صعيدي بيحب بنت ستايل في الجامعه

الموضوع ده عباره عن مجموعة حلقات بين واحد علي نياته
احيانا بيوصل لدرجة السذاجه وبين بنت مودرن اوي يارب تعجبكم
نبتدى بالحلقة الاولى

احمد: لو سمحتي حضرتك...ممكن براية

نور: ههههههههههههههههههههههههههه

احمد :حضرتك بتضحكي على ايه ممكن اعرف يعني لو سمحتي

نور : مش عيب شاب في سنك يطلب براية ..ده احنا في جامعة

احمد : طيب معاكي شفرة...عشان المحاضرة هتبدأ خلاص

نور : ايييييه..ايه شفرة دي..ممكن تسكت لو سمحت

احمد : حد معاااااااه براااااااااية....او قلم زيااااااادة..ردوا

نور: انت اكيد مجنون وطي صوتك الطلبة كلها بتضحك عليك

احمد :ويضحكوا ليه ولاد الدزمة دووووووووول

نور: خلاص خلاص انا هنقل المحاضرة وبعدين اديلك تصورها

احمد : شكرا بس انقلي كويس ..وياريت تنظمي الكراسة

اثناء ما المحاضرة شغالة ونور شغالة كتابة واحمد هيموت عشان مش معاه قلم

احمد: يا انسة خطك زفت زفت..انتي مش مسطرة الصفحة ليه ...وفين التاريخ الهجري .يادي النيلة عليا وعلى الجامعة

نور : انت مالك ومال خطي مش كفاية هديلك تنقل مني وهتعطل انا

احمد : ليه وانتي عربية اصلك علشان تتعلطي..هما البنات متعطلين خلجة

نور : انت انسان قليل الادب...بجد مش بتعرف تكلم البنات ازاي

احمد : لأ يا شيخة والنبي المرة الجاية تبقي تجيبيلي الكتالوج بتاعك

نور عشان رقيقة سكتت ومش عرفت ترد على بجاحة احمد
وانتهت المحاضرة اثناء خروج الطلبة من المدرج
احمد حب يستظرف بس بطريقة غبية شوية
احمد وسط حشد من الطلبة بنات وولاد
وكأنهم قطيع من المواشي
هررررررررررررررررررر
وضحكته سمعت كل اللي ماشي

نور بتحكي مع زميلتها من كلية تانية على احمد

نور : بصي يا هالة الولد ده....فضيحة فضيحة يعني...وحكتلها على اللي حصل

هالة : تلاقيه شاب تحفة...مش باين عليه استايل خالص..ده لابس بدلة وكرافت

نور : بس تعرفي شكله وسيم اووووي...حاسة انه طيب وعلى سجيته

هالة :اوووو...ده وسيم؟...ده مش حاطط نقطة جيل على شعره حتى..شعره منعكش جدا

نور: يا ستي سيبك

هالة: على رأيك

خلص اول يوم في الجامعة وقبل النهاية بدقايق

احمد: يا استاذة يا انسة فين المحاضرة عايز انقلها هاتيها يلا يلا بسرعة

نور : تنقل ايه يابني دي عشر ورقات غير في رسومات وجداول

احمد :ومالهم يعني عشر ورجات انتي هتخلفي وعدك ولا ايه

نور : انا مقلتش كده بس في حاجة اسمها تصوير..اسرع يعني

احمد: هههههههههههههههههه اصور ايه بخطك الزفت ده..شوفي ...زفت

نور: حقيقي انا غلطانة وكلام هالة باين عليه صح...بعد اذنك..اوف

سابته ومشيت .....وقال

احمد: عليكي يا شيخة وعلى هالة وعلى الجامعة كلتها....وبرضه خطك زي الزفت

عاوزين تعرفوا اليوم اللي بعده حصل في ايه
تابعوا معايا بقى قصة حب احمد الصعيدي ونور البنت الاستايل
سلامووووو عليكوووووووووو
مستني الردود الجميله على شان نكمل مع بعض الحلقات كلها

جميلة جميلة جميلة

تسلم يا حمادة على القصة الفظيعة دى

و مستنينك يا ريس تكملها

و انا متابع معاك

جميله جدا يا حماده
بس الشخصية الجميلة دى متهيالى انى قابلت حد يشبها كتير
المهم
مستنين نتباع معاك يوميات احمد ونور
وربنا يبعدنا عن امثال احمد ده و بالتوفيق دايما يا حماده

ايه القصص الجامده دي
لا شديدة يا بوب بس ممكن طلب صغير جدااااااااااااااااا
ياريت تغير اسم احمد ده لانه بيفكرني بناس معينة
طبعا فاهمنى خليها مثلا سيد عباس علي بلاش احمد
ومستني باقى القصة لما نشوف اخرتها ايه معاه

ياجماعه بطلو النفاق ده
كده يتغر وياخد في نفسه مقلب
دول بيجاملوك بس يا محمد
اوعى تاخد على كلامهم

الحمد لله انها عجبتكم وان شاء الله باقي الحلقات احسن كمان
شكرا علي ردودكم ونتقابل في الحلقه الجايةِ

الكلام اللي قلته ده هزار طبعا
اوعى تزعل يامحمد
وبجد الموضوع جامد وانا متشوق لبقيت الحلقات
عشان اشوف صاحبنا ده هيعمل ايه
ومستنيين مواضيع احسن واحسن
ان شاء الله

جميله أوى يا حمادة

نزل باقى الحلقات عشان انا متشوق ليها

ومتعلقناش نزلها بسرعه

تسلم إيدك يا صاحبى

شكلها قصة جامدة يا حمادة
تسلم ايدك يا زميل
و متشوقين نعرف أحمد هيهبب ايه تانى مع نور

معلش يا جماعه على التاخير فى الحلقه التانيه اعزوروني
يالا بينا نشوف الحلقه التانيه فيها ايه

وجه اليوم التاني....ولسة الحياة الجامعية لم تؤثر على تلاميذ الثانوية العامة...بس مع بلدياتنا
احمد ...ماشية عكس خالص...مش عارف يتأقلم عليه
وتعالوا نشوف الايام والحياة الجامعية هتعمل ايه في احمد وهيتعامل معاها ازاي
كان ميعاد المحاضرة الساعة 8 صباحا...كان احمد واقف قصاد المدرج من 6 الصبح مش عارف ليه ونبتدي الحلقة التانية

احمد: ديب ديب ديب انتوا يا ناس يللي هنا...افتحوا الباب

الساعي: يا فتاح يا عليم يا رزاق يا كريم

احمد: ماترش ميا يا راجل قصاد المدرج عشان تستفتح

الساعي: يا كابتن المحاضرة لسة الساعة 8 مفيش د***** دلوقت

احمد: هدخل يعني هدخل..عليا النعمة هدخل هاااا

الساعي: قفل الباب في وشه ودخل جوا

احمد : يا ابن الدزمة انت هتضيع عليا المحاضرة شكلك

احمد: أما اروح اجيب كوباية شاي سخن مولع

الراجل: تؤمر بأيه يافندم

احمد : كوباية شاي خمسينة بنعناع

الراجل : ايه ايه...مفيش نعناع

احمد: ومفيش نعناع ليه

الراجل : هو كده مفيش نعناع على الشاي ..النعناع لوحده

احمد : طيب هات نص كوباية شاي ونص كوباية نعناع

الراجل: خد فلوسك اهي

احمد: طب والشاي ابو نعناع فين

الراجل: اوووف

احمد : اوووف على دماغك...ابن دزمة صحيح

كان فات حوالي ساعة ونص وهو واقف في الكافتيريا عشان يشرب شاي
قرر انه يرجع للمدرج عشان يلحق مكان وبالفعل حجز مكان وخرج تاني عشان
يجيب شاي من كافتيريا تانية...ونجح انه يجيب المرة دي ..دخل المدرج وفجأة
لقى مين اعد مكانه ...مين مين مين....لقى نور فارشة كل حاجتها وبتشرب كابتشينووووووووووووووووو

احمد : بصوت لا يطاق....ايييييييييه ده يا هانم...هي وكالة من غير بواب

نور : وطي صوتك من فضلك انا بتكلم بهدوء وبأدب

احمد:هي دي طريجتي..عاجبك ولا مش

نور:طيب انا مش هقوم

احمد: هروح للعميد يجي يقومك

نور:ههههههههههههههههههه

احمد:بتضحكي على ايه يا باردة

نور: لم نفسك

احمد: شايفاني مبعتر في الارض ولا اييييييييه

الدكتور دخل والاماكن كلها اتحجزت

نور: مش هتحضر...هههههههههههههه

احمد :عليا الطلاج لأحضر غصب عنك وعن عين الدك

وفجأة سمع صوت الدكتور بيناديله

وقف الدكتور بكل ثقة...وبص على الطلبة كلهم

من بين كل الطلبة وقعت عينه على احمد وهو مكشر

الدكتور:مالك يابني مكشر من اول السنة ليه كده

احمد :لو سمحت معاك نمرة محمول العميد

الدكتور : ههههههههههه ايوة ليه

احمد : عاوز اقدم شكوى في البت دي

نور :متقولش بت

احمد :هجول بت وستين بت كمان قومي يلا

الدكتور : بس بقى اخرس شوية يا اما هطردك

احمد : انا ...تطردني ليييييييه هاتلي مكاني سعادتك

الدكتور : تعالى اعد جنبي هنا على الكرسي ده

احمد : وااه...اجعد جنبك مرة واحدة يا داكتووور

الدكتور :ايوة تعالى

وهو نازل راح وقع الكتاب بتاع نور ورمى اقلامها

راحت نور ضربته على ضهره..قال ااااااااااااه

وصوته سمع المدرج كله والكل فضل يضحك عليه

الدكتور : اطلع برا يلا...مش هتحضر المحاضرة

احمد : ابوس ايدك يا بيه انا امبارح مكتبتش والنهاردة محضرش...مين يرضى بكده يا ناس

وهو خارج رمى عينه على نور ولمح فيها نظرة عطف جميلة

بعد ما المحاضرة انتهت...نور خرجت لأ حمد

نور :بجد انا اسفة اوووي

احمد : على ايه بقى ما المحاضرة خلاص

نور : خد المحاضرة بتاعتي انقلها وانا هستناك

احمد : بجد بتتكلمي بجد

نور : ايوة مع انهم اكتر من عشر صفحات بس هستناك

احمد : متشكر يا مازمازيل نورة

نور : لأ قول نور بس احنا اصدقاء وابتسمت ومشيت

احمد: عمال ينقل وعمال يقول في سره...خطها زي الزفت

بس شكلها طيبة جوي....الخط مش كل حاجة في الانسان يعني

احمد لمح نور وهي جاية وبتبتسم بخجل

وووووووه يا ابوىىىىىى نكمل الحلقة اللي جاية

انتظرووووووووووووا الحلقة الثالثه قريباااااااااااا

معلش استحملوني
عايزين تشجيع بالردود الجميله تاني

[/size]

أيوه كده يا حماده يا جامد
ع فكره أنا مفقوع من صاحبنا ده أوى

مستنى الحلقه اللى بعدها
ومتطولش يا حماده

هههههههههههههههههههههههههههه
جامده جدااااااااااااااا
ياريت متتاخرش علينا في الحلقات اللي جايه

حلوة اوى يا حمادة

و اهو صاحبنا ابتدى يتعدل

مكن يجى منه على الحلقة ال200 كدة

New friend عدد المساهمات : 1 تاريخ التسجيل : 07/05/2009

فعلا ده اخرنا ايه المواضيع التعبانه دي يا رجاله اداب انجليزي هوا ده الجروب ربنا معاكم

abdala20 كتب:: فعلا ده اخرنا ايه المواضيع التعبانه دي يا رجاله اداب انجليزي هوا ده الجروب ربنا معاكم

يا حاج عبدالله فى مثل بيقولك
الجواااااب بيبان من عنوانه
يعنى عنوان القصة بيبين ايه اللى جواها
ف لو مش عجباك المفروض انك ماتدخلش تقراها
ده اولا يعنى اما ثانيا لولا اختلاف الاذواق لبارت السلع
حمادة كاتب القصة عشان نفك شوية من شدة الامتحانات دى
حضرتك بقى مش عجبك الكلام ده ف ياريت تريح نفسك وماتدخلش
وطبعا نورت المنتدى من باب الذوووووووق والادب

ميرسي علي ذوقك ياعبدالله
وشكرا علي مرورك وردك
بس هي دي حدودنا وده تفكيرنا
علي قدنا يعني بنحاول ويمكن ربنا يسهل

اهلا بيك معانا
وياريت نشوف مشاركاتك
وتحاول انك تطور من المنتدي للأحسن

مش عارف اقولك ايه يا عبدالله
يعني ملفتش انتباهك في المنتدى كله الا الموضوع ده عشان تعلق عليه
وبعدين ماهو القسم قدامك اسمه "ساعه لقلبك"
يعني بنفرج فيه عن نفسنا وبسم الله ماشاء الله المنتدى مليان اقسام كتير حلوه
اللي ثقافي واللي اجتماعي واللي تعليمي واللي سياسي
شوف اللي انت بتحبه وشارك معانا مشاركه ايجابيه
يمكن يتطور المنتدى على ايدك
وشكرا على مرورك وعلى زوقك .

[b]

abdala20 كتب:: فعلا ده اخرنا ايه المواضيع التعبانه دي يا رجاله اداب انجليزي هوا ده الجروب ربنا معاكم

انت مش وصلك المعنى ورا المنتدى والمواضيع اللى انت بتقول عليها تعبانة
وبعدين لو زى ما بتقول بتقول تعبانة
يبقى زى ما جمال قال لك متدخلش تقراها
ويا ريت أتفرج على مواضيعك الجامدة

بجد حلوة اوى يا محمد بجد
انا متابعه ومينفعش تضم قسم اعلام هنا
يا عم نحن هنا

» صعيدي بيحب بن ستايل ( الحلقه التالته)