| | هل العلاقة هتستمر ؟ |  |
|
+4الرمان الأحمر Shams بـنـدق matrix 8 مشترك |
| كاتب الموضوع | رسالة |
|---|
matrix
Active friend
عدد المساهمات : 53
تاريخ التسجيل : 07/06/2009
العمر : 36
| موضوع: هل العلاقة هتستمر ؟  2009-06-14, 9:45 am | |
| خلصنا الدراسة و كل واحد بيفكر دلوقتى فى مستقبله و فى اللى جاى
طبعا كلنا عملنا علاقات فى الجامعة سواء اولاد او بنات , علاقات صداقة لمدة 4 سنين كاملين
سؤالى موجه للبنات و الشباب فى نفس الوقت
هل هتقدر انك تستمر فى علاقتك مع زميلك او زميلتك بعد التخرج و تفضلو زى ايام الجامعة حتى
لو خطبت او اتخطبتى؟
ربنا لوحده عالم الموضوع ده تاعبنى قد ايه لأنى من غير مبالغة و الله اتعرفت على زميلات قمة فى الاحترام و كانت اخبارنا مع بعض علطول جوة الجامعة و بره الجامعة و فى الجامعة مكناش بنقعد الا مع بعض
هل العلاقة هتستمر يوم , يومين , اسبوع , شهر , سنه
سؤال محيرنى و نفسى الاقي اجابة او حل لأنى بجد و من غير مبالغة اتمنى ان علاقتنا تفضل مستمرة العمر كله و اخبارنا دايما تفضل مع بعض لغاية ما نموت
المشكلة ان المجتمع اللى احنا عايشيين فيه بيمنع حاجة زى دى و اول ما البنت تتخطب اكيد خطيبها هيطلب منها انها تقطع كل علاقتها بزمايلها الولاد اللى فى الجامعة
لو حد عارف حل للمشكلة دى ياريت يقول عشان بجد الموضوع ده هو مشكلة حياتى حاليا انا و كل زميلاتى اللى اعرفهم
هل هى دى نهاية علاقتنا للأبد؟؟؟؟؟؟
يارب استر | |
|
| | |
بـنـدق
Adminstrator
عدد المساهمات : 376
تاريخ التسجيل : 04/05/2009
العمر : 36
الموقع : الأرض المباركة ( مــصــر ســابــقـا )
| | موضوع: رد: هل العلاقة هتستمر ؟ 2009-06-14, 10:28 am | |
| هو الحقيقة موضوع مضايقنا كلنا يا محمد
و لكن المجتمع جزء منك لأنه شكل جواك قيم و مبادئ مينفعش تنفصل عنها
و فى نفس الوقت انت حزء منه لأنه عايش جواه
فاحنا المطلوب مننا نقبل الواقع و نتعامل معاه بمنطقية
انا من الناس اللى كان ليها عدد لا نهائى من الاخوات البنات
و لكن انا عارف ان بعد التخرج ممكن اتصال كل فيييييييييين و فيييييييييين
مش عشان هما وحشين و لا انا وحش بس عشان
ليس فى الامكان أفضل مما كان
و فى نفس الوقت ممكن تسأل نفسك سؤال مهم
لو انت خطبت واحدة ................. هل هتسمحلها تفضل على اتصال بأصدقاء الجامعة ؟؟
موضوعك عجبنى و عجبنى نشاطك
و منور المنتدى يا غالى
| |
|
| | |
Shams
Manager
عدد المساهمات : 669
تاريخ التسجيل : 05/05/2009
العمر : 37
| | موضوع: رد: هل العلاقة هتستمر ؟ 2009-06-14, 4:52 pm | |
|
والله يا صحبى الصداقة اللى جمعتنا دى مكنش وراها مصلحة معينة
وكانت من أجل الصداقة
عشان كده حاجه غالية جدا
وأتمنى من ربنا إنه هو اللى يحافظ عليها
لأنها كانت ف الله
وربنا ما يحرمنا من أى حد بنحبه
وشكرا ع الموضوع الجميل ده
| |
|
| | |
الرمان الأحمر
Active friend
عدد المساهمات : 71
تاريخ التسجيل : 03/06/2009
العمر : 37
| | موضوع: رد: هل العلاقة هتستمر ؟ 2009-06-14, 6:45 pm | |
|
هو طبيعى ان وسايل الإتصال تقل واحده واحده
يعنى وانت فى الجامعه كان فى تليفون ومحاضرات وإيميل
المحاضرات خلصت يبقى لسه تليفون او إيميل
طبعا مشاغل الحياه وخطوبتها او جوازها مش هيسمحولها تقعد ع النت كتير او باستمرار
وحضرتك طبعا متقدرش تقبل انك تبقى متجوز طالبه جامعيه وتليفونها يرن وتسالها مين تقولك دى حسن زميلى اللى كان
فى الجامعه مش كدا ولا ايه ؟؟
| |
|
| | |
lovelysmile
Adminstrator
عدد المساهمات : 321
تاريخ التسجيل : 04/05/2009
العمر : 36
| | موضوع: رد: هل العلاقة هتستمر ؟ 2009-06-14, 10:47 pm | |
|
طبعا كلنا متضايقين بس دي سنة الحياة ومن اول يوم واحنا عارفين كده
طبعا هي صعبه انك بين يوم وليله تفترق عن ناس بقالك اربع سنين معاهم بس مش بايدينا
واعتقد ان فكرة الدكتور مروه اننا نعمل المنتدي كان للسبب ده عشان علي الاقل نقدر نتواصل مع اكبر عدد ممكن وبطريقه محترمه تحترم عادات وتقاليد المجتمع بس اكيد برده مشاغل الحياة هاتكون اكبر مننا بس اللي علينا اننا نحاول الولاد مع بعض او حتي البنات مع بعضهم يحاولو يتفقو علي يوم مثلا من كل اسبوع او شهر يتقابلو فيه ويتكلمو واعتقد انها هاتكون حاجه كويسه
شكرا لموضوعك الجميل ومنور المنتدي
| |
|
| | |
JEMY MARTIN
Manager
عدد المساهمات : 317
تاريخ التسجيل : 04/05/2009
العمر : 36
| | موضوع: رد: هل العلاقة هتستمر ؟ 2009-06-14, 11:49 pm | |
| هى دي الدنياااااا
لازم الفراق ف كل حاجة
ولكن ف ايدينا اننا نحاول نحافظ ع الصداقة دى
دى لو بجد كانت صداقة مش مجرد زمالة ووقت مع بعض وخلاص
اما كونك تفكر هل البنات على وجه الخصوص تقدر تستمر ف الصداقة دى
احب اقولك لا طبعا لان زى م اصحابنا قالوا لو انت خطبت واحده اول حاجة هتقولها
انك تقطعى كل علاقتك بزماليك اللى ف الجامعة لانها ببساطة فترة وعدت ف حياتك
اما كون احنا ك اولاد لا احنا وضعنا مختلف احنا ف ايدينا ممكن احنا نفضل على اتصال لو احنا عايزين
موضوعك جميل يا ماتركس وف انتظار الجديد وماتحرمناش من مواضيعك الحلو دى ومنور المنتدى كله يا برنس
| |
|
| | |
sadlysmile
Moderator
عدد المساهمات : 568
تاريخ التسجيل : 05/06/2009
العمر : 34
الموقع : https://4everfriends.all-up.com
| | موضوع: رد: هل العلاقة هتستمر ؟ 2009-06-15, 4:35 am | |
| اولا بجد موضوع جامد جدا
بجد دى حاجه من الحاجات اللى مزعلانى
بس زى ما احمد قال دى عادات وتقاليد
مزروعة جوانا مش هنقدر نخرجها او نشيلها
بس على فكرة المنتدى دة فكرة حلوة جدا
وممكن تقربنا من بعض ونعرف اخبار بعض
بصراحة انا عن نفسى هحاول اتكلم مع اللى هيجى يخطبنى
وبدام العلاقة بنا علاقة صداقة واحترام ومفيش حاجة غلط
يمكن ربنا يهديه ويقدر بس المنتدى هيبقى بجد وسيله ناجحة جدا
ف الاتصال بينا
بس انا اتمنى افضل على اتصال مع اخواتى هنا
وهحاول باكتر جهد عندى علشان اخلى الاتصال بينا مفتوح
وممكن اعرفه على اخواتى الولاد ويبقوا صحابة ويبقى ف علاقه بينهم مين عارف ؟
معلش طولت عليكم
بس نايس توبيك ماتريكس | |
|
| | |
matrix
Active friend
عدد المساهمات : 53
تاريخ التسجيل : 07/06/2009
العمر : 36
| | موضوع: رد: هل العلاقة هتستمر ؟ 2009-06-15, 10:28 am | |
| نورتو الموضوع انتو الكل يا جماعة و اتمنى من الكل انه يشارك و يدينا رأيه عشان نقدر نوصل فى الاخر لشكل مناسب للعلاقة بحيث محدش يحس انه فقد اى حد غالى عليه و انا مش معارض ان المنتدى فكرة جامدة بالعكس انا شايف انه حاجة كويسة جدا و يارب ما حد مننا يدوق مرارة الفراق و يفضل مع اللى بيحبهم علطول عشان بجد الفراق ده اصعب حاجة فى الحياة | |
|
| | |
مى فرغلى
Moderator
عدد المساهمات : 249
تاريخ التسجيل : 06/05/2009
العمر : 36
| | موضوع: رد: هل العلاقة هتستمر ؟ 2009-06-16, 12:16 am | |
| اولا انا احب احييك على التوبيك الجميل ده
وبعدين عاوزة اقولك ان دى سنة الحياة ومحدش فينا بيختار انو يفارق او يبعد عن زمايله اللى حبوه وحبهم
وعاشرهم اربع سنين طول مدة الدراسة
فى ظروف بتتغير فى حياتنا فغصب عننا ده بيحصل
وعايزة اقول حاجة كمان
ان فكرة المنتدى دى فكرة هايلة جدا لانها حاجة بتقربنا من بعض اكتر وبتتحدى الفراق
وانا بتمنى اننا نفضل متواصلين مع بعض كلنا ومانفترقش ابدا
ياااااااااارب
| |
|
| | |
| | هل العلاقة هتستمر ؟ | |
|
شكرا 
الرئيسية
أحدث الصور