!!زوجة ظريفة جدا

موضوع: !!زوجة ظريفة جدا 2009-06-20, 5:21 am

ppooipحوار لطيف بين زوج وزوجته :

هو:

حبيبتي أنا حأطلب بيتزا ، عايزة حاجة ؟

هي:

لا يا حبيبي

هو :

اوكي

هي:

ولا اقولك ..؟

هو:

ها ، أطلب لك كمان ؟

هي:

مش عارفة

هو :

مش عارفة اذا كنتي عايزة ؟

هي:

لا

هو:

انتي جعانة ؟

هي:

يعني

هو :

يعني إيه يعني...؟

هي:

يعني مش متأكدة اذا كنت جعانة ولا لأ.

هو:

الواحد لما بيكون جعان بيعرف

هي :

لأ بس يمكن اجوع بعدين

هو:

يعني اطلب لك بيتزا؟

هي:

طيب واذا ما كنتش جعانة وقتها..؟

هو :

ما تاكليش

هي :

بس ده كدة يبقى تبذير

هو:

خلاص ، تبقي تاكليها بكرة

هي:

و اذا ما كانش لي نفس آكل بيتزا بكرة؟

هو :

مش محتاجة نفس ، الواحد عادي ممكن ياكل بيتزا كل يوم

هي:

انا لا .. أنا مش باكل بيتزا الا لما يكون عندي نفس للبيتزا

هو:

طيب بلاش ، أطلب لك حاجة تانية؟

هي:

بس أنا مش عايزة حاجة تانية

هو:

يعني عايزة بيتزا؟

هي :

لا

هو:

يعني مش عايزة حاجة؟

هي:

لأ برضه

هو :

جننتيني ، طب أعمل إيه؟

هي:

اطلب انت لنفسك

هو:

الحمد لله ، اخيرا .. ماشي ..

هي :

بس اطلب بيتزا بالتونة

هو:

نعم ؟ انا مش بحب البيتزا التونة

هي:

بس انا بحبها

هو:

وانتي مالك ؟ هو انا حاطلب ليا ولا ليكي

هي:

ليك طبعا

هو:

طيب أطلبها ليه بأة بالتونة...؟

هي:

يمكن اجوع لما يوصل الاكل

هو :

وبعدين؟

هي:

يا سلام ، يعني تفتكر آكل حاجة مش عاجباني؟

هو:

ليه هو انتي – أصلاً - عايزة تاكلي؟

هي :

ليه لأ ؟

هو:

يا مثبت العقل .. هو أنا حاطلب بيتزا لي , عشان احتمال انتي تاكليها اذا كنتي جعانة؟؟

هي:

بالضبط

هو:

وأنا بلاش آكل؟

هي:
يمكن وقتها أكون مش جعانة فتاكلها انت

ملاحظة

محكمة الجنايات قررت تبرئة الزوج من تهمة

"قتل الزوجة مع سبق الإصرار والترصد"

وتحويل التهمة إلى ..

"قتل الزوجة دفاعاً عن النفس"

موضوع: رد: !!زوجة ظريفة جدا 2009-06-20, 6:24 am

ده ايه حرقة الدم دي
والله اللي عمله ده أقل حاجه

نايس توبيك يامي

موضوع: رد: !!زوجة ظريفة جدا 2009-06-20, 7:12 am

هههههههههههههههههههه
والله زوجة عايزة يتولع فيها
ميرسى يا مى على موضوعك الرائع

موضوع: رد: !!زوجة ظريفة جدا 2009-06-20, 8:07 am

ههههههههههههههههههههههه
"وشهد شاهد من اهلها"
اهو عشان تعرفو بس ان المواضيع اللي بنجيبها مش من "فراخ"قصدي
مش من فراغ
وآدي مي انضمت
معايا يا شريف ولا اييييه؟؟؟
نايس توبيك يامي

موضوع: رد: !!زوجة ظريفة جدا 2009-06-20, 8:11 am

ههههههههههههههه
دى مش زوجه ظريفه
دى زوجه غبيه جدا
ربنا يبعدنا عن امثالهم

موضوع: رد: !!زوجة ظريفة جدا 2009-06-20, 8:39 am

هههههههههههههههههههه
دى زوجة عايزة ضرب النار
عنده حق و الله
نايس توبيك يا مى

موضوع: رد: !!زوجة ظريفة جدا 2009-06-20, 8:42 am

روحى ياشيخه طالق بالتلاته

وكويس والله انه قتلك ياساتر يارب

احفظنا يارب من امثالها

نايس توبيك يامى

موضوع: رد: !!زوجة ظريفة جدا 2009-06-20, 4:17 pm

AhMeD KHaLiL كتب:: ههههههههههههههههههههههه
"وشهد شاهد من اهلها"
اهو عشان تعرفو بس ان المواضيع اللي بنجيبها مش من "فراخ"قصدي
مش من فراغ
وآدي مي انضمت
معايا يا شريف ولا اييييه؟؟؟
نايس توبيك يامي

دايما كده تسبقنى بالرد
عندك حق يا فهد
وبعدين هم عارفين حقيقة نفسهم كويس بس بيكابروا
شوية شوية وهيعترفوا على باقى الصفات اللى فيهم لوحدهم من غير ما احنا نتدخل

موضوع: رد: !!زوجة ظريفة جدا 2009-06-20, 6:41 pm

اولا ميرسى على ردودكم ومشاركتكم

وبعدين بقا انا جايبة التوبيك ده من اجل الفكاهة وانا ما انكرش يعنى يا شريف ان فى زوجات عايز يتولع فيها يعنى بس مش كلهم

فى بنات كويسة والله زى انا ورضوى كده

مش كده يا رودى؟

موضوع: رد: !!زوجة ظريفة جدا 2009-06-21, 1:53 am

ايوة طبعا يامى
معاكى انا على الخط اهو

اية ياشريف يابنى عيب
مش كفاية الاتفاقية اللى بينا
شيرى هزعل منك كدة

موضوع: رد: !!زوجة ظريفة جدا 2009-06-21, 4:36 pm

مى فرغلى كتب:: اولا ميرسى على ردودكم ومشاركتكم

وبعدين بقا انا جايبة التوبيك ده من اجل الفكاهة وانا ما انكرش يعنى يا شريف ان فى زوجات عايز يتولع فيها يعنى بس مش كلهم

فى بنات كويسة والله زى انا ورضوى كده

مش كده يا رودى؟

ممكن انتوا تكونوا من الواحد ف المية الطفرة اللى ف النساء
بس 99 ف المية منهم أكتر من كده
وأنا رأيي إن الموضوع ده مش على سبيل الفكاهة حتى لو انتى قصدتى الفكاهة

موضوع: رد: !!زوجة ظريفة جدا 2009-06-21, 10:03 pm

يا شريف لو انت مش شايفه على سبيل الفكاهة ده حاجة ترجعلك انت

بس انا مش فاهمة انت ليه شايف ان معظم البنات او الستات او 99 فى المية منهم زى ما انت بتقول مش كويسين
ده اللى انا مش فهماه ومحتاجة تفهمهولى لان الوحشين مش نسبتهم كبيرة للدرجة دى يعنى
انت بتبالغ اوى على فكرة

موضوع: رد: !!زوجة ظريفة جدا 2009-06-21, 10:41 pm

ههههههههههههههه

دى فعلا والله عايزة الحرق دا اللى عملو شويه

استر علينا يارب هههههههههههههههههههههههه

نايس توبيك

موضوع: رد: !!زوجة ظريفة جدا 2009-06-21, 10:47 pm

ميرسى يا ماهر على مرورك

منور والله
انت فين من زمان

موضوع: رد: !!زوجة ظريفة جدا 2009-06-22, 8:30 am

فعلا وربنا حرقة دم
انا لو اعرفها اولع فيها
واضربها بالنار
واغرقها ف البحر
وارميها من فوووووووق السطح
وافرجها على ماتش للزمالك
عشان اعلمها الادب
وفيرى نايس توبيك مى

موضوع: رد: !!زوجة ظريفة جدا 2009-07-26, 3:41 am

she suffocated him till killing her hhhhhhhhhhhh

she also suffocated me

thanks mai

موضوع: رد: !!زوجة ظريفة جدا 2009-08-23, 8:25 pm

كويس اته قتلها والله
لاته او كان سابها عايشة
كنت هاروحلها انا اقتلها