ممكن شوية زعل يدمر الصداااااااااقة ؟؟؟؟؟؟؟؟

هشوفها انا بمنظور تانى عن التوبكات التانيه

هتكلم عن الصحوبيه اللى بتطلع فشنك
ديما تلاقى ناس اصحاب من الابتدائى لحد الجامعه
والصحوبيه ما بنهم تنفض بسبب اى زعل

والغريب ان كل واحد فيهم
بيقول عن التانى انه طلع غير مهو كان متخيله
كل واحد يقول عن التانى انه مصانش صحوبيه سنين وصلت لدرجه الاخويه

مع ان الاتنين بيبقو كدا
بس
الصح والصحيح ان يا اما واحد فيهم بس اللى غلطان
يا اما الاتنين غلطانين

نفسى بجد كل صاحب بعد عن صاحب عمره وزعل معاه
يفكر تانى ويحكمها فى عقله

جايز الغلط عنده ويفكر زى مهو شايف ان صحبه غلط فى حقه
ان صاحبه شايف نفس ده

بجد يا ريت كل واحد فينا يفكر لو كان زعل مع صاحب طفوله وعاشو مع بعض سنين حلوه اوى
وحصل زعل يفكر

اكيد حتى لو هو صح وصاحبه غلط فى حقه
هو غلط لانه وصل الصداقه دى لمرحله كدا
لانها استحاله تكون وصلت لكدا
الا بسبب عيب فى الاتنين
يا ريت بجد اتمنى
من كل الاصحاب الىل زعلو
يفكرو
هيلاقو نفسهم غلطانين

وفى الحاله دى الاعتزار مش قله كرامه الاعتزار بجد هو الكرامه
لانه حتى لو هيفضل فى نظر نفسه
انه عمره مهيندم انه فرط فى صاحب عمره وحاول يبقى عليه لاخر لحظه

والله يا جيمى لو الصاحب غلط ف صاحبه من غير قصد

يبقى واجب عليه إنه يقبل إعتزاره
وكأن شىء لم يكن
بس طبعا ميتكررش نفس الغلط منه
إنما لو الغلط عن عمد
يبقى لازم تاخد قرار بتصفية الصداقة الرخيصة دى وانت الكسبان

كلام شريف صح جدا و مظبوط

و اعتقد انه نفس الرأى اللى فى الموضوع الجميل ده يا جيمى

فعلا موضوع هايل

تمام يا برنس منه لهو
بس ازاى هتحكم ان الغلط ده متعمد او من غير قصد
ازاى هتحكم وانت ف المشكلة
ااظن ان الانسان عمره ماهيشوف ان صاحبه م كانش قصده
وطبعا كلامكوا صح انه مايتتكررش

JEMY MARTIN كتب:: تمام يا برنس منه لهو
بس ازاى هتحكم ان الغلط ده متعمد او من غير قصد
ازاى هتحكم وانت ف المشكلة
ااظن ان الانسان عمره ماهيشوف ان صاحبه م كانش قصده
وطبعا كلامكوا صح انه مايتتكررش

أنا رأيى أنك انت أكتر واحد ممكن يحكم ف الموضوع ده
ولو اتحيرت أوى ممكن تأخد رأى أحد زملائك
اللى يعرفكم إنتم الإتنين
بس برده رأيى أنك إنت الوحيد اللى ممكن تحكم

انا رأيي ان الصداقة اللى بجد مينفعش تنتهى
بزعل حتى لو كان الزعل كبير ومش هين
بس دى لو كانت صداقة بجد اصلا ومبنية على اساس صح وعاشت سنين

انا بتفق مع مي في كلامها لان لو دي صداقه بجد يبقي ماينفعش كل واحد يتلكك للتاني او يزعل منه من اقل مشكله

بالعكس المفروض يعد معاه ويسمعه والغلطان يعتذر والتاني واجب الصداقه يحتم عليه انه يتقبل الاعتذار

ويحاول بكل مايستطيع انه يحافظ علي الصداقه لحد اخر وقت لان مش كل يوم الواحد بيلاقي صاحب يقدر يثق فيه

وبالنسبه موضوع ان كل واحد مش لقي التاني زي ماكان متصوره ده معناه انها مش صداقه حقيقيه

وكل واحد مش بيتعامل بطبيعته عشان كده ماعرفوش يفهمو بعض لانها صعبه انك تقضي مع واحد فتره زي دي ومتفهموش في الاخر

وبعدين الصاحب هي الحاجه الوحيده اللي الواحد بيختارها بارادته ورغبته يبقي لازم يدافع عن رغبته وقراره علي الاقل

توبيك جميل ياصاحبي زي كل مواضيعك
ومتتأخرش علينا في الموضوع الجديد

انا راى من راى محمد
بس برضة المفروض الاصدقاء
يحافظوا على بعض ويحاولوا يتفادوا اى مشاكل

ميرسى ياجيمى على موضوعك الرائع

اتمنى ان كل حد بيحب صديقه

وبيقدره يحاول يحافظ ع الصداقة دى

بص ياجمال

الصداقه عنوان حياه شخصيه ليك انت
انك تعرف صديق العمر ليك ده تحكيله على اسرار وتشاركه احزانك وافراحك شى رائع

ولكن يتخلخل هذه الحياه مشاكل اكيده والمشاكل موجوده فى اى قصه

بس الصداقه تبان فى الوقت الصح
هو الاحزان طريقه حل المشاكل

فى ناس تروح قايله ولا صاحب ولا بتاع وتسيب وتمشى

صحاب المصالح ومااكترهم فى الدنيا بتاعتهم

احنا بندعى ربنا انه يكون قد وفقنا فى اختيار صديقنا الصالح وليس الضالح

» قوانين القسم العام
» اضحك معانا شوية بالترجمات دى !