ماهو المنطق ؟ (سواقين التريلا( عربيات النقل الكبيره))

المنطق

طالب جامعي مهمل بعد ما رسب في مادة 'المنطق' راح يراجع الدكتور ..

الطالب: سيدي البروفيسور هل صحيح إنت تفهم كل شي في المنطق؟

الدكتور: طبعا أفهم وهذا هو السبب اللي ينادونني على أساسه بروفيسور

الطالب: ممكن أسألك سؤال واحد في المنطق وتجاوبني عليه؟ بس على شرط أذا ما عرفته اليوم تغير درجتي من رسوب إلى ممتاز؟

الدكتور: موافق ...

الطالب: ماهو الشيء 'القانوني لكن غير منطقي' و ماهو الشيء ' المنطقي لكن غير قانوني ' و الشيء ' الغير منطقي والغير قانوني'؟

الدكتور حاول وفكر لكن ماعرف الجواب وفي اليوم الثاني غير درجة الطالب من رسوب إلى ممتاز على حسب الإتفاق ..

وبعدها بكم يوم مر عليه أحسن طالب متميز عنده في الصف فجات في مخه فكرة إنه يسأله نفس السؤال..

قال الطالب المتميز: بسيطة يادكتور أنا أجاوبك .. حضرتك عمرك 65 سنة ومتزوج وحده عمرها 24 سنه وهذا 'قانوني لكن غير منطقي' .. وهي تخونك وتحب طالب عمره 25 سنة وهذا 'منطقي لكن غير قانوني' .. وهذا الطالب أكثر طالب مهمل في الجامعة وحضرتك عطيته درجة ممتاز وهذا 'غير قانوني وغير منطقي ' .. فهمت يا دكتور المنطق ؟؟

لاتتعجب من جنون البشر حولك بل تعجب من عدم جنون بعضهم .

حبيت اقول القصه ديه وابدا بيها فكره موضوعى النهارده الى طبعا هينطلق بمشاركتكم معاى ان شاء الله
فى موضوعنا هنكلم عن كل حاجه منطقيه وغير منطقيه وهنتناقش فيها
وكل يوم او يومين هنغير المنطق ويبقى منطق تانى

هنعرف بعد كده هل احنا الطلاب ولا الدكتور
هنعرف تحل منطق كتير من حاجات مش عاجبانا ولا مش هنقدر نغير الواقع

اول منطق عندنا النهارده هو

القنواات الفضائيه

من المنطق جدا ان القناه وانتشار القنوات الفضائيه تعتبر رساله او نافذه تنقل الانسان من عالم مغلق الى عالم مفتوح من حوله

القنوات الفضائيه جعل العالم كقريه صغيره ه

اما الغير منطقى ان معظم من هذه القنوات تنشر الاباحيه والشعوذه والدجل والنصب

عن طريق برامج تستضيف شيخ ما يطلع الجن ويقول عفركوش مرتكوش

وتطلع خالتى نوسه من الميكرفون وتشيل الجن

اتصالات للمفتش كرمبو 090000155
كل ده وسائل غير منطقيه فى القنوات الفضائيه الى من المفروض تساعد على النمو
وانتشار الشفافيه فى عالم اختفت من الواقعيه فى كل شى والوضوح

مارايك فى الفضائيات من وجهه منطقيه وغير منطقيه ؟

اولا بحييك علي الموضوع بجد حلو قوي وليه هدف وده في حد ذاته شئ جميل
اما بقي بالنسبه للقنوات الفضائيه فهي بتعتمد اعتماد كبير علي كم الاستفاده والربح بغض النظر عن ايه اللي هي هاتقدمه وهايفيد ولا لأ وده قانوني ومنطقي بالنسبه لرجال الاعمال مش لأي حد تاني
بس اللي بيساعدهم علي كده احنا ناس كتير بتتصل وتشترك وبتكون معجبه جدا بده وده بقي قانوني ولكنه غير منطقي انك تضيع 10 مليار سنويا علي الفشخره حسب تقديرات مجلس الوزراء
لكن الغير قانوني والغير منطقي انك تكون عارف ان القنوات دي بتنصب علي الناس وبتنشر اشاعات وافكار غلط سواء دينيه او غيره وتسيبها لمجرد انها ملك لحد مسئول واديها بتدينا ضرايب والشعب مش اهبل يعرف يقرر ودي ديمقراطيه كل واحد يقول اللي هو عايزه

موضوع هايل
ومنتظر الباقى

حلو اوى موضوع يا ابو صلاح
وف فكرة اوبيوصلنا لحاجة مهمة

اما بالنسبة للقنوات الفضائية ف دة بحاجة
شبه مفروضة علينا وبقت حاجة تخنق
واللى يضايقك ان ف ناس كتير بتتصل
وبتفتكر انها هتكسب فعلا مع ان كل دة اشتغاله مش اكتر

احييك علىموضوعك

نورتونا ياشباب وترحيب بيكم كلكم

وفعلا لولا المنطق لما اختلفت الاراء

نايس توبيك يا ابو صلاح
وبيوصلنا فكرة مهمة فعلا

والفضائيات كمان زى ما ليها دور ايجابى ليها سلبيات اكتر واكتر
وتجاوزات ملهاش حدود
بس العالم اصبح قرية صغيرة

بجد موضوع هايل

نايس لمرورك يامى

مازلنا هنتكلم فى المنطق

المنطق بيقول ايه

عندما تعشق الحياه , ابحث عما يسعدك فيها واترك ما تراه تعيسا

النهارده هنكلم فى الحياه وتاثيرها واتعلمتوا منها ايه ؟

يااااااااااااااااااااا ده الحياة علمتنى كتير اوى

:انت بتقول

عندما تعشق الحياه , ابحث عما يسعدك فيها واترك ما تراه تعيسا

بس احنا منقدرش نبعد عن اللى بيتعسنا

فى حاجات بتيجى علينا زى القدر منقدرش نهرب منها ولا نغيرها
وللمرة التانية انا بحييك ع التوبيك الجميل ده

ابو صلاح ميرسى للسؤال الجامد دة ؟

النهارده هنكلم فى الحياه وتاثيرها واتعلمتوا منها ايه ؟

بص ياسيدى علمتنى حاجات كتير علمتنى لما اضحك كتير اوى او افرح كتير لازم تاخد منى حاجة تحزنى عليها
علمتنى ان مش لازم طيبة اوى كدة ف زمن مش تنفع فية الطيبة الزايدة دى
علمتنى اعرف الناس قبل ما اديهم اى اسرار
علمتنى ازاى اختار اصحابى واخواتى
علمتنى ازاى ارضى امى وابويا وطبعا ربنا ف اول حاجة
علمتنى احلى معنى عن الحب واحلى مفهوم عن العشق والغرام
علمتنى حاجات كتيرة اوى اوى

والله يا أبو صلاح يا أخويا لو الناس هتمشى بالمنطق يبقى مش هيكون فى أى مشاكل
لكن تقريبا معظم تصرفاتنا ف الحياة عكس المنطق
والكلام ده كان موضع جدال كبير أوى بينى وبين بندق لفترة طويلة من الزمن
ولحد دلوقتى أنا وهو بنجادل فيه
لا هو عارف يقنعنى بالمنطق ولا أنا عارف أقنعه بالعكس
ولا إيه يا بندق

الحياة ماهي الا مدرسه بنتعلم منها كل حاجه
اتعملت منها يعني ايه صحاب يخافو عليك ويكونو معاك علي الحلوه قبل المره
عرفت منها ان الدنيا مابتديش غير اللي عاوز ياخد وبيحاول مش اللي مطنش وسايبها وزي ماتيجي تيجي
اتعلمت حاجات كتير واكيد لسه هاتعلم مادام في العمر بقية

ثانكس على مروركم ياشباب

هههههههههههههههههههههههههههه

و الله يا ابو صلاح موضوع التاكسى ده بيتكرر فى كل حتة

الشعب مصرى شعب لكاك بالفطرة

بقى سواق الميكروباص كدة و الحلاق كدة و اى صنايعى بيعملك حاجة فى البيت كدة

شعب بجد لسانه متبرى منه

ميرسى يا ابوصلاح على واحد من أحلى و أهم و افيد مواضيع المنتدى

و يارب تستمر

والله عندك حق
تركب مع السواق من دول
لازم يحكيلك قصة حياته
ولو فتح ف الكورة..... ياسيدى ناقد رياضى
ولا لو فتح ف السياسة ... مقولكش
مشكلة الشعب المصرى إنه بيفهم ف كل حاجة

هو فعلا مشكلة التاكسي مشكله أبديه لازم تعد تلك معاه وخلاص
لكن الارخم بقي الاتوبيس تلاقي 40 موبايل شغالين في نفس الوقت
اللي مشغل اغاني واللي مشغر قرأن وكلهم جمب بعض
زي ماتكون مسابقه لأعلي صوت موبايل
ده طبعا غير كل واحده عماله تحكي اسرار بيتها وعادي
كله تسليه وادينا بنضيع وقت
نايس توبيك يامحمد

من المنطق والطبيعى ان يذهب بك طموحك وخيالك الى التفكير فى اعلى درجات

القمه فى كل شىء ولكن ليس من المنطق ان تستغل طمعك وجشعك وغرورك لتذهب الى

هذه الدرجات بطريقه غير شرعيه

نكلم فى الطموح المشروع والغير مشروع ؟

اتمنى يكون حلقات المنطق تنال الاعجاب

والله يا صحبى ف الأيام اللى ما يعلم بيها إلا ربنا دى الإنسان مش يحاول يكون عنده طموح
وده مش تشاؤم لا بس الواقع اللى احنا عايشينه هو اللى صعب
وأنا برجح مبدأ
" الغاية تبرر الوسيلة "
مع مبدأ
" لا ضرر ولا ضرار "
يبقى هيكون فى أمل إن الواحد يقدر ينفذ طموحه

حتى ولو بطريقه غير مشروعه

انت فين منهم هتحققه مشروع ولا غير مشروع

ياريت تدخل تانى وتقول وجهه نظرك

سيبك من مشروع أو غير مشروع زى ما أنا قولتلك
مادام توفر فيه مبدأ لا ضرر ولا ضرار
يبقى مش هتفرق

انا معاك يا شريف ان الطرق المشروعة هى اللى ماشية فى الزمن ده

بس الاهم مين يقدر يحقق طموحه بالطريقة دى
يعنى انا واحدة من الناس مقدرش اعمل حاجة حرام او غير مشروعة
مش هعرف اوصل لطموحى بالطريقة دى
يمكن غيرى يقدر يعمل كده
وهو ده بقا الاختلاف فى المنطق من شخص للتانى

النهارده منطق جديد نتمنى ينول اعجابكم

( (الكمامه) عارفين طبعا يعنى الكمامه , هى الى بتستعمل فى حمايه الفيروسات الى هيه منتشره الايام ديه

من المنطق والمعلوم ان الكمامه ديه لاتتعدى تكلفتها على الحكومه 17 قرش يعنى احنا اما يوم نشتريها من اى صيدليه حتى لو صغيره هتبقى 25 قرش او نص جنيه , ولو صيدليه كبيره يبقى 1 جنيه

ااما بقى من غير المنطق ان يوصل سعر الكمامه التى لاتتعدى تكلفتها تمن لبانه شكلز يوصل تمنها الان 40 جنيه , 30 جنيه فى الصيدليات

استغلال للظروف المحيطه من قبل التجار

اريد ارائكم واتمنى يكون المنطق النهارده يعجبكلم

طبيعى يا محمد ان يبقى ف استغلال
لان بيصفوا دم الشعب
لانهم عارفين ان الحاجة دى هيحتاجها الشعب
يبقى لازم تمنها يزيد
دة استثمار دولة مش اى كلام

زى ما حصل من كام شهر
ف قانون المرور على المثلث العاكس وشنطة الاسعافات
اول ما قالوا لازم كل عربية لازم يكون فيها الحاجات دى
اتفرج بقى سعرها ارتفع واية كمان نزلوا عليها موصفات خاصة مش اى حاجة

يبقى بنتكلم على كمامة اصبر شوية وهتلاقى تمنها ارتفع اكتر من كدة
هى دى طريقتنا ف حل المشكله
واللى مش قادر يجيب الكمامة يبقى مع السلامة

ميرسى يا ابو صلاح على موضوعك
ف انتظار المزيد

صح كلامك يا رضوى
وبعدين ما هما بيلاقوا اللى بيدفعوا ويشتروا بالثمن ده
لازم يستغلوا الظروف واكتر من كده كمان
هى دى مصر
هى دى بلدنا

» ماهو الفرق بين الزوجة و السكرتيرة ؟
» ماهو قسم " أحزان "