بعد التخرج بيجي التشرد !!!! بفتح نفسكوا ع المذاكرة !!!

اولا هو موضوع طويل شويتين

بس بمناسبة الامتحانات

وكمان بمناسبة انى ف سنة 4

وخلاص تقريبا ايامى ف الجامعة

بقت معدودة حبيت

افتح نفسكوا ع المذاكرة

خدنا
ورقة من الجامعة بتقول إننا إتخرجنا.... وهي في الحقيقة بتقول إننا خلاص
مبقاش لينا قعاد في الجامعة... بيني وبينكم هو طرد بس بشياكة.... طول
عمرنا من أيام المدرسة وهم دايمًا بيقولولنا المدرسة بيتكم التاني ولما
كبرنا شويه وسبنا المدرسة بقت الجامعة بيتنا التاني... لأ وأحيان كتير بقت
الجامعة بيتنا التالت والرابع كمان...
في
ناس كانت بتروح الجامعة عشان تتعلم وتاخد محاضرات وسكاشن وامتحانات، وفي
ناس تانية كانت بتروحها عشان هي النادي بتاعها فبتروح تشوف أصحابها وتقعد
معاهم أو يعملوا أنشطة يخرجوا فيها الطاقات الكبيرة اللي عندهم أو يقابلوا
أشخاص هم بيحبوهم، المهم إن كل الناس إللي كانت واخدة الجامعة جد أو اللي
كانت واخدها فسحة بقي عندهم فراغ كبير بعد ما اتخرجوا... وناس كتير منهم
حسوا إنهم اتشردوا.
بعد
الجامعة الأيام بقت مختلفة... ومختلفة جدًا كمان... بالنسبه للولد
والبنت... يمكن لأسوء يمكن لأحسن... حسب الظروف... بس عادةً اللي بيحصل إن
البنت بعد ما بتتخرج- ده طبعا ف حالة عدم الحصول على وظيفة- بتقعد جنب
ماما تتعلم كل حاجة عن البيت خصوصًا وإن الحجج بتاعت المذاكرة أيام
الجامعة خلصت خلاص وياسلام بقى لو ماما متسربعة وعاوزة تجوزها... فالبنت
هتلاقي نفسها كل يومين قاعدة في أوضة الصالون وفي حد ابن حلال جاي يعاين
البضاعة قبل ما يشتري؟!!
أما
الولد بقى فحالته حالة... لأن أهله بيتحملوه ويتحملوا مصاريفه أيام
الجامعة على أمل إن هو لما يتخرج يشتغل... فلو مشتغلش بيسمع كل ساعتين
كلمتين في جنابه.... لإنه مش بس المفروض يلاقي شغل لكن المفروض كمان يعمل
أي حاجة ما تخليهوش يقعد في البيت زى البنات كده... لإنه طبعاً مش هيقعد
يستنى العدل؟!!
المهم
إن الحياة بعد التخرج ناس كتير بتشوفها وحشة... لأنهم بيعتقدوا إن النهاية
في التخرج.... وعلى فكرة كلامي اللي مكتوب فوق ده بيحصل للناس اللي بتبقى
حياتها في المذاكرة وبس... مع إن الحياة مش كده خااااااااالص.... وبجد

المهم
إن التخرج ما هواش نهاية المطاف... ومع إني كاتب في الأول بعد التخرج ييجي
التشرد... بس التشرد ده حالة طبيعيه للخبطة اللي الواحد بيعيشها بعد
التخرج... لكن المهم إن فترة التشرد دي ما تطولش... ويلحق يقعد مع نفسه
يشوف هو عايز يعمل ايه؟ وليه؟ وازي؟!! وأكيد... هيلاقي إن حياته الحقيقية
ممكن يبدأها وبإيده بعد ما يتخرج.

أمال أنا مش عايز أسيبها ليه
وبعدين الموضوع لسه ف إيدك لوصعبانه الجامعه عليك
متسيبهاش
متركزش ف الموضوع ده كتير يا جيمى يا خويا
عشان زى ما قال جدى الكبير سعد زغلول
(مفيش فايده)
وزى مقال المغنى اللى انا مش فاكر اسمه
(إنت أكيد ف مصر)
وبعدين ف النهاية متقطعوش الزيارة انتم عارفين مكانى

التوقيع
طالب فور إيقر

جميل أوى الموضوع يا جمال

بجد كل كلمة قولتها صح

سواء الفريق اللى كان بيروح الجامعة عشان يتعلم

أو الناس اللى كانت واخدة الجامعة مكان بتقضى فى وقت مع ناس بتحبها

الاتنين ضاعوا

و مش بس كدة

ده اللى جى فعلا أسوء على الاتنين

حابب أقول حاجة زيادة على كلامك

التخرج السنة دى غير كل سنة

الدفعة اللى هتتخرج السنة دى عندها

1- عدم استقرار فى الوضع الداخلى لمصر على كل النواحى
2- الازمة المالية و نتايجها و أثرها على السفر
3- انفلونزا الخنازير اللى بلا شك هتخلى الواحد يفكر مليون مرة قبل ما يسافر

و بالسنبة لبتوع اللغات اللى هما احنا

فوق المصايب دى مصيبة كمان هى مصيبة الجيش

ربنا يستر يا جيمى

على فكره انتم مسودنها قوى لو فكرتم كويس فى حاجات كتير ممكن نعملها بعد التخرج بالذات لينا احنا عشان نقدر ندخل الحياة العمليه ونكون على كفاءة ان احنا نثبت نفسنا

متشكر يا معلم منك لهود لهو ع الردود
بس احنا مش مسودينها ولا حاجة يا تشوزن اونست
هو ده فعلا الواقع

انت عندك حق فى الكلام ده يا بيوتى
بس مش شايف انك متشائم شوية
احنا ممكن نعمل حاجات كتير و نقدر نثبت نفسنا فى الحياة العملية زى ما قال تشوزن
اتفائل شوية يا بيوتى

والله موضوع جامد جدا ياجمال
وعلي فكره هو مش مسودها
هو بيقول الواقع اللي كلنا عارفينه
او معظمنا بس مش عايزين نصدقه
هو قال ان في اللي هايبقي مستقبله احسن
وفي الي هايبقي لاقدر الله مش حلو قوي
علي حسب الوظيفه اللي هايلاقيها
ماهو ممكن تلاقي شغل بس مجرد شغل
مش هو اللي انت قاعد طول فترة الاربع سنين
علي الاقل عشانه( اذا ماكنش من قبل كده)
بس علي الاقل لازم نعمل اللي علينا عشان نشتغل
اللي احنا عايزينه او علي الاقل اللي يرضي طموحنا
ماهو بيني وبينكو الجامعه مش كافيه خالص دي يادوب
ماتتعداش20% وخصوصا ان في ازمه ماليه وناس بترجع من بره
واقتصاد بايظ اساسا ومن غير حاجه اساسا الشغل محدود
فمش هايقدر يشتغل شغلانه صح الا اللي مجهز نفسه صح قوي

lovelysmile كتب:: الجامعه مش كافيه خالص دي يادوب
ماتتعداش20%

هو ده مربط الفرس يا حمادة
يعنى احنا برده علينا مسؤلية اننا ننمي نفسنا الاول
الاول قبل م نطلب نشتغل وبعدين نشوف الشغل
بس كمان الجامعة وبنظام تعليمها ده مابطلعش حد مؤهل للشغل
معظمنا عايش ف الجامعة ايام وبتعدى وتقضية وقت

انتو قفلتوها
الله يباركلكو
روح ياشيخ انت وهو وهو وهو
وتعالو بسرعه

AhMeD KHaLiL كتب:: انتو قفلتوها
الله يباركلكو

يا جماعة والنبي ماتحسسونيش اني عايش ف عالم غير عالمكوا
هو انا جايب كلام من عندى مهو ده الواقع
انا م بألفش ولا حاجة لو عندكوا أراء تانية اتفضلوا قولوهالناااااا

انا هديكم نبذة عن ممكن تبقى الحياة عاملة ازاى بعد التخرج
إن شاء الله بعد ما نتخرج من الكلية اكيد هندور على شغل هنفضل ندور وطبعا مش هنلاقى لية لان الشغل دلوقتى بقى بالواسطة عشان عددنا كبر واحنا مححدناش النسل والحكومة بتعاقبنا

اى شغل لازم واسطة طب وبعدين هنعمل اية هنشتغل اى حاجة غير المؤهل إلى و اخدينة يعنى في اى مطعم او كافتريا او عامل ...هيجى واحد ويسألنى ويقول طب ايةلزمة المؤهل اللى احنا خدنا هقولة محدش قالك اتعلم ولا ضربك على ايدك كنت اتعلمتك صنعة احسن

و بعدين هتفكر فى الهجرة ماشى بس امريكا او كندا او اى بلد لازم يكون معاك فلوس وتعمل ورق كتير او تهاجر هجرة غير شرعية الى ايطاليا زى ما الشباب من حوالى شهر عملوها والسفينة غرقت بيهم وماتوا ...وبكدة تبقى الحكومة خلصت منك وحددت النسل

طب الهجرة مش نافعة ولا الشغل هعمل اسرق انصب هتدخل السجن وتبقى مجرم

طب اعمل اية بقى انتحر ولا اية..هتبقى موت كافر وهتدخل النار ..وهى مش ناقصة كفاية النار اللى عندنا فى مصر

ومازال السؤال معلق ولا يوجد إجابة ؟؟؟!!

بعد التخرج بيجي التشرد !!!! بفتح نفسكوا ع المذاكرة !!! B0531411

مى فرغلى كتب:


والحكومة بتعاقبنا ..وبكدة تبقى الحكومة خلصت منك وحددت النسل طب الهجرة مش نافعة ولا الشغل هعمل اسرق انصب هتدخل السجن وتبقى مجرم هى مش ناقصة كفاية النار اللى عندنا فى مصر ومازال السؤال معلق ولا يوجد إجابة ؟؟؟!!

الله عليكي يا مي
انتي يا بنتى فيه حد ف عائلتك شيوعي
انتي والدك قوات مسلحة
سيبي الكلام ف الحكومة ده لبندق اهو واخد على
حبايبنا : المعنى ف باطن الزييير :
بس ربنا يكرمك كده لما تعرفي
اجابة السؤال عرفهولي اصلي مش مذاكر
ربنا يديكى طول العمر وتعرفي جزء من الاجابة
ف ا ل م ش م ش

كلام جميل يامي وانا موافقك عليه هو مش جميل قوي طبعا لانه وضع مأساوي بس كلنا من واحنا في الحضانه عارفين كده او علي الاقل شايفين كده الناس اللي بتتخرج بيعملو حاجتين بينامو او يقعدو علي القهوه وتيجي تكلمه يقولك مانا مش لاقي شغل وهو بكتيره نزل لف من غير مايسأل مالاقاش اعلانات مطلوب فيها اشغال ولو لقي واتقدم وماقبلش بيجيبها علي الواسطه والكوسه اللي ماحدش ينكر انها مغرقه البلد بس مابيسألش نفسه انه فيه احتمال ولو 1% انه يكون ماقبلش لانه مش مستوفي كل الشروط او لانهم لقو حد احسن منه

انا عندي سؤال اتمني حد يجاوبني عليه

لو في شغل واتعمل مقابله شخصيه وكان متقدم معاك ابن مسئول كبير او حتي ناشئ(يادوب عضو لجنه بالحزب الوطني) مش هاتفرق كتير واتعملت المقابله بما يرضي الله تحت اشراف الامم المتحده ووكالة الطاقه الذرية مين هاينجح؟ مين مؤهلاته اكتر؟

نحسبها بالعقل مع بعض هو صاحب الشركه عايز ايه في اللي هايشتغل

اولا: يكون مؤهل مناسب ودي متوفره فيكو انتم الاتنين

ثانيا: يكون عنده سيره ذاتيه كويسه يعني دورات لغات وكمبيوتر وماشابه ودي طبعا هاتبقي عنده باكتساح علي الاقل 3 لغات من باب الاتيكيت غير الكمبيوتر طبعا والكورسات اللي واخدها من اشهر المراكز اذا ماكانتش من بره لو بابا المسئول من اللي بيعمرو في المنصب وده غالبا

دول اهم حاجتين ممكن المدير او صاحب الشركه يفكر فيهم غير طبعا الوجاهه الاجتماعيه وده هايبان طبعا من نوع البدله اللي كل واحد لابسها ولو كان محارم ومابيخدش بالمظاهر فكفايه السببن اللي فاتر عشان هو ينجح وانت تتألش بره ومكانك محجوز ماتقلقش ماعدش في اكتر من الكفيهات في مصر

انا مش عايز الناس تقول ان انا بسودها بس ده الواقع اللي احنا عايشينه واللي هايستمر علي الاقل لمدة 10 سنين ربنا يدينا ويديكو طول العمر والصحه يارب

الله يفتح عليك يا حمادة
تصدق بالله انا حسيت بالذنب لانى عملت الموضوع ده
حاسسس انى هكون السبب في فشل ناس كتير اووووى
المشكلة ان كلامك مافهوش غلط فعلا ده الواقع
بس عارف لما تكون في حاجة ف وشك وانت عامل مش شايفها
بالظبط ده احساسي اللى هو عارف الكلام ده فعلا هيحصل بس
بقول لنفسي لا انشاء الله الدنيا هتكون احسن من النظرة السودة دي

يلاياشباب شدوا حيلكم وبلاش التشرد اللى هتبقوا فية
وانشاء الله اشوفكم احسن ناس

واما البنات يا اما نشتغل ودة اللى انا ناوية علية
وانشاء الله هاخد سنة تربوى
واشتغل انشاء الله
او هتجوز وا قعد اربى العيال

ميرسى يا جيمى موضوع حلو مووت

sadlysmile كتب:: يلاياشباب شدوا حيلكم وبلاش التشرد اللى هتبقوا فية
وانشاء الله اشوفكم احسن ناس

واما البنات يا اما نشتغل ودة اللى انا ناوية علية
وانشاء الله هاخد سنة تربوى
واشتغل انشاء الله
او هتجوز وا قعد اربى العيال

ميرسى يا جيمى موضوع حلو مووت

اللهم اكرمنا باى شغلانه بدل التشرد

» ادعية المذاكرة والامتحان .. يمكن ربنا يفتحها علينا .. قولوا امين