دعوة ام مصرية لابنها

موضوع: دعوة ام مصرية لابنها 2009-06-16, 5:01 am

ربنا يبعد عنــــــك الأشرار .. ويجعل لك في كـــــل خطـــوة دولار

ويبـــــــــعد عنـــك أولاد الأيه .. ولا يخيبـــــــــك خيبــــــة الجنيه

ويجعل أعمالك كلها حسنات .. ويكفيك شـــــر شهــــــادة المخالفات

ويحــــوش عنك كل الشرور .. ويكفيك شــــر كميــــــــــن المرور

ويكون لك دايما في العون .. ويكفيك شــــر فاتــــــــــورة التيلفون

ويجعل لك كل الناس حبايب .. ويكفيك شـــر بتـــــــــوع الضرايب

ولا يجعل عيــــــالك محرومة .. ولا يخيـــبك خيبـــــــــــة الحكومة

ويجعل أصحابك كلهم اخلاص ..ويكفيك شر سواقـــين الميكروباص

ويحميك يابني من ابليس .. ويكفيك شر سواقين الجيــش والبوليس

وينور لك طريقك بالبركات .. ويكفيك شـــر الحفـــــــــــر والمطبات

بدعيلك وبدعي لكـــل أولادي .. يكفيكــــــم شــر الركــــود الاقتصادي

ويكثر في جيوبكو النقدية .. ويرحمكم من شــر الدروس الخصوصية

ولا يحرمكم من أكل الفول .. ولا يخرب بيتكم بفواتيــــــــر المحمول

موضوع: رد: دعوة ام مصرية لابنها 2009-06-16, 4:17 pm

حلوة يا رضوى
هى دى الدعاوى

موضوع: رد: دعوة ام مصرية لابنها 2009-06-16, 7:34 pm

بدعيلك وبدعي لكـــل أولادي .. يكفيكــــــم شــر الركــــود الاقتصادي

اهو احنا بالذات عايزين الدعوه دي اليومين الجايين يمكن ربنا يسهل

موضوع: رد: دعوة ام مصرية لابنها 2009-06-16, 8:39 pm

sadlysmile كتب:: ويكثر في جيوبكو النقدية .. ويرحمكم من شــر الدروس الخصوصية

ولا يحرمكم من أكل الفول .. ولا يخرب بيتكم بفواتيــــــــر المحمول

جامده جدااا يا رضوى
بس لازم الدروس الخصوصية ولا انتى
ناوية تقطعى عيشنا من الباد دى
ويارب ارحمنا من المحمول

موضوع: رد: دعوة ام مصرية لابنها 2009-06-17, 3:48 am

اه ياشريف مالك يابنى دى ام بتعز ابنها
علشان كدة الدعاوى من القلب
ميرسى على مرورك ياشيرى

قول امين يا محمد
ميرسى ياباشا على مرورك

جيمى لا خلاص ربنا يزود من الدروس الخصوصية
يارب
ميرسى ياباشا على مرورك

موضوع: رد: دعوة ام مصرية لابنها 2009-06-17, 3:59 am

جامدة جداااااااااا يا رودى الدعاوى دى

ربنا يسترها معانا يارب

موضوع: رد: دعوة ام مصرية لابنها 2009-06-17, 4:53 am

يارب يا ميموى

ميرسى على مرورك يا قمر