بين الرجل والمرأة ( Shams & Dlo3a )

الرجل كالديك الذي يعتقد بأن الشمس ما اشرقت الا لتسمع صياحه

الرجال أطفال كبار

إذا تلبد قلب الرجل بالهموم انزاحت سحب الضباب بظهور المرأة

لاشيء يجعل الرجال رقيقي القلب الا عندما تغفر لهم خيانة عابرة

- شيئان يحبهما الرجل - الخطر واللهو - وهو يحب المرأه لانها اخطر انواع اللهو

- هموم الرجل عظيمه واعظمها فراق امرأه يحبها

متى أصبحت للمرأة أن تتساوى مع الرجل أصبحت سيدته

لو كان الرجال بشاربهم لكان الصرصار اجدعهم

إن كل فلسفة الرجال لا تعادل واحدة من عواطف المرأة

أن يقاوم الرجل قلب المرأة كأنما يكتب عليه شرب البحر

لاتثن على زوجك قبل سبع سنين

ميرسى جدا موضوعك جميل
بس ف حبة حاجات هقولك عليها
صدقينى مفيش حياه بتمشى من غير الرجاله والستات

Dlo3a كتب:: لو كان الرجال بشاربهم لكان الصرصار اجدعهم

دى مقوله خطا ميه ف المية
مفيش اى تشبيه بينهم

أن يقاوم الرجل قلب المرأة كأنما يكتب عليه شرب البحر

لا ف رجاله تقدر تقف ادام اجدع قلب اسالينى انا

لاتثن على زوجك قبل سبع سنين

الزوج دة نعمه من ربنا والمحافظة علية واحترامه
دة واجب علينا ف ازواج كتير جدا بتقدر زوجاتهم

على فكرة انا بنت لحسن تفتكرى انى ولد علشان كدة بدافع
بجد ف رجاله تستاهل كل خير
ولا اية ياشيرى

Dlo3a كتب:: الرجل كالديك الذي يعتقد بأن الشمس ما اشرقت الا لتسمع صياحه
المرأة هي الحرباء تتلون بلون الادوار التي ستمثله أمام ضحيتهااا
الرجال أطفال كبار
كان فيه تشبيه للمرأة بالحشرة
لأنها بتدخل فى اللى ملهاش فيه
إذا تلبد قلب الرجل بالهموم انزاحت سحب الضباب بظهور المرأة
لولا وجود المرأة ما وجدت هذه الهموم لأنها مصدر كل هم ومنبع كل غم
تشعل المرأة النار بابتسامتها... وتحاول عبثا أن تطفئها بدموعها
لاشيء يجعل الرجال رقيقي القلب الا عندما تغفر لهم خيانة عابرة
لو دققتى شويه هتلاقى إن ده يدل على قصور فى شخصية المرأة
لأن المرأة المتمكنة والواثقة من نفسها تستطيع ألا يجعل الرجل يخونها
لكن لو خانها يبقى هى اللى فيها النقص
- شيئان يحبهما الرجل - الخطر واللهو - وهو يحب المرأه لانها اخطر انواع اللهو
يعنى انتى عارفه ان انتوا للرجال مجرد لهو أو تسليه
- هموم الرجل عظيمه واعظمها فراق امرأه يحبها
هموم الرجل عظيمه وسببها المرأة فهى وراء كل مصيبة
متى أصبحت للمرأة أن تتساوى مع الرجل أصبحت سيدته
عشان كده عمركم ما هتتساووا معانا ولا عمرك هتسمعى عن امرأة تفوقت على رجل فى أى مجال من مجالاته بعكس الرجال اللى تفوقوا على النساء فى جميع مجالاتهم
لو كان الرجال بشاربهم لكان الصرصار اجدعهم
بس الرجال مش بشاربهم الرجال بعقولهم
وده اللى بيفرق الرجل عن المرأة العقل
الإتنين عندهم عقل بس الرجل بيستخدمه أما المرأة مش لازمها فى حاجه
إن كل فلسفة الرجال لا تعادل واحدة من عواطف المرأة
طبعا أمال إزاى هتقدر تضحك ع الراجل
أقوى أسلحتها الدموع

قالوا عن دموع المرأة وبكائها ..

- دموع المرأة طوفان يغرق فيه أمهر السباحين !
- عندما تبكي المرأة تتحطم قوة الرجل !
- لا تكف المرأة عن الكلام إلاّ لتبكي !
- المرأة تبكي ليلة الزفاف والرجل يبكي باقي الليالي !
- دموع المرأة وسيلة هجومها على الرجل !
- تستطيع الشمس ان تجفف مياه المحيط ولكنها لا تستطيع ان تجفف دموع إمرأة !
- لا تخدعك المرأة بدموعها .. فقد دربت عينيها على البكاء !

أن يقاوم الرجل قلب المرأة كأنما يكتب عليه شرب البحر
يقاوم إيه
عندها بدل الطريقة ألف مش هتسيبك
ما هى فاضيه لا وراها شغلة ولا مشغلة
لاتثن على زوجك قبل سبع سنين
طب وإيه الحكمة فى كده يعنى
مينفعش 6 ولا 5

موضوع كويس
بس برده مش جديره بالمنافسه شدى حيلك شويه
ههههههههههههه
ياريت اللى جاى يكون أقوى من كده

hhhhhhhhhhh the fight has just begun . try ur best to prove urself but anyway it's funny.

ده انت شكلك كده مش هتجيبها لبر

وشكلك مش سهل

بس أنا وانت والزمن طويل

ويارب المنتدى يستحمل بس

وبعدين أشد حيلى شويه إزاى وبنات المنتدى مش واقفين معايا

هقف لوحدى يعنى

أنا عايزه البنات تساعدنى وأنا هوريك

قال النبي محمد صلى الله عليه وسلم
الدنيا متاع وخير متاعها المرأة الصالحة

قال النبى صلى الله عليه وسلم
استوصوا بالنساء خيرا فإنما هن عوان عندكم، إن لكم عليهن حقا، ولهن عليكم حقا

قال النبي محمد صلى الله عليه وسلم
(إنما النساء شقائق الرجال، ما أكرمهن إلا كريم، وما أهانهن إلا لئيم

ياريت تقرا الكلام ده كويس ولا هتعارض وتجادل فيه ده كمان

انا مستمتع بصراحة بالكلام ده

و ما تنسوش انه أكشن أو منافسة شريفة

و كلنا فى الآخر اخوات

و مستنين نشوف مناظرات أقوى من كدة

ربنا معاكم

قال صلى الله عليه و سلم (( ما أفلح قوم ولوا أمرهم امرأة ))

وقال أيضا

(( وَاسْتَوْصُوا بِالنِّسَاءِ خَيْرًا ، فَإِنَّهُنَّ خُلِقْنَ مِنْ ضِلَعٍ ، وَإِنَّ أَعْوَجَ شيء في الضِّلَعِ أَعْلاَهُ ، فَإِنْ ذَهَبْتَ تُقِيمُهُ كَسَرْتَهُ ، وَإِنْ تَرَكْتَهُ لَمْ يَزَلْ أَعْوَجَ فَاسْتَوْصُوا بِالنِّسَاءِ خَيْرًا ))

قال رسول الله صلى الله عليه وسلم :
( الدنيا خضرة حلوة , و إن الله مستخلفكم فيها لينظر كيف تعملون !
فأتقوا الدنيا واتقوا النساء فإن أول فتنة بني اسرائيل كانت في النساء ).رواه مسلم

وقال:صلى الله عليه وسلم: (( يا معشر النساء، تصدقن ولو من حليكن، فإنكن أكثر أهل النار يوم القيامة))
متفق عليه

فى نماذج من النساء تفوقوا جدا وكانوا محل اعجاب من الناس كلها
وده مثال

زبيدة بنت جعفر زوجة هارون الرشيد

عُـرفت زبيدة بنت جعفر بمواقفها الرصينة , ومكانتها المرموقة , والاثار التي تركتها في بلاد الحرمين.
وقد وصفها ابن تغري بردي قائلا: أعظم نساء عصرها ديناً وأصلا وجمالاً وصيانة ومعروفاً.
وقد ذكر ابن جبير في طريق رحلته الى مكة الاثار وعين الماء المروفة باسمها فقال: وهذه المصانع والبرك والابار والمنازل التي من بغداد الى مكة هي ءاثار زبيدة ابنة جعفر.

وكانت زبيدة أثناء حجها قد رات ما يعانيه الحجاج من نقص المياه ,لهذا أمرت بحفر نهر جار يتصل بمساقط مياه المطر, وبذلت الكثير من أموالها وجواهرها . وبعد أن درس أمهر المهندسين المشروع, قرروا أنه يحتاج لأموال عظيمة لإنشاء هذه العين, فكان جوابها: اعمل ولو كلفتك ضربة الفاس ديناراً.
وبلغ طول هذه العين عشرة أميال.

توفيت زبيدة ببغداد سنة 216هجرية وظل الناس يتذكرون سيدة عظيمة خدمت سبل الحج بتأمين المياه وأنفقت أموالها في سبيل ذلك

إيه رأيك ؟

"إيفابيرون"

عندما كان يذكر اسم "إيفا بيرون" أمام الشعب الأرجنتيني كان الجميع ينحني احتراماً وإجلالاً لهذه السيدة العظيمة.

فقد كان جميع أفراد الشعب يحبونها لأنها كانت تساعدهم جميعاً خاصة الفقراء منهم ولهذا أطلق عليها الشعب الأرجنتيني عدة ألقاب منها (القديسة إيفا) و(الملاك الصغير إيفا) وعندما كانت تخرج إلى الشوارع كان الشعب الأرجنتيني يخرج عن بكرة أبيه ليرى معبودته، ولقد وصل الأمر أن يضع الكثير من البسطاء صورة "إيفا بيرون" في بيوتهم وتقديسها.

و"إيفا بيرون" هي ابنة غير شرعية لإحدى الأسر الأرجنتينية الفقيرة وقد بقيت عند الأسرة التي تبنتها حتى بلغ عمرها 15 عاماً ثم ذهبت إلى العاصمة بيونس أيرس لتجد عملاً لها، وقد حاولت في البداية أن تعمل في التمثيل مستغلة جمالها الصارخ، إلا أنها اتجهت إلى الإذاعة، وفي أحد الأيام قام الكولونيل "خوان بيرون" بزيارة للإذاعة وعندما رآها حبها وتزوجها، وحين أصبحت "إيفا" زوجة للرئيس استغلت كل سلطاتها ونفوذها لجمع الأموال وتوزيعها على الفقراء وعلى أبناء الشوارع، وبقيت صورتها الجميلة محفورة في ذاكرة الشعب الأرجنتيني حتى ماتت وعمرها لا يتجاوز الـ33 عاماً، وعندما ماتت خرج في تشييعها أكثر من مليوني أرجنتيني، وظل الشعب يبكيها سبعة أيام.

المفاجأة.. بعد الانقلاب الذي وقع في الأرجنتين ضد زوجها "خوان بيرون" والذي قاده الكولونيل "لوناردي"، تم فتح أبواب القصر الباروني أمام الجماهير فكانت المفاجأة عظيمة والصدمة أعظم فقد كانت "إيفا" تمتلك 15 سيارة سباق من أغلى السيارات في العالم بالإضافة إلى 250 سيارة من أفخر ماركات السيارات الأمريكية والألمانية والبريطانية.

أما المبالغ النقدية التي كانت في حسابها في بنك الأرجنتين الوطني فقد وصلت إلى عشرة ملايين دولار في حين وصلت حساباتها في بنوك سويسرا أكثر من 100 مليون دولار.

وخزائن قصرها فقد كانت مملوءة بالأحجار الكريمة والمجوهرات النادرة وكانت ملابسها من أشهر دور الأزياء في العالم وأحذيتها كانت مصنوعة خصيصاً لها من جلد الحيوان (المنك) الذي يعد فراؤه وجلده من أغلى أنواع الفراء والجلود في العالم كما أن صيده ممنوع لأنه مهدد بالانقراض.

استغلت "إيفا بيرون" فقر شعبها لتطلب قروضاً من البنك الدولي ومن صندوق النقد الدولي ولكن بدلاً من أن تذهب هذه الأموال إلى المشروعات العامة ذهبت إلى حساباتها الخاصة ومتعتها الخاصة.

ـــــــــــــــــــــــــــــــــــــــــــــــــــــــــــــــــــــــــــــــــ
"ميري تيودور"

تسلمت "ميري تيودور" عرش بريطانيا عندما كان عمرها 37 عاماً وكان الشعب البريطاني يحبها حباً عظيماً، ولكي تحافظ "ميري" على وجودها في الحكم كانت تقتل كل شخص يمكنه أن يتسلم مكانها حتى إنها قتلت من أقاربها أكثر من 283 شخصاً..

وكانت عملية القتل تتم من خلال دعوة على العشاء وعادةً ما يكون الشراب مسموماً وفي بعض الحالات كانت عمليات القتل تتم في أثناء حفلات العيد، وعندما تم اعتقالها وتقديمها للمحاكمة قالت إنها كانت بهذه الطريقة تحافظ على الحكم.

ــــــــــــــــــــــــــــــــــــــــــــــــــــــــــــــــــــــ

"الأميرة إليزابيث باثوري"

كانت الأميرة "إليزابيث" من أجمل نساء بريطانيا ولهذا كان جميع الأمراء يتسابقون للفوز بالزواج منها وتزوجت وعمرها لا يتعدى الـ(15) عاماً.

ولأنها كانت جميلة للغاية فقد كانت تخاف أن يذهب جمالها في يوم من الأيام، وعندما بلغت 43 عاماً بدأت تشعر بالزمن يزحف على وجهها، فحاولت عن طريق الأطباء أن تجد علاجاً لها إلا أن ذلك لم يكن باستطاعتهم..

فلجأت إلى إحدى الساحرات فنصحتها أن تشرب دماء فتاة عذراء، وعلى الفور أمرت حراسها أن يخطفوا لها فتاة عذراء كل يوم حيث كانت تقتلها وتشرب دمها وبعد 5 سنوات لم تشعر بأي تقدم فاستشارت الساحرة مرة أخرى فنصحتها بأن عليها أن تشرب دماء فتاة عذراء من العائلة المالكة، وبدأت الأميرة على الفور في خطف الفتيات الصغيرات من العائلة المالكة.

وقد بلغ عدد ضحاياها 25 فتاة في أقل من سنتين فتنبهت العائلة المالكة لها وتم تقديمها إلى المحكمة فاعترفت بأنها قتلت المئات من الفتيات الفقيرات في السنوات الخمس الأولى قبل أن تتجه لقتل الفتيات الصغيرات من العائلة المالكة.

ـــــــــــــــــــــــــــــــــــــــــــــــــــــــــــــــــــــــ

"كريستين ملكة السويد"

كانت امرأة جميلة للغاية وكانت ثقافتها العامة وسرعة بديهتها تزيد جمالها، وقد تقدم للزواج منها الكثير من الأمراء لكنها كانت ترفض ذلك بشدة بحجة أن زواجها سيشغلها عن مصالح شعبها،

كانت "كريستين" لا ترحم أحداً وكانت عندما تشك في أي شخص ممن حولها تأمر بقتله مباشرة دون محاكمة، وكانت عملية القتل فيها الكثير من العذاب، حيث كانت تأمر المتهم بلبس درع مغروس فيها قطع حديدية صغيرة بحيث تكون هذه القطع تجاه جسده من الداخل، ثم تأمر الحراس بالضغط على الدرع حتى يخرج الدم من جسده وفمه وأذنيه ثم تسير على الجثة ذهاباً وإياباً وتنصرف.

السيدة زبيده والسيده عائشه , خديجه وغيرهم ف الوقت ده كانوا يعتبروا طفره ف النساء
ومش أتوقع وجود أى من مثيلاتهن هذه الايام أو من يتخذ حذوهن
دلوقتى بيمشوا ورا المغنيات والممثلات
ولا أنا غلطان !؟

وأنا جبتلك أمثلة حديثة شوية

مستنى اللى بعده
وشدى حيلك شويه أكتر من كده

till now shams did it right .

لو عملتى للراجل ايه مش هيعجبه

لو عاملتيه حلو يقولوك واقعة فى هوايا
وان معبرتيهوش
يقول عليكي مغرورة ومناخيرك في السما

لو لبستي حلو واتشيّكتي يقول بتعمل كده
عشان تلفت نظري ليها
ولو انتي عمليّة شوية يقول عليكي فلاّحة

لو
اتناقشتي معاه هيقول عليكي عنيدة
ولو سكتّي هيقول عليكي مخك فاضي

لو
انتي أذكى منه هيدّيكي الوش الخشب
ويا سلام لو هوّ اذكى منك..
هتتفرّجي

لو مش بتحبيبه هيحاول يتملّكك
ولو انتي بتحبيه وكنتي عبيطة
وبيّنتى حبك ليه بسرعة هيحاول يسيبك

لو قلتيله على مشاكلك هيقول
عليكي مزعجة
ولو مقولتيش هيقول انك مش بتثقي فيه

لو حاولتي تنصحيه هيقول
عليكي عايزة تتحكمي فيه
ولو هو اداكي أمر (قصدي نصيحة !!!) ده لانّه بيخاف عليكي

لو حصل ووعدتيه بحاجة ومعملتيهاش هتبقي مش موضع ثقة
اما هوّ لو
خلف وعده فده غصب عنه.. اضطر

لو انتي حليتي حلو فى الامتحانات يقولك ده حظ

اما هو لو حل حلو يقولك ذكـاء

لو جرحتيه تبقى قاسية ومعندكيش قلب
اما
لو جرحك فيقولك انتي حساسة اوي ومكبرة الموضوع وهوّ مايستاهلش؟؟

لو
قريتي الموضوع ده وبعتّيه لحد من الولاد هيقول مش صحيح
ولو قرتيه ومبعتيهوش
هيقول انك انانية

الأحسن انك تقريه وتبعتيه لولاد وبنات برضه عشان يقولوا
رأيهم معانا

عشان احنا طبعا ديمقراطيين واللى مش هيعجبوا هيقول بنات آخر زمن
مش عاجبهم حد

انا مش ضد حد بس
ديما بقول ان الراجل والست بيكملوا بعض ف الدنيا دى
محدش يقدر من غير النص التانى دة راى
Dlo3aشدى حيلك

ربنا معاكى

شيرى يا باشا طول عمرك
استمر بقى

البنــات مخلوقــاتعجيبــة

If you praise her, she thinks you are lying
إذا مدحتهــا تعتقــد أنـــك كـــــذاب

If you don't, you are good for nothing
وإذا لم تمدحهـــا تعتقد بأنك لا تصلــح لشيء

If you agree to all her likes, you are a wimp
إذا وافقتها على كلما تريد تعتقد أنك بلا شخصيـــة

If you don't, you are not understanding
وإذا لم توافقهـــا أنت رجـــل لا يفهــم شيئاً

If you visit her often, she thinks it is boring
إذا زرتهــا كثيراً تعتقد أنــكرجــل غثيــث

If you don't, she accuses you of double-crossing
وإذا لم تزرهـــا فـــأنت شخص لا مبالي

If you are well dressed, she says you are a playboy
إذا كــنـــت مهتماً بمظهرك وشياكتك فأنت رجـــللعـــوب

If you don't, you are a dull boy
وإذا لم تلبــس جيداًفأنـــت رجـــل تحرق الأعصـــاب

If you are jealous, she says it's bad
إذا كـنــت رجلاً ! غيوراً فـــأنت سيء الطبـــاع

If you don't, she thinks you do not love her
وإذا لم تظهــر لك غيرتهـــا فإنهــا تعتقــدأنـــك لا تحبهـــا

If you are a minute late, she complains it's hard to wait
إذا تأخرت عليها دقيقــة فإنها تشتكي وتتذمر وتقول : ما أصعب الانتظار !

If you visit another man, you're not putting in "quality time"
وإذا كنت تزور أحــد أصدقائــك فإنها تقول : بأنك رجــــل فاضي !

If you fail to help her in crossing the street,you lack ethics
إذا لم تتوقفلهـــا حتى تقطع الشارع فأنت رجـــل عديـــم الأخلاق

If you do, she thinks it's just one of men's tactics for seduction
أمـــا إذا وقفــت فإنهاتعتقــد بأنك واقف حتى تتفـــرج عليهـــا

If you stare at another woman, she accuses you of flirting
إذا كنت تراقــب أحد النساء فإنك رجلتغــازل وعيونك زايغـــة !

If she is stared by other men, she says that they are just admiring
أمـــا إذا نظر إليها أحـــد الرجـــال فإنهأحـــد المعجبيـــن !

If you talk, she wants you to listen
إذاتكلمــــت فإنهـــا تريـــد أن تــســتــمع

If you listen, she wants you to talk
وإذا سمعـــت فإنهـــا تريـــد أن تــتـــكلم !

دمعة الرجل أم المرأة...؟؟
البنات بحكم انهم رومانسين فالدموع دى عادى بالنسبة لهم ويختلف من بنت لاخرى تحس انها دموع تماسيح اما بالنسبة للرجال بالمثل يختلف من رجل لاخر لاكن بحكم ان الرجال يقدروا يتماسكوا لو بكى يبقى صادق اكترمن البنات

دمعه الراجل اصدق لان من الصعب انة يبكى على ايه حاجة بصفه راجل فلو بكى يبقى صادق اوى
أما البنات ع الفاضى والمليان بيعيطوا
دمعة الراجل أصدق لإن دموع الرجل غالية عليه وصعب يبينها
واحيانا دمعته بتكون سبب ضعفه علشان كده نادر اما نشوفها
ممكن المرأه تمثل انها بتعيط لكن الراجل ميعرفش
وفى حديث عن الرسول عليه الصلاة والسلام

فيما معناه انا مش فاكره اوى يعنى بيقول

يعنى تلاته احنا منصدقهمش

1- التاجر اذا اقسم .

2- المرأة اذا ابكت .

3- مش فاكره

مستنى ردك يا dl3a ?

مش لاقية حاجة أرد بيها
وبعدين أنا لوحدى ومحدش واقف معايا
وان شاء الله هتلاقى واحدة تقف قصادك وتتحداك وتهزمك
تكون نفسها طويل وعندها معلومات وفيرة
وبعترف إنك انت اللى كسبت
وده مش عيب
على فكرة أنا صوتلك
لأن مواضيعك كان فيها دفاع وهجوم فى نفس الوقت
give up
بس أنا سعيدة جدا بالمشاركة معاك

فى النهاية بقول ان الرجل والمرأة عنصرين متكاملين فى المجتمع بيكمل كل منهم الأخر
محدش فيهم يقدر يعيش من غير التانى
الرجل ميقدرش يعيش من غير المرأة
والمرأة متقدرش تستغنى عن الرجل

هههههههههههههههههههههه
طول عمرك جامد ياشيري ورافع راسنا
بس دلوعه في الاخرسلمت وقالت الحق
الراجل مايقدرش يستغني عن المرأه وكذلك العكس
اتمني ياشريف انك تعرف كده وتعترف انت كمان
لكن شهادة حق اكتر واحده لحد دلوقت وقفت قدام شريف
بس واضح انك كمان مش مسالمه خالص ولا حمامه ولا زيتون
شنيتي حرب علي الرجاله للاسف مالحقتهاش من الاول
بس شريف والحمد لله قام بالواجب

فى ختام الموضوع حبيت أنقلكم وجهة نظر بنت فى موضوع نزلته ف منتدى وعجبنى أوى

((الرجال قوامون على النساء بما فضل الله به بعضهم على بعض))

القوامه للراجل هنا مش من باب ان الرجل افضل من المراه لا طبعا دى من باب ان المراه مخلوق رقيق وضعيف محتاج دايما ركن اقوى تعتمد عليه

انا مع المساواه اللى تدى المرأه كل حقوقها فى ظل احتفاظها بانوثتها وكيانها

يعنى المساواه فى العلم فى الاخلاق فى العمل ومش كل العمل برده يعنى متقوليش بنت وتبقى قاضى ولا مأذون ولا ظابط

انا ضد اى شئ يهين انوثه البنت او يقللها
وبعدين انا شايفه ان انا ربنا مكرمنا اوى اوى واحنا كدا
واسلامنا ودينا حفظلنا حقوق اكتر بكتيرمن اللى هما بينادوا بيها دلوقتى

شوف كام حديث نبوى عن حسن معامله المراه
شوف كام ايه فى القران خاطبت المراه
يكفينا شرف ان احنا معمل الحياه ربنا وضع على عاتقنا مسئوليه انشاء جيل كامل

منكرش جه فى وقت من الاوقات كانت المراه فى قمه ظلمها والتعدى على حقوقها واللى ادى الى ظهور الفكر المشوه الحالى عن مضمون كلمه المساواه

بقت المساواه دلوقتى شئ لعين حتى فى المظهر لدرجه انك ممكن وانت ماشى فى الشارع متعرفش تفرق بين ولد وبنت من ضهرهم

المساواه شئ عظيم بس لاللى يفهمها يصح ويطبقها بمفهومها القويم

انا بنوته وشايفه انى واخده مميزات كتير وانا بنوته وشايفه ان دينى ادانى اعظم حقوقى وانا كدا ومش محتاجه اى فكر عقيم بمفاهيم خاطئه يجى يكلم بلسانى ويطالب بحقى بطرقه غلط

ده الموضوع وياريت ينول إعجبكم زى ما عجبنى

lovelysmile كتب:: هههههههههههههههههههههه
طول عمرك جامد ياشيري ورافع راسنا
بس دلوعه في الاخرسلمت وقالت الحق
الراجل مايقدرش يستغني عن المرأه وكذلك العكس
اتمني ياشريف انك تعرف كده وتعترف انت كمان
لكن شهادة حق اكتر واحده لحد دلوقت وقفت قدام شريف
بس واضح انك كمان مش مسالمه خالص ولا حمامه ولا زيتون
شنيتي حرب علي الرجاله للاسف مالحقتهاش من الاول
بس شريف والحمد لله قام بالواجب

عيب يا صحبى انت ناسى انا مين
وبعدين ده تخصصى
لازم يكون عندك ثقة فيا

Dlo3a كتب:: مش لاقية حاجة أرد بيها
وبعدين أنا لوحدى ومحدش واقف معايا
وان شاء الله هتلاقى واحدة تقف قصادك وتتحداك وتهزمك
تكون نفسها طويل وعندها معلومات وفيرة
وبعترف إنك انت اللى كسبت
وده مش عيب
على فكرة أنا صوتلك
لأن مواضيعك كان فيها دفاع وهجوم فى نفس الوقت
give up
بس أنا سعيدة جدا بالمشاركة معاك

أنا كمان كنت بواجهك لوحدى من غير أى حد معايا
معتقدش ان فى واحدة هتقدر تواجهنى وتنتصر عليا عشان مش بالمعلومات ده مبدأ عندى
شكرا ليكى يا دلوعه وعلى فكرة انا كسبت انسانه جديره بالتحدى والمواجهة ومنافسة قوية
شكرا ليكى على تصويتك ليا
وهاردلك
وأنا سعيد جدا بالموضوع الهايل ده واللى كل واحد فينا أظهر وجهة نظر للتانى

Dlo3a كتب:: فى النهاية بقول ان الرجل والمرأة عنصرين متكاملين فى المجتمع بيكمل كل منهم الأخر
محدش فيهم يقدر يعيش من غير التانى
الرجل ميقدرش يعيش من غير المرأة
والمرأة متقدرش تستغنى عن الرجل

كلامك منطقى

» الرجل والمرأة ف الحب
» happy birth day shams
» حب الرجل ف صمت
» حب المرأة اوفى من حب الرجل
» ماهى طبيعة الرجل ؟