اعترافات مدير ذو خبرة طويلة

عدل سابقا من قبل Shams في 2009-05-30, 5:44 pm عدل 1 مرات

بدون زعل ياجماعه

اعترافات مدير ذو خبرة طويلة

مراتك......ولا......شغلك

(الجواب تحت)

كل نساء العالم يتهمن أزواجهم بأنهم بيحبو الشغل أكثر منهم

وأنا اصالة عن نفسي ونيابة عن الرجال أعترف بأن هذا صحيح ..........صحيح ...... صحيح ليه....؟؟؟؟؟؟؟

لي أسبابي ومبرراتي التي أرجو منكم التفكير فيها بعين العقل

أولا .........الشغل بيصرف عليّ....بس أنا اللي أصرف عليها

ثانيا........في الشغل ممكن تزعق براحتك و زعيقك يجيب نتيجة

مع مراتك صعب انك تزعق براحتك ومهما زعقت مش هيجيب نتيجة ...

ثالثا ........ممكن تزوغ من الشغل في أي وقت من غير ماحد ياخد باله أو حد من الزملاء يغطيك
أنما تزوغ من مراتك..هيهات..أنسى

رابعا ........في الشغل عندك مدير ممكن ترضيه لو اشتغلت كويس
إنما مراتك لو عملت قرد .. حمار .. أي حاجة مش ممكن ترضيها

خامسا.......في الشغل من حقك تاخد أجازه...عندك عارضه أو اعتيادي

دا غير يوم الجمعة....والعطلات الرسمية.....بصراحة الشغل خفيف ع القلب.....

أنما مع مراتك...مش ممكن تاخد أجازه......بالعكس دانت لازم تلزق فيها يوم إجازتك و إلا يبقى نهار اهلك مالوش ملامح

سادسا ........في الشغل ممكن تترقى و تاخد منصب بيه....وباشا كمان ويبقى لك مكتب لوحدك ..... و مراسل.....و سكرتيرهخاصة…. والكل يضرب لك تعظيم سلام.... في ا لبيت ح تعيش زوج وتموت زوج......واللقب الوحيد اللي ممكن تاخده لما تنادى عليك مراتك وتقولك.... يا بابا......أو...... .يا حاج.......... ولما تعجز...تقولك.....يا بركه

سابعا .......الشغل لو زهقت منه ممكن تسيبه بدون مشاكل.... وبسهوله .... أنما مع مراتك......لو روحك طلعت.....لازم تحط في بقك كوتشى وتفكر مليون مره.....في المحاكم والمؤخر و النفقة.. والعيال

ثامنا ........ في الشغل...لو سبته ....أو بلغت سن المعاش بتاخد مكافأة كبيره....ومعاش...وحفله تكريم

أما مراتك لو سبتها قبل ما تموت... أنت اللي ح تدفع مكافأة ومؤخر ونفقه......وشقه كمان....... وتتحبس لو ما دفعتش

تاسعا.........ممكن تغير شغلك وتتنقل لغيره لو لقيت شغل أحسن منه....... في حين أنك طوووول الوقت بتشوف بنات أحلى ميت مره من مراتك بس ماتقدرش تغيرها

عاشرا......في الشغل....متأمن عليك عشان لو حصل لك حاجه...... ولو حصل لك حاجه.....مراتك هي اللي هاتقبض التأمين

في النهاية ... بتحب مين أكتر...مراتك ولا شغلك؟؟

أكيد مراتك ... أحسن بلاش تسمع مرتك

هههههههههههههههههههههههههههههههههه
جااااااااااااااااااااااااااامد جدااااااااااااا التوبيك ده ياشريف
استمر بقى واتحفنا بمواضيعك
انا عن نفسي هحب
مراتي اكتر من شغلي طبعا

جامد جدا الموضوع ده يا شريف
استمر يا زميل ربنا يوفقكك
انا اكيد هحب مراتى اكتر والا مكنتش اتجوزتها
بس هى وجهات نظر؟؟؟؟؟؟؟؟؟؟

على فكرة بقا يا شريف الزوجة مش بتكون بشعة اوى زى ما انت مصورها فى موضوعك كده
انا شخصيا هكون زوجة حنينة اوى وهسيب زوجى على راحته يعمل اللى يريحه وفى نفس الوقت مايزعلنيش
انا كمان واثقة انو هيكون أسعد زوج ف الدنيا
وع العموم شكرا على موضوعك

مى فرغلى كتب:: على فكرة بقا يا شريف الزوجة مش بتكون بشعة اوى زى ما انت مصورها فى موضوعك كده
انا شخصيا هكون زوجة حنينة اوى وهسيب زوجى على راحته يعمل اللى يريحه وفى نفس الوقت مايزعلنيش
انا كمان واثقة انو هيكون أسعد زوج ف الدنيا
وع العموم شكرا على موضوعك

والله الكلام حلو
وبعدين الأيام بينا
وربنا يوفقك

ياشريف بجد ف بنات او ستات بجد
فيهم نسبة عقل عالية يعنى تتحمل جوزها
وتصونة وتحفظة
وبجد صدقنى اختيار الزوجة من الاول
هو اللى بيحدد بعد كدة الشاب يحب مراته ولا شغلة اكتر

ميرسى يا شريف على التوبيك الجميل دة

sadlysmile كتب:: ياشريف بجد ف بنات او ستات بجد
فيهم نسبة عقل عالية يعنى تتحمل جوزها
وتصونة وتحفظة
وبجد صدقنى اختيار الزوجة من الاول
هو اللى بيحدد بعد كدة الشاب يحب مراته ولا شغلة اكتر

ميرسى يا شريف على التوبيك الجميل دة

أنا بتكلم ع الغالبية من الزوجات وده حقيقة بالذات ف مصر

» اتعلم وخليك خبرة