السلام عليكم ورحمة الله وبركاته

السلام عليكم ورحمة الله وبركاته أزيكوا يا جماعة في البداية أحب أعرفكم بنفسي أنا اسمي أحمد سمير دفعة 2007 يعني مش من الدفعة بتاعتكم بس أعرف منهم أصحاب كتير أحب أهنيكم على المنتدى الجميل بتاعكم ودفعتنا فعلا كانت هتعمل منتدى زي ده بس ربنا موفقش
أنا عارف دكتورة مروة من زمان لأنها كانت بترسلنا واحنا لسه في سنة أولى وكانت لسه معيدة بس هي شخصية محترمة جدا أخيرا في حاجة واحدة بس عاوز أوضحها لكم المنتدى ناقصة شوية حاجات يعني الصراحة أنا شايف إن معظم الدفعة بتاعتكم مبتدخلش عليه وهما بس مجموعة منكم اللي بتشارك يعني المنتدى مش لكل الدفعة
ثانيا لاحظت إن كل الموضوعات شبابية زيادة عن اللزوم يعني كلها عن علاقات الولد بالبنت والحب والرومانسية يعني في حاجات كتير ناقصة المفروض إن ده يكون قسم أو جزء في المنتدى مش معظم الحوار ثالثا أنا حاليا ربنا وفقني وشغال مترجم إنجليزي عشان أنا كنت بجتهد الحمد لله في الكلية وبحضر دراسات عليا في الأدب الإنجليزي ليه منعملش قسم يهتم باللغة اللي كتير مننا كانوا بيشتكوا إنهم متعلموش حاجة من الكلية واختلاف مناهج الدراسة عن اللغة المستخدمة في الحياة العملية (ودي حاجة أنا لاحظتها في شغلي في الترجمة) يعني أفصد إن المنتدي يكون برضة فايدة للأعضاء مش مجرد منتدى حواري نسلم بيه على بعض وبس وفي الآخر محدش يزعل مني أنا بتكلم بصراحة وتشرفت بمعرفتكم

اولا اهلا بيك يا احمد ف المنتدى ومنور طبعا
بس يا احمد ف نسبة كبيرة جدا من الدفعة موجودة والمنتدى مش بقاله كتير
يعنى كام شهر وطبيعى انه ياخد وقت عقبال ما ينتشر

يعنى اية شبابية زيادة عن اللزوم طبيعى انها تبقى شبابية لان دى المشاكل اللى بتقابل الشباب
والله قسم كلام من القلب موجود مفتوح لاى مشكلة مش للعاطفية بس وزى ما قولتلك المنتدى لسة جديد
واحنا بنجدد فية بستمرار وبعدين مش كله حب ورمانسية عندك قسم العام وركن الدكتورة مروة وملفات مصرية
وقسم الكورة والشعر والادب وبرامج الكمبيوتر والموبايل وتعليم اللغات يعنى حاجات مختلفة

وبالنسبة لقسم اللغة عندك قسم للغات مختلفة انجليزى وفرنساوى والمانى يعنى فية فايدة وتقدر تفيدنا بخبرتك
وقسم المقترحات عندك اقترح اى اقتراح عندك فية والادراة تدرسة

وف الاخر طبعا دة رايك وياريت تقبل راى وطبعا منور منتدانا وكأنك ف بيتك
منورنا يا احمد

Thanks Sadly for every thing.

AhmedSamir كتب:: السلام عليكم ورحمة الله وبركاته أزيكوا يا جماعة في البداية أحب أعرفكم بنفسي أنا اسمي أحمد سمير دفعة 2007 يعني مش من الدفعة بتاعتكم بس أعرف منهم أصحاب كتير أحب أهنيكم على المنتدى الجميل بتاعكم ودفعتنا فعلا كانت هتعمل منتدى زي ده بس ربنا موفقش
أنا عارف دكتورة مروة من زمان لأنها كانت بترسلنا واحنا لسه في سنة أولى وكانت لسه معيدة بس هي شخصية محترمة جدا أخيرا في حاجة واحدة بس عاوز أوضحها لكم المنتدى ناقصة شوية حاجات يعني الصراحة أنا شايف إن معظم الدفعة بتاعتكم مبتدخلش عليه وهما بس مجموعة منكم اللي
بتشارك يعني المنتدى مش لكل الدفعة
والله إحنا عملنا اللى علينا وعملنا حاجه تخلينا على اتصال دائم مع بعض
وبعدين فى كتير من أصحابنا بيدخلوا من غير تسجيل كزائرين عشان يعرفوا أخبار الدفعة بتاعتنا ويطمنوا على أحوالهم ودىلوحدها تكفى
المنتدى بيرحب بكل الدفعة سواء زائرين أو أعضاء أو من داخل القسم أو من خارجه
ثانيا لاحظت إن كل الموضوعات شبابية زيادة عن اللزوم يعني كلها عن علاقات الولد بالبنت والحب والرومانسية يعني في حاجات كتير ناقصة
والله لكل مقام مقال ودى المشاكل الأكثر سواد بين المجموعة دى
وبعدين احنا مش حددنا ان الحديث يكون ف المجال ده
كل واحد حر يتكلم ويناقش اللى هو عايزه
سواء حب أو صداقة أو علاقة الولد بالبنت
المفروض إن ده يكون قسم أو جزء في المنتدى مش معظم الحوار
المنتدى حر وأى شئ تم طرحه على المنتدى تم ت مناقشته بدون أى إهمال
وبعدين السبب ف ده انه معظم الحوار ده لأننا دفعة وأصحاب مترابطين مع بعض سواء ولاد أو بنات ودى حاجة مكنتش موجوده ف أى دفعه قبل أو بعد دفعة 88
ثالثا أنا حاليا ربنا وفقني وشغال مترجم إنجليزي عشان أنا كنت بجتهد الحمد لله في الكلية وبحضر دراسات عليا في الأدب الإنجليزي ليه منعملش قسم يهتم باللغة اللي كتير مننا كانوا بيشتكوا إنهم متعلموش حاجة من الكلية واختلاف مناهج الدراسة عن اللغة المستخدمة في الحياة العملية (ودي حاجة أنا لاحظتها في شغلي في الترجمة) يعني أفصد إن المنتدي يكون برضة فايدة للأعضاء مش مجرد منتدى حواري نسلم بيه على بعض وبس وفي الآخر محدش يزعل مني أنا بتكلم بصراحة وتشرفت بمعرفتكم
فى قسم ف المنتدى عن تعليم اللغات ولو أى حد عنده طلب معين أو أى استفسار ف اللغة يطلبه ف القسم ده
ولو أى حد شايف أن فى أى حاجه مفيده لينا بيحطها ف القسم ده
وبصفتك مترجم إنجليزى حاليا وبتحضر لدراسات عليا زى ما بتقول
أنا مستنى منك أول موضوع ليك ف قسم اللغات وياريت يكون موضع نستفيد منه كلنا
ومرحب بيك ف المنتدى
ومستنى مواضيعك

» قال رسول الله صلى الله عليه وسلم
» حسنا الله ونعم الوكيل
» أعصى الله ولكن بشرط؟؟
» خلية حزب الله .... ورقة كسبت بها مصر الكثير
» وصف سيدنا الحبيب محمد صلى الله عليه وسلم