقدر يعمل المعجزات

موضوع: رد: هل تغير عيوب من تحب 2009-06-10, 10:37 pm

شكرا علي مرورك ياشريف نت واحمد طبعا
بس احيانا بيكون في حاجات بقت طبع ومش بتتغير ممكن بتكون بتعملها عشان خاطرك بس وده مؤقتا لكن تغير فعلي لا ودي مشكله طبعا لانها مع الوقت بتبدأ تفقد السيطره وترجع لطبيعتها

موضوع: رد: هل تغير عيوب من تحب 2009-06-10, 11:05 pm

الاول يا محمد بجد موضوع اكتر من رائع
بس يا محمد لو الواحد بيحب الشخص دة بصدق
هيتغير علشانه والصفة دى هتتمحى
المهم هغيره لانة اخويا اوصديق ليا او حتى حبيب
يعنى حاجة تخصنى
معاك ان ف ناس صعب تغييرها بس مع الوقت صدقنى
لو هو عايز يتغير بيتغير
وكفايه ان معاه حد بيخاف علية

موضوع: رد: هل تغير عيوب من تحب 2009-06-11, 12:44 am

فعلا يا محمد زى ما الكل قال

لو الشخص عنده رغبة حقيقية هيتغير

و فيه حاجات طبعا محتاجة وقت و قد يكون الوقت طويل جدا

بس هيحاول على الاقل يتلاشى الصفة أو الطبع ده

أما الصفات اللى انا شخصيا لا أستطيع أن اتلاشاها

العند و الغرور و إنكار الجميل

دول صفات بعيدا عن الصفات اللى كلنا نتفق عليها

زى عدم التدين و عد الاخلاق و كدة

و موضوع جامد جدا يا محمد

موضوع: رد: هل تغير عيوب من تحب 2009-06-11, 6:29 am

عمر م حد هيقدر يغير حاجة فيك
الا لو كان له ماكانه كبيرة جدااا عندك
ولا انت هتقدر تغير حاجة ف حد
الا اذا كان هو بيحبك وبيحترمك
هو كده احساس متبادل قائم على نوع العلاقة ف الاول والاخر
سؤاء كان حب عاطفى او حب اسري او حب واحترام صداقة
وفيرى نايس توبيك وطبعا مش جديد عليك كل مواضيع جامده جامد

موضوع: رد: هل تغير عيوب من تحب 2009-06-12, 9:19 pm

نايس توبيك يا محمد
وانا رأيى ان اللى بيحب حد بيتغير عشانه ممكن التغيير ده ياخد وقت
بس لازم الاتنين يحاولوا يتغيروا عشان يرضوا بعض مادام بيحبوا بعض بجد
وعلى فكرة ده مش كلام وخلاص لان زى ما شريف قال الحب الحقيقى الصادق قادر يغير اى عيوب مهما كانت

موضوع: رد: هل تغير عيوب من تحب 2009-06-12, 10:55 pm

كلام جميل يامحمد

وانسان هيغير عيوب من يحب علشان بيحبه

ويتغاضى عن اخطاء كتير اوى ليه علشان بيحبه

زى مابيقولوا مرايه الحب عاميه

موضوع: رد: هل تغير عيوب من تحب 2009-06-13, 8:33 am

تمام كل الكلام ده بس اانا بتكلم في نقطة هل هو هايتغير لانه مقتنع بده ولا عشان حبيبه او حبيبته وفتره ولو لاقدر الله سابو بعض يرجع تاني لان انا شفت كده ناس بتتغير من غير ماتكون مقتنعه بده مجرد انها تريح اللي قدماه وخلاص وفي اقرب فرصه ترجع تاني وده مش صح لازم ياتكون مقتنع بطبيعتك او مقتنع بوجهة النظر التانيه ويكون التغير دائم مش وقتي وخلاص

موضوع: رد: هل تغير عيوب من تحب 2009-06-13, 4:13 pm

لو اتغير عشان حبيبته أوحبيبه ميكنش حب
يبقى هيمنة وفرض سيطرة من أحد الحبيبين
عشان كده لازم يكون على اقتناع
بس فيه حاجات بتتغير عشان خاطر الحب نفسه سواء إقتناع أو لا
عشان الحب مش عشان الحبيب
وملاحظتك جميلة يا حمادة